RSG
Spektrum
Die Spektrumspan hou jou op hoogte met die jongste plaaslike en internasionale nuusgebeure.
Vizitează neapărat site-ul podcastului și susține-i creatorul: www.rsg.co.za
Unde asculți?
Podcasturi în aplicație Replaio Radio În curândPodcasturile ajung în curând în aplicație. Instaleaz-o acum și fii primul care descoperă o abordare complet nouă a podcasturilor
Episoade
Afwagting op Mandela se afsterwe bring spanning mee 28.06.2013 5:07
Dis 'n tyd van slapelose nagte vir baie Suid-Afrikaners wat angstig wag op enige brokkie nuus oor oudpresident Nelson Mandela se gesondheid. Madiba is nou byna drie weke in die hospitaal en sy familie en ANC-kaders praat nou openlik van sy moontlike afsterwe. Kenners sê daar is duidelik spanning te bespeur in die Suid-Afrikaanse gemeenskap en die situasie is veral uitdagend omdat kultuur en politi...
Obama bring n magdom wapens saam 28.06.2013 2:26
Die Amerikaanse president Barack Obama kom vanaand in Suid-Afrika aan. Dié besoek kos Amerika na wat berig word, sowat een miljard rand. Obama bring gewoonlik sy eie vliegtuie, helikopters, motors en selfs 'n oorlogskip saam wanneer hy ander lande besoek.
Aftrede 25 Junie 2013 25.06.2013 3:27
Die aftreebedryf gaan grondliggend verander word met die inwerkingstelling van nuwe regulasies. 'n Begrotingsdokument wat deur die Nasionale Tesourie gepubliseer is, dui aan dat die belasting-aftrekbaarheid van individue se bydraes tot pensioenfondse en ander aftree-voorsieningsfondse wat byvoordele behels, verhoog gaan word. Die streekhoofbestuurder van Ou Mutual in die Wes-Kaap, Eksteen de Waal,...
Arab idol 25 Junie 2013 25.06.2013 3:32
Dis 'n wêrelddeel waaruit daar min goeie nuus kom - maar die inwoners van die Gaza-strook het die afgelope week iets besonders gehad om te vier. 'n Jong sanger van die gebied het die eerste Palestynse wenner geword van die Arab Idol kompetisie. Die televisiereeks se Midde-Oosterse weergawe is net so gewild as die Amerikaanse en Britse weergawes - maar vir baie van die deelnemers, is daar meer op d...
Michael Jackson 25 Junie 2013 25.06.2013 3:28
Vier jaar na die popkoning Michael Jackson se dood op 25 Junie 2009 , gaan sy oudste seun getuig oor wat daardie nag gebeur het. Prince Jackson nou sestien was 12 jaar oud in 2009 en het die ambulans gevolg wat sy pa na die hospitaal geneem het. Die familie het 'n eis ingestel teen die AEG LIVE, die promoters van sy laaste konsert toer. Die familie voer aan dat die maatskappy verantwoordelik is vi...
SA en Mosambiek bekommerd oor renosterstropery 18.06.2013 2:04
Die Minister van Omgewingsake, Edna Molewa, en die Mosambiekse Minister van Toerisme, Carvalho Muaria, het Vrydag hulle kommer uitgespreek oor renosterstropery in die Limpopo-oorgrenspark. Tydens die samesprekings is daar besluit dat 'n ooreenkoms deur die twee lande onderteken moet word. Suid-Afrika het ook die Mosambiekse regering gevra om die verskuiwing van gemeenskappe uit die park te versnel...
Arbeidsmakelaars 12.06.2013 4:01
Die ANC loop deur onder kritiek oor nuwe wysigings aan die Wet op Arbeidsverhoudinge. Die wysigings dien tans voor die parlement se portefeuljekomitee vir arbeid. Een van die punte onder bespreking is die posisie van arbeidsmakelaars. Prof. Andries Bezuidenhout van die Departement Dosiologie aan die Universiteit van Pretoria verduidelik waaroor die kwessie gaan.
Verbod op alkoholadvertensies nadelig vir SA 12.06.2013 2:56
Wenkbroue word gelig oor 'n verslag wat bekendgestel is oor die ekonomiese impak wat 'n verbod op advertensies van alkoholprodukte sal hê. Nie net sal Suid-Afrika se ekononomie 'n knou kry en werksverliese tot gevolg hê nie, maar die SAUK sal ook benadeel word aldus die ekonomiese navorsingsmaatskappy, Econometrix. Hulle het die verslag saamgestel nadat hulle na navorsing in die buiteland gekyk he...
Zuma oor stakings 30.05.2013 2:33
President Jacob Zuma sê die regering staan neutraal in arbeidsgeskille, maar sal nie toelaat dat dit die land destabiliseer nie. Zuma het by 'n buitengewone mediakonferensie gesê stabiliteit in spesifiek die mynbousektor moet dringend herstel word.
Plagiaat by UJ 30.05.2013 3:11
Die Universiteit Johannesburg stel ondersoek in na bewerings in verband met wydverspreide plagiaat in doktorale verhandelings van die fakulteit wysbegeerte. Volgens 'n interne brief van die waarnemende vise-kanselier, prof. Angina Parekh, is daar bewerings dat verhandelings deur die senaat se komitee vir hoër grade goedgekeur word ten spyte van groot gedeeltes plagiaat daarin.
Jongste oor SA egpaar in Jemen 30.05.2013 1:49
Die twee Suid-Afrikaners wat in Jemen ontvoer is, woon glo al vier jaar in daardie land. Die egpaar se identiteit is aan Spektrum bekend, maar word weerhou op versoek van die polisie. Onderhandelings vir hulle vrylating is steeds aan die gang.
Kabinet sit oor Diepsloot-geweld 30.05.2013 2:11
Die kabinet het `n beroep op gemeenskappe gedoen om te waak teen `n herlewing van zenofobiese aanvalle op buitelandse burgers. Dit volg op die geweld en plundering van winkels vandeesweek in Diepsloot, Johannesburg. Die geweld het opgevlam nadat `n Somaliër na bewering twee Zimbabwiese burgers doodgeskiet het. Samesprekings om oplossings vir die geweld te soek, word vandag in Diepsloot gehou.
Nuwe hoop vir mense met beenbeserings 29.05.2013 2:50
'n Jong polisievrou van Mpumalanga is in haar noppies nadat 'n innoverende ortopediese sjirurg, dr. Franz Birkholz, daarin geslaag het om haar been te red. Ná 'n motorongeluk in 2007, is Anschua Botha se linkerbeen so erg beseer dat menige dokter dit wou afsit. Die been wat meer as twee sentimeter korter is as haar regterbeen, word nou geleidelik gerek met behulp van 'n eksterne magneet. Die prose...
Nie almal ontevrede met openbare vervoer 29.05.2013 1:13
'n RSG-luisteraar, Kootjie Serfontein van Brandfort in die Vrystaat, sê hy is bang dat negatiewe berigte rondom Vervoerminster, Ben Martin, se begrotingsrede ander mense dalk van openbare vervoer sal afskrik. Serfontein sê die regering het al heelwat gedoen om trein-vervoer toeganklik te maak.
Vervoeroudit gevra om openbare vervoer te verbeter 29.05.2013 2:36
Die Vryheidsfront Plus waarsku dat 'n behoorlike oudit van die land se vervoerbehoeftes gedoen moet word vóór duur vervoerprojekte aangepak word. Advokaat Anton Alberts, die party se parlementêre woordvoerder oor vervoer, sê projekte soos Gauteng se e-tol stelsel dwing al hoe meer mense tot openbare vervoer, wat in elk geval gebrekkig is.
Kerkstraatbom herdenking 20.05.2013 3:34
Die Kerkstraatbom was een van die grootste terreuraanvalle in Suid-Afrika se geskiedenis. Op Vrydagmiddag 20 Mei 1983, 30 jaar gelede, is 19 mense dood en meer as 200 beseer toe 'n motorbom met sowat 40kg plofstof voor die Lugmaghoofkwartier in Kerkstraat, Pretoria, ontplof het. Een van die slagoffers, ds. Chris Barnardo, was destyds 'n luitenant in die lugmag en het sy sig weens die ontploffing v...
Willem Botha by Eurovision 16.05.2013 2:31
Botha is deel van die span van Belarus wat Saterdag in Malmo, Swede aan die finaal deelneem. Vandag is die eerste afdag vir Botha sedert sy vertrek uit Suid-Afrika op 23 April.
Zwartkopslugskou 06.05.2013 3:52
Die aantal lugskoue in Suid-Afrika het die afgelope paar jaar weggekwyn, met enkele klein skoue wat landwyd aangebied word. Die Suid-Afrikaanse Lugmagmuseum hou egter nog elke jaar hulle eie lugskou om die museum te bemark en 'n loopbaan in lugvaart onder die jongklomp aan te wakker. Eerskomende Saterdag sal sowat 120 vliegtuie in Gauteng by die Zwartkopslugmagbasis aan die lugskou deelneem. Om di...
Gupta-sage wys hoe belangrik media is 03.05.2013 4:09
Die belangrike rol van die media om die publiek in te lig wanneer inligting weerhou word, het die afgelope dae met die Gupta-sage baie duidelik op die voorgrond getree. Vandag is Wêreld Persvryheidsdag en die oudjoernalis Max du Preez sê diegene wat nog getwyfel het oor of die media gemuilband moet word deur die nuwe inligtingswet, behoort nou twee keer te dink.
Wanbestuur kos SA R1-miljard elke jaar 02.05.2013 3:49
'n Verdoemende verslag wys daar is 'n groot toename in die voorkoms van finansiële wanbestuur in die staatsdiens. Die verslag is vrygestel deur die regsfirma, Edward Nathan Sonnenbergs, en toon 'n 170% styging in die verlies van staatsfondse as gevolg van finansiële wanbestuur in die verskillende staatsdepartemente. Die verslag is gebaseer op 'n studie wat deur die Staatsdienskommissie gedoen is e...
Oorgrenspark nie oorsaak van renosterstropery 02.05.2013 2:09
Dit is nie noodwendig die grensdrade wat laat sak is tussen Suid-Afrika en Mosambiek om die Limpopo-oorgrenspark te vorm, wat die skuld moet dra vir renosterstropery nie. Die is die mening van prof. Willem van Riet wat betrokke was by die beplanning en daarstelling van die oorgrenspark. Hy sê daar is 'n gebrek aan beheer en bestuur omdat die betrokke lande nie destyds belang gestel het om gesprekk...
Gupta-gaste deur SARS ondersoek 02.05.2013 2:08
Die Suid-Afrikaanse Inkomstediens oorweeg stappe teen die gaste van die Gupta-bruilof. Na wat berig word, was daar geen doeanebeamptes van die Inkomstediens by die Waterklooflugmagbasis teenwoordig om die gaste se bagasie te ondersoek nie. Gevolglik het die gaste glo duisende rande se trougeskenke die land ingebring, sonder om belasting daarop te betaal. Spektrum het navraag gedoen by die woordvoe...
Regering breek stilswye oor Gupta-debakel 02.05.2013 4:17
Die vliegtuig wat trougaste van die omstrede Gupta-familie uit Indië na Suid-Afrika gebring het, is van die Waterkloof Lugmagbasis verwyder ná 'n opdrag deur die minister van verdediging vanoggend. Die owerhede in Suid-Afrika skarrel vandag om antwoorde te verskaf oor die beweerde misbruik van staatshulpbronne om die invloedryke Guptas te akkommodeer. Minstens een hoëprofiel amptenaar se kop het a...
Gupta-debakel 'n klad op SA se naam 02.05.2013 2:41
Prof. Rudolph Zinn van die Departement Polisiepraktyk by Unisa sê die misbruik van staatsinstansies is 'n klad op Suid-Afrika se naam. Zinn sê dit is kommerwekkend dat daar klaarblyklik nie enige generaals in die polisie is wat wou standpunt inneem oor die misbruik van polisielede om gaste na 'n troue te begelei en op te pas nie. Na bewering is verskeie polisielede en voertuie gebruik om gaste, wa...
Waar het Internasionale Werkersdag sy ontstaan? 01.05.2013 2:07
Die Spektrumspan werk vandag, maar die meeste Suid-Afrikaners ontspan op Werkersdag. Internasionale Werkersdag word wêreldwyd op 1 Mei gevier. Lande soos die VSA en Kanada vier dit egter eers later in die jaar. Die dag herdenk die opstand van die werkers in Chicago in die laat 1800's, wat aangedring het op 'n agt-uur werksdag.
Podcasturi asemănătoare
Replaio nu este editorul podcasturilor; numele emisiunilor, coperțile și materialul audio aparțin autorilor lor și sunt distribuite prin fluxuri RSS publice