Monitor

Een van die bekendste en mees geliefde skrywers en storievertellers van die 20ste eeu, Roald Dahl, sou vandag sy 100ste verjaardag gevier het. Hy is op 13 September 1916 in Wallis gebore. Hy was ook 'n vegvlieënier, digter en draaiboekskrywer. Dianke Nel het meer oor Dahl se nalatenskap gaan uitvind.

In Orania in die Nood-Kaap is 'n huis wat gebou is op die Hollandse Aardskip-konsep. Die enigste water wat gebruik word om die huishouding te onderhou, is reënwater. Marlinee Fouche berig dat die elektroniese ingenieur, Ludwig Everson, die reënwater wat hy opvang vier keer kan sirkuleer. Hy is glad nie afhanklik van die munisipaliteit vir sy water nie.

Huiswerk vir laerskoolkinders is 'n ou debat wat gereeld opvlam. By die Suid-Afrikaanse Onderwysersunie simposium verlede week in Port Elizabeth , het skoolhoofde weer regop gesit toe 'n hoof van Vishoek vertel het van die groot sukses by sy skool nadat hy huiswerk afgeskaf het. Hy het bevind dat daar geen waarde in huiswerk is na 'n hele skooldag nie. Hy meen die sowat sewe ure van die skooldag b...

Dis nie net huiseienaars wat stadig maar seker die groen roete volg met hulle waterstelsels nie, maar ook die gasvryheidsbedryf. Die Verde Hotel in Kaapstad bespaar daagliks sowat 6 000 liter drinkwater deur middel van hulle unieke suiweringstelsels. Marlinee Fouche berig...

Die ernstige landwye droogte waterskaarste wek groot kommer. Damvlakke is op die laagste in jare en en daar is onsekerheid oor die verwagte reënpatrone. Rolspelers in die waterbedryf sal later vandeesmaand by 'n konferensie in Johannesburg besin oor beleidskwessies en vaardighede wat nodig is vir die bestuur van waterbronne. Die Minister van Water en Sanitasie, Nomvula Monkonyane, glo Suid-Afrika...

Terwyl daar landwyd kommer is oor die probleme wat tersiëre instellings teister, het studente opnuut 'n rede gekry om trots te wees op hulle universiteit. En nee, dit is nie weens rugby nie, maar koorsang. Anna-Marie Jansen van Vuuren het meer gaan uitvind oor die kore wat landwyd kompeteer om as die beste universiteitskoor aangewys te word.

Die einde van die Aurora-sage is in sig. Daar is gister in die Noord-Gautengse Hooggeregshof 'n skikking tussen Solidariteit en Khulubuse Zuma bereik, waarvolgens Zuma R23-miljoen se skadevergoeding aan Pamodzi en Aurora se likwidateurs sal betaal. Die Bhana-familielede wat by die Aurora-vernietigingstog betrokke was, is ingevolge 'n bevel van regters Davis en Janse van Nieuwenhuizen gesekwestreer...

Kommersiële boere speel 'n uiters belangrike om ekonomiese stabiliteit en voedselsekerheid te verseker. Dis die boodskap by die Landbou-organisasie , TLU SA, se jaarkongress. Die voorsitter van Agri All Africa, dr. Theo de Jager, het tydens die opening van die kongres gesê dat beleidsekerheid ook 'n belangrike rol te speel in voedselsekerheid in Suidelike Afrika. Suzanne Paxton praat met hom.

Sakevertroue het in die derde kwartaal effe verbeter, nadat die Rand Aksepbank en Buro vir Ekonomiese Ondersoek se sakevertroueindeks die afgelope sewe kwartale gedaal het. Die indeks het met 10,42 indekspunte gestyg. Suzanne Paxton praat hieroor met die hoofekonoom van RMB, Ettiene le Roux.

Soldate van 10 SA Infanteriebataljon wat tans in Ladybrand in die Vrystaat gestasioneer is, het onlangs 'n huis ontwerp en gebou om dit vir 'n 106-jarige man en sy 84-jarige vrou te gee. Tydens 'n besoek aan die plaaslike gemeenskap het hulle gesien onder watter moeilike omstandighede die Mosenya-egpaar bly. Die bevelvoerder van die eenheid, luitenant-kolonel Tienie Slabber, sê die soldate het tus...

Die ANC vra president Jacob Zuma om streng op te tree teen die Minister van Mineralebronne, Mosebenzi Zwane. Dit volg nadat Zwane 'n verklaring uitgereik het wat aandui dat die regering 'n regterlike kommissie van ondersoek na Suid-Afrika se grootste banke van stapel gaan stuur. Zwane het Vrydag die verklaring uitgereik wat sê dat die kabinet ooreengekom het op 'n aanbeveling dat die president die...

Vreemde seine van ander sterrestelsels en planete laat mense opnuut wonder oor die bestaan van intelligente ruimtewesens. Dit is weer 'n besprekingspunt nadat Rusland bekend gemaak het dat hy met 'n radioteleskoop 'n sein opgetel waarvan die oorsprong duister is. Dr. Pieter Kotze, 'n senior navorser by die Suid-Afrikaanse Nasionale Ruimteagentskap, sê daar is te veel onsekerhede om enige gevolgtre...

Wetenskaplikes meen die aarde het 'n nuwe geografiese tydvak betree. Hulle is dit eens dat die mensdom met besoedeling en kerntoetse 'n 11,700 jaar oue tydvak kortgeknip het. Ons is nou nie meer in die Holoseen-tydperk nie, maar in die Antroposeen-tydperk. Hanri Wondergem het agter die kap van die byl probeer kom.

'n Voorlegging is vanjaar tydens die begroting gemaak om suikerbelasting op versoete drankies teen aanstaande jaar in Suid-Afrika in te stel. Dit word gedoen omdat die Departement van Gesondheid Suid-Afrikaners se oormatige inname van suiker wil beperk. Die seniorbestuurder van Doeane en Internasionale Handel by die ouditeursfirma Deloitte, Pieter Marais, het aan Dianke Nel gesê die spertyd van Ap...

Volgens 'n geregistreerde dieetkundige en dosent by die Departement Mensevoeding by die Universiteit van Pretoria, Vanessa Kotze, bevat een suikerversoete drankie (gaskoeldrank of vrugtesap) sowat agt teelepels suiker. Dianke Nel het by by Kotze gaan uitvind of suikerbelasting wel 'n invloed kan hê op mense se suiker-inname.

"Ek moes eers leer om myself te aanvaar vir wie ek is, voordat ek die woorde NOEM MY MAAR 'N SKOLLIE kon sê". So sê 'n gewese bendelid en Pollsmoor-gevangene, John Fredericks, oor sy lewensverhaal wat hy vir die gelyknamige fliek neergepen het. Kritici was gaande oor die rolprent toe dit hierdie week die eerste keer by die Silwerskermfees vertoon het, met kenners wat voorspel dat verskeie toekenni...

Tot soveel as 160 mense het na raming in die aardbewing in die Umbria-gebied in Sentraal-Italië omgekom. Baie mense was vasgekeer en beseer in die puin van geboue. Die krag van die aardbewing is tussen 6,0 en 6,2 op die Richterskaal gemeet. Lorenso Meusburger wat sy ouma in die dorpie Accumoli besoek, het gister gesê dit gaan goed met hulle. Die dorp is sowat 35 minute se reis per motor wes van di...

'n Suid-Afrikaanse egpaar het ter viering van hulle huwelik oor die Stille Oseaan geroei, van Kalifornië in die VSA na Hawaii. Riaan Manser en Vasti Geldenhuys het gister, ná 39 dae op die oop see, in Hawaii aangekom en boonop die wêreldrekord vir die vinnigste roei oor die oseaan opgestel. Hulle is ook die enigste Suid-Afrikaners wat die roete al geroei het. Anita Visser praat met Riaan Manser ui...

Die DA het, soos in die Baai en Tshwane, beheer oorgeneem van die Johannesburgse metroraad. Die nuwe burgemeester Herman Mashaba is Anita Visser se gas.

Hoewel die land trots is op sy atlete wat altesaam 10 Olimpiese-medaljes huis toe gebring het, is kenners dit eens: tien is nie genoeg nie, ons kan beter doen. Maar wat moet die land, sy atlete en die owerheid anders doen om prestasie te verbeter? Hanri Wondergem het hierdie vraag aan kenners gestel.

ʼn Nano-satelliet wat deur die Universiteit Stellenbosch en CubeSpace ontwikkel is, word in Januarie 2017 saam met 49 ander nano-satelliete vanuit die Internasionale Ruimtestasie gelanseer as deel van die internasionale QB50-projek. Dianke Nel het met die die groephoof van satellietnavorsing by die Departement Elektroniese Ingenieurswese aan die Universiteit Stellenbosch, prof. Herman Steyn, gepraa...

Suid-Afrikaners het vir die vierde agtereenvolgende jaar aangedui dat vervoer een van die drie grootste kwelpunte in die land is. Dit het aan die lig gekom in 'n meningspeiling deur die Universiteit van Johannesburg. Hanri Wondergem het by Gert Heyns, 'n lektor verbonde aan die universiteit se Instituut vir Vervoer en Logistieke Studies, gaan kers opsteek oor moontlike oplossings vir die probleme.

In 136 jaar van moderne rekordhouding is Julie 2016 as die warmste maand nog ooit op aarde aangeteken. Dit volg ná 'n maandelikse ontleding van wêreldwye temperature deur wetenskaplikes by die Amerikaanse ruimte-agentskap, NASA. Julie 2016 was 0,1grade Celsius warmer as die vorige rekord vir Julie in 2015, 2011 en 2009. Prof. Hannes Rautenbach, die hoofwetenskaplike van klimaatsverandering by die...

Die Suid-Afrikaanse atleet, Wayde van Niekerk, het die wêreld steeds aan die gons nadat hy Sondag by die Olimpiese Spele 'n jare-oue wêreldrekord in die 400 meter wedloop verbeter het. Hy het ook Suid-Afrika se eerste gouemedalje by vanjaar se Spele ingepalm. Melissa Tighy het met sy ma, Odessa, in Rio de Janeiro gesels.

Die Olimpiese gouemedalje-wenner Wayde van Niekerk is nie die enigste in sy familie om vanjaar 'n medalje huistoe te bring nie. Van Niekerk se neef, Cheslin Kolbe, het 'n bronsmedalje saam met die Suid-Afrikaanse sewes rugbyspan gewen. Van Niekerk se laerskoolonderwyser sê Wayde was nog altyd goed gemotifeerd. Carmel Loggenberg doen verslag.