Monitor

Johannesburg is Afrika se geliefde toerisme bestemming stad. Kaapstad trek die buitelanders, maar die Goudstad is die metropool van keuse vir ander Afrikane. Die hoof van Besigheidsonwikkeling by Mastercard Suid-Afrika, Anton van der Merwe, sê die Goudstad het verlede jaar 4,6 miljoen oornag besoekers gelok. Dit is die vierde agtereenvolgende jaar dat Johannesburg so goed vaar, met Kaapstad in die...

Die ANC in KwaZulu-Natal het 'n herrie ontketen met sy planne om nie meer Indiërs en Bruinmense as begunstigdes van swart ekonomiese bemagtiging (SEB) te erken nie. Sihle Zikalala, ANC-voorsitter en LUR vir ekonomiese sake, toerisme en omgewingsake in die provinsie is aan die voorpunt van die ongewilde plan. Kenners in die betrokke minderheidsgroepe sê egter die plan is kortsigtig en ongrondwetlik...

AfriForum se vervolgingseenheid het hulle eerste openbare strafregtelike vervolging bekendgemaak. Advokaat Gerrie Nel sê dat almal gelyk is voor die reg en dat hulle die Dube-familie gaan verteenwoordig om president Jacob Zuma se seun, Duduzane moontlik te vervolg.

'n Chroniese gebrek aan politieke leierskap en aanspreeklikheid - dít, sê dr. Theuns Eloff van die FW de Klerk-stigting, is die oorsaak dat Suid-Afrika 'n land geword het met infrastruktuur op die rand van mislukking.

"Daar is meer ooreenskomste as verskille wat ons as mense bind." Dit is die woorde van die kurator van die "Arabiese Nagte"-afdeling van die Kaapstad Internasionale Filmfees. Die fees vind by die Kaapse Waterfront plaas.

Die hoof ekonoom by die Efficient-groep, Dawie Roodt, gee sy mening oor die ekonomiese implikasies van die groei in toerisme na Johannesburg.

'n Nuwe venster is oopgemaak in die sterrestelsel. Dit is die mening van Professor Sergio Colafrancesco van die Universiteit van die Witwatersrand. Navorsers van die universiteit het vir die eerste keer ooit die voorreg gehad om elektromagnetiese straling, wat verbind word met gravitasie golwe wanneer twee massiewe neutronsterre saamsmelt, waar te neem en op te neem . Dit het die wetenskap-wêreld...

Noem haar briljant óf vervelig, maar net nie "die voormalige vrou van pres. Jacob Zuma" nie, skryf Ferial Haffejee op HuffingPost SA oor dr. Nkosazana Dlamini-Zuma. Heindrich praat met die vryskut politieke joernalis Carien du Plessis, wat pas 'n boek oor Dlamini-Zuma die lig laat sien het.

Suid-Afrikaners word aangeraai om eerder reisplanne na Madagaskar uit te stel. 'n Dodelike pes in Madagaskar het reeds meer as 50 lewens geeis en meer as 500 is dodelik siek. Skole is gesluit en massabyeenkomste is voorlopig verban. Op lughawens, in banke en elders by openbare plekke word maskers gedra om te probeer om die verspreiding van die pes te keer. Dr Albie de Frey van die reiskliniek, The...

Die Nasionale Vervolgingsgesag en Pres. Jacob Zuma se mislukte aansoek by die Appèlhof om bedrogklagte teen die president te laat vaar, het die vraag laat ontstaan oor wat volgende met die saak gaan gebeur of behoort te gebeur. Ons praat nou hieroor met die grondwetlike kenner prof. Pierre de Vos en de hoofredakteur van News24, Adriaan Basson, skrywer van die boek "Zuma Exposed".

Die Irakese ambassadeur in Pretoria, Dr Saad Kindeel, het die naweek gereageer op die roofgtog op sewe lede van n Irakese afvaardiging na Suid-Afrika, wat deur n groep misdadigers aangeval is. Suid-Afrika se oud-ambassadeur in Tokio wat steeds op n ad hoc basis betrokke is by die Departement van Internasionale Samewerking, Gert Grobler sê misdaad bly 'n belangrike besprekingspunt onder hoofde van...

'n Voormalige ondersoeker van die Waarheids-en-versoeningskommissie (WVK), Zenzile Khoisan, reken die volgende saak wat ondersoek behoort te word ná die Timol-uitspraak is die van die sogenaamde Guguletu-7 wat deur die veiligheidspolisie koelbloedig doodgeskiet is. Hy sê een van die uitdagings met die soort ondersoeke, is die traagheid van die vervolgingsowerhede.

Die leier van die UDM, genl. Bantu Holomisa, sê in reaksie op die Ahmed Timol-uitspraak dat dit reg is dat oortreders van menseregteskendings vervolg word. Maar hy wys ook vinger na hoe Pres. Jacob Zuma versoeningspogings in die land in die wiele ry deur die raskaart te speel. Heindrich Wyngaard het met hom gepraat....

Die 48-jarige Dan Kriek, die president van Vrystaat Landbou en 'n boer van Tweeling in die Oos-Vrystaat, is Donderdag (12 Oktober 2017) op Agri SA se nasionale kongres in Muldersdrift, noordwes van Johannesburg, as die nuwe persident aangewys. Hy is die afgelope drie jaar 'n visepresident van Agri SA, en neem die leisels oor by Johannes Möller van die Noord-Kaap.

Die Universiteit Stellenbosch-dosent in ekonomie, prof. Rachel Jafta, het Donderdag (12 Oktober 2017) die jaarlikse kongres van die landbou-organisasie AgriSA toegespreek. Haar fokus was die belangrikheid van vennootskappe vir kommersiële landbou in Suid-Afrika.

Fatah en Hamas het 'n vredesooreenkoms bereik wat 'n elf-jaar lange stryd tussen die twee Palestynse faksies beeindig. Die ooreenkoms wat grootliks deur Egipte gefassiliteer is, is gistermiddag in Kairo bekendgemaak. Maar Suid-Afrika het ook hier 'n rol gespeel om die tafel te dek vir n vrede, wat hopelik wyer as Palestina sal strek. Roelf Meyer verduidelik wat die ooreenkoms presies behels.

Aan die Wes-Rand in Gauteng, word skadebepaling vir versekeringsdoeleindes na Maandag se storm gedoen. Die eienaar van die Versilia Blommeplaas net buite Krugersdorp, Riana du Plessis, het aan Jamaine Krige gesê hulle het miljoene rand se skade gely.

Ander inwoners van Krugersdorp het wonderbaarlik aan die stormskade ontkom. Elsa Erasmus is die eienaar van die Bankenveld House-gastehuis, en sy sê hulle het hulle deure oopgemaak vir diegene wat dakloos gelaat is.

Jy kan, en veral in 2017, leer uit die geskiedenis. So meen die skrywer, Frans Johan Pretorius. Hy is die redakteur, en een van 11 skrywers, van die boek Verskroeide Aarde, wat gaan oor die beleid tydens die Anglo Boere Oorlog. Hy het aan Melissa Tighy gesê dat kennis van die geskiedenis is nou meer belangrik as ooit.

Die Spaanse eerste minister, Mariano Rajoy, het die Kataloniese streeksregering gistermiddag vyf dae tyd gegee om te besluit of hy werklik onafhanklik van die res van Spanje te wees. Vir meer konteks hieroor, praat Monitor met Theo Bekker van die Noordwes Universiteit.

Daar was wye reaksie op die Minister van Polisie, Fikile Mbalula, se versoek aan President Jacob Zuma om die weermag in bendegeteisterde gebiede in die Wes-Kaap te ontplooi. Sommige waarnemers meen dat dit nie die taak van die weermag is nie. Monitor praat hieroor met Prof Abel Esterhuyse van die Krygskunde-fakulteit by Universiteit Stellenbosch.

'n Asteroïde het na verwagting vanoggend (Donderdag 12 Oktober 2017) om 07:42 Suid-Afrikaanse tyd rakelings verby die aarde beweeg. Die asteroïde sou op sy naaste punt aan die aarde gewees het, en op 'n soortgelyke hoogte as geo-stasionêre satelliete. Vir meer hieroor praat Monitor met 'n senior navorsingsgenoot by die Suid-Afrikaanse Nasionale Ruimteagentskap, Dr Pieter Kotze.

Die landbou-organisasie AgriSA hou Donderdag en Vrydag (12-13 Oktober) sy jaarlikse kongres met vennootskappe as oorhoofse tema. Monitor praat met die uitvoerende hoof van AgriSA, Omri van Zyl.

Liberiers is gister na die stembus om 'n opvolger vir Afrika se eerste vroue president en Nobel vredespryswenner, Ellen Johnson Sirleaf te kies. Gegewe die land se 14-jaar lange burger-oorlog en geskiedenis van brutale geweld, het Sirleaf haar landsburgers gemaan om vreedsaam hul kruisies te gaan trek. Nie minder as 20 presidents kandidate het hulself verkiesbaar gestel, onder andere, die voormali...

Die literator en Taurus uitgewer, Ampie Coetzee, het 'n lang pad met die oorlede skrywer Ryk Hattingh geloop. Coetzee het met Anita Visser gesels oor Hattingh se lewe en werk.