Monitor

'n Herrie het by die Wêreld Ekonomiese Forum losgebars ná president Jacob Zuma op die nippertjie van 'n Afrika-debat onttrek het. Zuma het voorgestel dat die minister van finansies, Pravin Gordhan, in sy plek daaraan deelneem, maar die organiseerders wou hiervan niks weet nie. Suid-Afrika is toe van die debat uitgesluit, en Rwanda se president Paul Kagame is as spreker in Zuma se plek ingesluit. D...

Sterrekundiges by die Kalifornië Instituut vir Tegnologie sê hulle het bewyse van 'n nuwe planeet met 'n massa ongeveer tien keer die aarde s'n. Die verslag is in die Astronomical Journal gepubliseer, en hoewel die planeet nog nie werklik waargeneem is nie, is die skrywers van die verslag, sterrekundiges Micheal Brown en Konstantin Batygin, oortuig van sy bestaan, berig Joan-Marie Verhoef .

Volgens Statistiek Suid-Afrika het die inflasie koers in Desember 2015 op vyf-komma-twee persent te staan gekom. Die hoof van die Skool vir Ekonomiese en Sakewetenskappe by die Universiteit van die Witwatersrand, professor Jannie Rossouw, het aan Dianke Nel gesê ons gaan definitief vanjaar hoër inflasie sien wat rentekoerse verder sal laat styg. Volgens hom bring die lae olieprys egter vir Suid-Af...

Die leier van die Inkatha Vryheidsparty, Mangosuthu Buthelezi, sê hy kry deurgaans 'n koue skouer van Jacob Zuma. Die 87-jarige politikus, wat onder oud-president Thabo Mbeki die minister van binnelandse sake was, sê sy verhouding met die president het oor die jare heen stelselmatig verbrokkel. Inteendeel, Buthelezi reken as dit nie vir Zuma was nie, kon hy vroeër selfs die land se adjunk-presiden...

Ontleders sê dit is nie 'n langtermyn oplossing vir internasionale beleggingsbanke om uit Afrika te onttrek nie. Metzi van der Merwe berig die uitsprake kom te midde van berigte dat Barclays dit oorweeg om 'n groot deel van sy bates in Afrika te verkoop.

Suid-Afrika het nog nooit 'n vry en regverdige verkiesing gehad nie -- en hy't ook nie veel hoop vir die munisipale verkiesings later vanjaar. Só sê die IVP-leier, prins Mangosuthu Buthelezi, omdat die verkiesingsdatum steeds nie bekend gemaak is nie. Die 87-jarige Buthelezi, wat vroeër die week in die Monitor-ateljee was, glo die ANC hou aspris die datum geheim sodat opposisie-partye minder tyd h...

Die National Consortium for the Study of Terrorism (START) aan die Universiteit van Maryland in die VSA moniteer jaarliks terreuraanvalle dwarsoor die wêreld. Die navorsers sê dat alhoewel dit voorkom asof ons in 'n vlaag van terreur leef, was aanvalle tussen 1970 en 1994 baie meer algemeen as nou. Anita Visser en Ivor Price praat met Peter Knoope, voormalige direkteur van die Internasionale Sentr...

'n Uitmergelende droogte het die land se boere op hul knieë. Belowende oeste het in die versengende hitte doodgebrand en die karkasse van eens moddervet vee lê oral op kurkdroë weivelde. Nie eens die onlangse reën kon sake red nie. Izak du Plessis het die Bosveld in Limpopo besoek en die verslag saamgestel.

Stygende kospryse het 'n negatiewe invloed op die algemene stand van Suid-Afrika se ekonomie, veral wat die invoer van sekere kossoorte betref. Die ondervoorsitter van die Suid Afrikaanse Nasionale Verbruikers Unie, Ina Wilken, het aan Dianke Nel gesê maatskappye trek ook swaar weens hoër inset-koste.

Die Internasionale Monetêre Fonds het sy vooruitsigte vir wêreldwye ekomoniese groei vir die volgende twee jaar afwaarts aangepas. 'n Groeikoers van drie-komma-vier persent word vir vanjaar verwag. Suid-Afrika se vooruitsigte lyk selfs slegter. Anita Visser en Ivor Price praat met die hoofekonoom van die Efficient Groep, Dawie Roodt. Die IMF se ekonomiese groei vooruitskatting vir Suid-Afrika is m...

'n Uitmergelende droogte het die land se boere op hul knieë. Belowende oeste het in die versengende hitte doodgebrand en die karkasse van eens moddervet vee lê oral op kurkdroë weivelde. Nie eens die onlangse reën kon sake red nie. Izak du Plessis het die Bosveld in Limpopo besoek en die verslag saamgestel.

Die voortslepende droogte het 'n direkte invloed op verbruikers se sakke wat kospryse betref. Die hoofekonoom van die ouditmaatskappy, KPMG, Lullu Krugel, het aan Dianke Nel gesê dit lyk of ons vir die volgende paar maande tot 'n jaar steeds hoë voedselpryse op die winkelrakke gaan sien.

AGRI SA se bestuurshoof Omri van Zyl het Vrydag hoëvlaksamesprekings met die Minister van Finansies, Pravin Gordhan, en die Minister van Landbou, Senzeni Zokwana, gevoer oor maniere waarop die droogte hanteer kan word. Hy het na die tyd sy indrukke oor die gesprekke met Monitor gedeel.

Die notering op die JSE van een van die wêreld se grootste biermaatskappye, Anheuser-Busch INBEV, skep groot geleenthede vir Suid-Afrikaners. Dit is die mening van die portfeuljebestuurder en aandelemakelaar van PSG Wealth in Pretoria, Amelia Morgenroodt. Anheuser-Busch noteer vandag op die beurs.

Krisjan Fourie het 'n satiriese blik op die afgelope week se hoofnuus.

"Ons is nie almal so nie." Nee, ons praat nie nou van Jeanne Goosen se baanbrekers boek nie, maar van die gevoel wat onder Parys se landbou gemeenskap heers oor die gedrag van mense wat die vierkleur en ou landsvlag vroeër die week by die landdroshof op die Vrystaatse dorp rondgeswaai het. Dit tydens die hof verskyning van vier boere, Johan Cilliers en sy seun Johan junior, Boeta van der Westhuize...

Die eerste regeringskool in meer as 130 jaar het sy deure in Matjieskloof in Namakwaland oopgemaak. Die Matjieskloof Primêreskool, wat meer as R160-miljoen gekos het, kan sowat 800 leerders akkommodeer.

Volgens nuwe navorsing is Pofadders blykbaar nie net byna onsigbaar in die veld nie, maar roofdiere kan hulle ook glad nie ruik nie. Prof. Graham Alexander van die Wits skool vir dier-, plant- en omgewingswetenskappe het die gevolgtrekking gemaak in 'n onlangse publikasie in die Royal Society Proceedings B vaktydskrif. Hy het met Joan-Marie Verhoef oor die navorsing gepraat.

AgriSA is voortaan in beheer van die bestuur van die Nasionale Droogte-rampfonds. Dit volg nadat die landbou-organisasie die minister van landbou, Senzeni Zokwana, gevra het om noodmaatreëls weens die knellende droogte in te stel. Beide partye het gister oor die sosio-ekonomiese impak van die droogte beraadslag. Anita Visser en Ivor Price praat hieroor met AgriSA se bestuurshoof, Omri van Zyl, en...

Krisjan Fourie het 'n satiriese blik op die afgelope week se hoofnuus.

Slegs 'n week nadat die periodieke tabel vier nuwe elemente ryker is, is elektroniese periodieke tabelle reeds aangepas. Hierdie nuwe elemente is geidentifiseer as swaar metale. Daar is selfs versoeke dat van die elemente na 'n "heavy-metal" sanger vernoem word. Marlinee Fouche het met ons Wetenskapskorrespondent, George Claassen gepraat.

Gauteng se top-presteerder, Minet Uys, spog met nie minder nie as agt onderskeidings. Minet het 'n gemiddeld van 95,56 persent behaal -- en wil 'n loopbaan in die ingenieurswese najaag.

In 'n nuwe verslag oor werk-vooruitsigte vir matrieks, word benadruk dat die moderne ekonomie veel meer kennis vereis as wat deur 'n matriek-sertifikaat gebied word. Op die lyn is 'n senior ekonomiese navorser by Solidariteit se navorsingsinstituut, Paul Joubert.

Moedertaalonderrig, dissipline en toegewyde onderwysers is die Afrikaanse Hoër Meisieskool se wenresep. Hulle het die afgelope 30 jaar 'n 100% matriekslaagsyfer gehandhaaf. Professor Kobus Maree van die opvoedkundige sielkundige departement by die Universiteit van Pretoria, sê die skool se wenresep kan deur ander skole gebruik word om die nasionale matriekslaagsyfer te verhoog.

Ekonome waarsku dat 'n matriek-sertifikaat nie 'n waarborg is om werk te kan kry nie. Die realiteit is dat universiteite en kolleges ook net 'n klein deel van die bykans 560-duisend matrieks kan toelaat wat wel geslaag het. Wat word van die res? En waar gaan hulle werk kry in 'n land wat reeds gebuk gaan onder werkloosheid? Ons praat met Mike Schussler van economists.co.za.