Kompas

Ons is op ‘n missie om jongmense aan te moedig om meer volhoubaar te leef. Carla Troskie, die voorsitter van die NWU se Groenspan , verduidelik hoe dit gedoen kan word.

Ons vier Wêreld Kinderdag, en praat met kinders oor wat hulle dink van klimaatsverandering, konflik, oorlog, en of die leiers van die land hulle raaksien.

Juliann Kotze, ‘n werwing pesialis, gee raad aan jongmense oor die werkaansoekproses om beter resultate te verseker.

Chloè van Rooyen praat met 'n slaapterapeut oor die belangrikheid van slaap vir tieners. Watter slaapversteurings kom die meeste voor onder jongmense? Hoe ontwikkel ek 'n goeie slaaproetine?

Barrie Ferreira kyk na die impak wat tegnologie het op hoe jongmense se maniere en hoe hulle in-persoon kommunikeer.

Hoe balanseer mens skool, sport, die kollig, familie en vriende? Rico Immelman, ‘n graad 11-leerder wat die rol van Warno Alberts vertolk in Showmax se Spooksoeker, vertel vir Hazel Janse van Rensburg hoe hy sy tyd bestuur en sy jongmenslewe geniet te midde van al die verantwoordelikhede.

Hoe belangrik is dit vir jongmense om netwerke te bou? Hoe gaan mens te werk? Hoe kan jy dit doen as dit nie natuurlik vir jou kom nie?

Alette Winckler, die hoogste gesertifiseerde beeldkonsultant in Afrika, verduidelik hoe jongmense stylvol kan wees op ‘n begroting.

Chloè van Rooyen gesels met 'n entrepreneur wat 'n stokperdjie in 'n besigheid verander het, en met 'n Eskom Expo-wenner. Ons vind ook uit wat dit verg om 'n goeie leier te wees.

Watter impak het jou houding en ingesteldheid teenoor die lewe op jou lewe en geestesgesondheid?

Sjanel Vosloo, musiekjuffrou en musikant in eie reg, gesels met oor die verskillende vokale tegnieke, en hoe jongmense hulle stemme kan op pas.

Het jy al dinge gesê en gedoen wat jy nie rerig wou nie, omdat jy “cool” wou wees? Barrie Ferreira praat oor groepsdruk, wat dit veroorsaak, of dit altyd sleg is, en hoe jy dit kan oorkom.

Matilda Fourie, die eienaar van Pet Paws, vertel wat van jou ‘n goeie kandidaat maak om na ander mense se troeteldiere om te sien vir ‘n ekstra geldjie.

'n Voorkomskonsultant en modeontwerper praat oor stylpersoonlikhede, en styl en identiteit. Hulle gee ook raad oor hoe om jou eie besigheid in die modebedryf te begin.

Ons doen hersiening van Afrikaans Huistaal Vraestel 2 saam met dr. Nico van Niekerk, adjunkhoof van die Hoërskool Linden.

Barrie Ferreira vind uit wat dit verg om 'n motor instand te hou. Wat is die belangrikste dele waarvan jy moet weet om seker te maak dat jy so veilig moontlik is?

Ons doen hersiensiening van Lewenswetenskappe saam met mnr. Jean Goliath, adjunkhoof en  interne moderator vir Lewenswetenskappe Vraestel 2.

Chloè van Rooyne gesels met 'n paramedikus om te hoor wat sy werk alles behels. 'n Dosent vertel ook vir haar wat die toelatingsvereistes is was nood mediese sorg wil studeer.

Het jy onlangs hard gewerk vir ‘n toets, maar nie die punte gekry waarvoor jy gehoop het nie? Barrie Ferreira bespreek eksamenteleurstelling, en praat oor hoe jy hierdie gevoelens beter kan hanteer.

Ons doen hersiening van Rekeningkunde swaam met Juffrou Helouise Pretorius van Langenhoven Gimnasium in die Klein Karoo.

Barrie Ferreira praat met die wenners van die ATKV se Sêr-kompetisie.

Ons doen hersiening van Ekonomie saam met juffrou Clemizia Cupido, vakadviseur in die Eden en Sentraal Karoo Onderwysdistrik.

Philip Saayman is gekroon as Suid-Afrika se beste by die WorldSkills-kompetisies in die verkoelingsafdeling. Hy vertel vir Chloè van Rooyen van sy ervaing, en waar hy hierdie vaardighede aangeleer het. 'n Musikant kuier ook agter die Kompas-mikrofoon, en vertel wat dit verg om 'n onafhanklike musikant te wees.

Hoe word jy ‘n ingenieur? Barrie Ferreira vind meer uit van ingenieurswese as ‘n studierigting, en hoe jy kan uitvind of dit vir jou is.