Monitor

RSG ondersteun die verldtog van16 dae van aktivisme teen geweld teen vroue en kinders. Verlede week het die storie van 'n bejaarde vrou, wat gepraat het oor hoe haar pa en boetie haar seksueel mishandel het, groot reaksie uitgelok. Terwyl sommige mense van mening is dat hierdie tipe stories gehoor moet word, het ander gesê dit was te eksplisiet. Daar was ook SMS'e wat teen die vrou uitgevaar het.

Vroue trek aanrandingsake teen gewelddadige mans terug omdat hulle geen ondersteuning en heenkome het. So sê 'n slagoffer Annemarie Botes. Sy het gereageer op 'n uitspraak deur die LUR vir Gemeenskapsveiligheid en Sekuriteit in Mpumalanga, Vusi Shongwe, dat vroue wat sake terugtrek, gearresteer moet word. Botes sê die polisie se onwilligheid om sake oop te maak, stel vroue bloot aan vernedering.

Die polisiehoof in Kaboel, genl. Zahir Zahir, het gister bedank ná die dood van drie Suid-Afrikaners in 'n selfmoordbomaanval in die Afghaanse hoofstad. Die 46-jarige Werner Groenewald, sy 17-jarige seun Jean-Pierre en 15-jarige dogter Rode is Saterdag in die aanval op hulle huis in Kaboel dood. Groenewald het vir die Amerikaanse nie-regeringsorganisasie Partnership in Academics and Development ge...

RSG ondersteun die 16 DAE VAN AKTIVISME TEEN GEWELD TEEN VROUE EN KINDERS-veldtog. Die 72-jarige Lana Tredoux (dis 'n skuilnaam) het eers onlangs oor haar mishandeling as kind begin praat. Ons waarsku sensitiewe luisteraars dat hierdie bydrae skokkende insetsels bevat.

Die Ichikowitz-familie Stigting en die Paramount Group het gister hulle gevorderde honde-opleidingskool by Magaliesburg bekendgestel. Honde en natuurbewaarders word hier opgelei om stropers van enige aard vas te trek.

'n Omvattende nuwe studie wys dat homoseksualiteit by mans dalk tog 'n genetiese herkoms het. Dit bring weer die hele debat van die verhouding tussen kulturele herkoms, en opvoeding en genetiese herkoms in die voorkoms van homoseksualiteit na vore. Cobus Bester praat hieroor met ons wetenskapskorrespondent, George Claassen.

Minstens drie Suid-Afrikaners is dood, nadat hulle by die Islamitiese Staat Militante groep aangesluit het. So sê Irak se ambassadeur in Suid-Afrika, dr. Hushaim Al-Alawi. Die IS-militante veg onder meer in Sirië en Irak.

Almal ken die tradisionele Barbie-pop. Die slanke figuur, lang blonde hare en groot oë. Maar sal die jongspan te vinde wees vir 'n meer realistiese voorstelling van die werklikheid - 'n Barbie met ronder heupe, rekmerke en selfs selluliet? Die vraag sal vandag beantwoord word met die Lammily-pop wat in Amerika op die rakke beskikbaar gestel word. Monitor het gaan uitvind wat die nuwe pop vir die s...

Inligting wat ingewin is deur die Verenigde Nasies dui daarop dat die Democratic Forces for the Libertion of Rwanda aktief deelneem aan die skietstaking in die DRK, maar besig is om hulleself in die Noord-Masisi streek te herposisioneer. Die VN sê hulle inligting wys dat dit gedoen word in geval die onderhandelinge tussen hulle en die regering van die DRK op 'n dooiepunt uitloop. Tydens die rotasi...

Twee belangrike studies wat vandeesweek vrygestel is, beklemtoon weer eens die waarde van oefening om die aftakeling van die brein te vertraag. Die eerste studie wat in Australië gedoen is, en wat in die aanlyn weergawe van Plos Medicine gepubliseer is, het bevind dat rekenaargefundeerde breinoefening vir bejaardes as sterk teenvoeter kan dien teen demensie. Die ander studie wat in Swede gedoen is...

Kaapse Klopse groepe het 'n samewerkingsooreenkoms met die Stad Kaapstad en die provinsiale Departement van Kuns en Kultuur onderteken, om te verseker dat die jaarlikse gebeurtenis oor die feesseisoen vlot verloop. Die ooreenkoms volg na jarelange onenigheid tussen die groepe en owerhede oor wie die feeste moet reël.

Die voormalige ondervoorsitter van die Khayelitsha Kommissie van Ondersoek, regter Kate O'Regan, sê die speurdiens in Khayelitsha het doodgeloop en daar is geen behoorlike misdaadondersoeke nie. Volgens haar word dossiere nie by die hof ingegee nie, en dit lei tot groot frustrasie vir rolspelers.

Suid-Afrika is in rou gedompel ná die terugkoms van die oorskot van 74 Suid-Afrikaners wat in die kerkgebouramp in Nigerië omgekom het. Verskeie gedenkdienste is regoor die land gehou.

Die oliemaatskappy, SHELL, is tans die fokus van 'n groot hofsaak in Londen, wat deur inwoners van die Niger Delta-gebied, teen hom aanhangig gemaak is. Amnestie Internasionaal is een van vele menseregte- en omgewingsbewustes wat die saak met aandag volg.

Vandag, presies 50 jaar gelede, het die 23-jarige Matie-student De Villiers Lamprecht geskiedenis gemaak. Hy was die eerste Suid-Afrikaner om die myl in minder as 4 minute af te lê - tien jaar nadat die Brit Roger Bannister dit die eerste keer reggekry het. Só het 'n kaalvoet Div - soos hy bekend gestaan het - op 13 November 1964 'n droommyl in 3 minute 59,7 sekondes afgelê...

Suid-Afrika kan vir 'n deurbraak sorg in die voorkoming van kolonkanker. Aldus die hoof van navorsing by die Kankervereniging van Suid-Afrika, dr. Carl Albrecht. Hy sê die antwoord kan so eenvoudig wees soos... mieliepap!

Suid-Afrikaners sal volgende jaar meer vir krag moet betaal en hulle belastinglas sal ook groter wees. Dit is die reaksie van die hoof van die Fakulteit Ekonomie aan die Universiteit van die Witwatersrand, prof. Jannie Rossouw, op die nuus dat die graderingsegentskap Moody's, Eskom se kredietstatus afgegradeer het. Hy sê swak bestuur is die oorsaak van hierdie verwikkelings.

Die akteur en aanbieder van KykNet se motorfietsprogram Woema, Theunis Nel, se regterarm is gister geamputeer. Dit volg nasat sy arm Maandag in 'n ongeluk op die N1 naby die Garsfontein-afrit in Pretoria vergruis is. Nel se mede-aanbieder van Woema, Anria van Heerden, sê hy is nog nie bewus daarvan dat hy sy arm verloor het nie.

Sewe van Indië se 21 nuwe kabinetsministers staan tereg op verskeie aanklagte, wat wissel van ernstige misdade soos verkragting en poging tot moord, tot intimidasie. Hierdie bevindings deur die gerespekteerde Indiese nieregeringsorganisasie, The Association for Democratic Reforms, maak vandeesweek opslae in elke uithoek van 'n land waar die meeste landsburgers vuisvoos is van korrupsie.

Die probleme wat sedert die waterskeidingskongres van COSATU in 2011 ondervind word, is tot 'n spits gedryf toe NUMSA Vrydag uit die vakverbond geskors is. Boonop het agt ander wat daarop aanspraak maak dat hulle die helfte van COSATU se ledetal verteenwoordig, gister met onmiddelike effek, tydelik uit Cosatu onttrek. Anita Visser praat hieroor met prof. Dirk Kotze van UNISA, en 'n kenner op die g...

Die veteraanjoernalis en ontleder Max du Preez sê Suid-Afrika is steeds 'n werkende skip, maar hy seil in 'n storm in sonder 'n vaardige skipper. En die perfekte storm wat die huidige stelsel omver kan werp, lê dalk heelwat nader as 2020, soos Moeletsi Mbeki voorspel het.

Dit is nie soseer wie nie, maar waarom. wat die vraag is wat die 53-jarige Dirk Heyns homself steeds afvra, 20 jaar na die moord op sy pa, die N.G. Kerk moderator, prof. Johan Heyns. Half agt die aand van 5 November 1994 was die week twintig jaar gelede dat die 66-jarige Johan Heyns in sy TV-kamer in sy Waterkloofhuis voor sy kleinkinders, Johan, Theo en Hannes vermoor is, toe 'n sluipskutter deur...

Conrad Koch, die humoris agter die buiksprekerpop Chester Missing, sê oefen bloot sy vryheid van spraak uit deur sy opmerkings op sosiale media oor Steve Hofmeyr.

Die sanger Steve Hofmeyr het gister 'n dringende hofbevel teen Conrad Koch, die humoris agter die buiksprekerpop Chester Missing, gekry. Hofmeyr sê die Randburgse Landdroshof het dit duidelik gemaak dat hy nie verder geteister mag word nie. Missing mag ook nie enige kontak met Hofmeyr se vennote of borge maak nie. Kwetsende of lasterlike aanmerkings oor Hofmeyr op sosiale media is ook verbied. 'n...

Twee susters van Hartbeespoortdam in Noordwes het besluit om die identiteit van 'n vermeende pedofiel bekend te maak nadat hy vandeesweek uit die tronk vrygelaat is. Hulle kinders is glo deur hulle half broer verkrag, gesodomiseer en seksueel misbruik. Die 20-jarige het vlugtig in die landdroshof in Brits op twee aanklagte van verkragting en drie van seksuele aanranding verskyn. Die saak is Maanda...