RSG Kuns

John Theodore is 'n boorling van Oudsthoorn. Dis ook waar hy sy eerste klavierlesse gekry het. Ná sy skool- en universiteitsopleiding, het sy loopbaan vlamgevat, wat verskeie pryse en optredes insluit. Hy is een van vier kunstenaars wat vanjaar deur die KKNK vereer word vir hulle bydrae tot die kunste, en in John se geval, vir sy bydrae tot musiek. Terrance April het 'n eksklusiewe onderhoud vir R...

Paul Slabolepszy se nuwe toneelstuk, BITTER WINTER, word binnekort by die Studio by die Pieter Toerien Teater in Johannesburg opgevoer. Terrance April het tydens 'n repetisie vinnig gaan inloer, en met André Odendaal oor die werk gesels.

Alan Committie vertel vir Christelle Webb-Joubert van sy jaarlikse eenmanvertoning, COMEDY GOLD.

Coenie de Villiers en Rocco de Villiers is vanjaar saam te sien op die verhoog by die KKNK. Hulle vertel vir Christelle Webb-Joubert wat gehore kan verwag, en waarom die produksie, 88, genoem word.

Christelle Webb-Joubert vind uit wat die Stellenbosch Triennale behels.

Mia Louw vertel vir Christelle Webb-Joubert wat alles gebeur by die Cape Town Art Fair. Sy is die bestuurder van galerye en spesiale projekte.

Terrance April gesels met Kevin Kraak, die musiekregisseur van My Fair Lady.

Aktrise Llandi Beeslaar gesels oor haar vorige rolle, en haar eenvrouvertoning, Tomboy.

Sue Pyler-Slabbert het een van die musiekspel, Dear Evan Hansen, se repetisies bygewoon. Sy gesels met die akteur Charlie Bougenon.

Christelle Webb-Joubert kuier agter die verhoog saam met Nataniël se verhoogbestuurder, Mariska Meyer.

DEAR EVAN HANSEN is 'n aangrypende musiekspel, wat sterk gemik is op die jeug en hulle uitdagings. Dit spog met talle Tony-toekennings, en word wêreldwyd gesien as 'n werk wat groot uitdagings aan regisseurs en spelers bied. Terrance April het met die musiekregisseur, Charl-Johan Lingenfelder, gesels.

Die jaarlikse Franschoek Kamermusiekfees vind van 13 tot 16 Februarie in die NG Kerk op die dorp plaas. Terrance April gesels met Peter Martens, een van die musikante wat daar gaan optree.

The Pillowman is ‘n ontstellende internasionale toneelstuk, wat handel oor die fyn lyn tussen realiteit en fiksie. Die assistantregisseur, Gugu Madlabane, en akteur Wentzel Lombard vertel meer.

Terrance April gesels met Megan Carelse oor die dansproduksie, Musical Chairs, by Theatre on the Square in Johannesburg.

Shakespeare se The Tempest word vanjaar opgevoer by die Maynardville Opelugfees in Wynberg. Jaco van Rensburg, uitvoerende vervaardiger van VR Theatrical, vertel van dié produksie en die res van die fees.

Sue Pyler-Slabbert praat met Ralf Schmit, koorleier van die Ndlovu Jeugkoor.

The Jungle Book is verwerk, en spog met splinternuwe musiek. Die musiekregisseur, Wessel Odendaal, gesels oor die produksie wat te sien is by die Pieter Toerien Teater in Johannesburg.

Magdalene Minnaar, artistieke direkteur van Kaapstad Opera, gesels oor hulle program vir 2025.

Een van die hoogtepunte op die musiekkalender in Johannesburg is die jaarlikse Internasionale Mozart Musiekfees. Terrance April gesels met Richard Cock, feesdirekteur, oor die verskillende konserte asook die kunstenaars wat sal optree.

Die KKNK se program vir 2025 is bekendgestel. Hugo Theart, uitvoerende artistieke direkteur, vertel waarna gehore kan uitsien.

Een van ons voorste jong pianiste, Megan-Geoffrey Prins, vertel van die pad wat hy geloop het as jong musiekstudent tot vandag waar hy in verskeie groot orkeste as solis optree.

Die akteur Botha Enslin vertolk meer as 35 karakters in die produksie, Die pomporrelkonsert. Dit gaan oor stories vanuit die Sandveld.

Aktrise Michelle Botes is op die 21 Desember 2024 oorlede. Christelle Webb-Joubert het nooit die voorreg gehad om ‘n onderhoud met haar te voer nie, en Karen du Toit kon ook geen Afrikaanse onderhoude in die klankargief opspoor nie. Sy het wel die huldeblyk opgespoor wat op SAfm uitgesaai is in die program, The-let-set-breakfast.

Afrikaans 100, in samwerking met die Suid-Afrikaanse Akademie vir Wetenskap en Kuns, bied die produksie, DIE KUNS VAN DIE AFRIKAANSE KUNSLIED, aan by die Oppiwater Kunstefees. Christelle Webb-Joubert gesels met Giep van Zyl, Nasionale Koordineerder van Afrikaans 100, en met Linette van der Merwe, samesteller van die program.

Christelle Webb-Joubert gesels met  Louis Heyneman, bestuurshoof en artistieke bestuurder van die Kaapstad Filharmoniese Orkes, oor hulle konserte aan die begin van 2025.