Ethiopian Christian Fellowship Church in Finland

  "እምነት" በሚል ርዕስ በወንድም ተከለ ማርቆስ (ዶ/ር) የቀረበ የእግዚአብሔር ቃል መልዕክት:: 

  "እግዚአብሔርን ማመስገን" በሚል ርዕስ በወንጌላዊ ዘገዬ መኮንን የቀረበ የእግዚአብሔር ቃል መልዕክት!

  ይህ የእግዚአብሔር ቃል መልዕክት በመዝሙር ምዕራፍ 73 ላይ ተመሥርቶ በወንድም ያቬሎ ናታዬ የቀረበ ሲሆን የመልዕክቱ ማዕከላዊ አሳብ ዕይታችን በዙሪያችን ባሉ ሰዎችና ሁኔታዎች ላይ ስናደርግ ሳናውቀው ከመንፈሳዊ ከፍታችን እንንሸራተታለን ነገር ግን በእግዚአብሔር ህልውና ውስጥ ስንሆንና እንደ እግዚአብሔር ዕይታ ነገሮችን ማየት ስንጀምር የነገሮች ሁሉ ፍጻሜ ግልጽ ይሆንልናል የሚል ነው::

 "እግዚአብሔር ዓላማዬ ነው!" በሚል ርዕስ በዘጸ.17:8-16 ላይ ተመሥርቶ የቀረበ የእግዚአብሔር ቃል መልዕክት ነው:: 

  "ጀግና አይታዘንለትም!" በሚል ርዕስ በሉቃ. 23:26-29 ባለው ክፍል ላይ ተመሥርቶ በፓስተር ዮሴፍ ፈንታው የቀረበ የእግዚአብሔር ቃል መልዕክት ሲሆን የመልዕክቱ ዋና ጭብጥ ኢየሱስ ስለሰው ልጆች መከራን የተቀበለው እንዲናዝንለት ሳይሆን እንድናምንበት ነው:: ሊታዘንላቸው የተገባቸው የተደረገላቸውን ያልተረዱና ክርስቶስን ያልተቀበሉት ናቸው:: 

  "ንጉሥ ለሚወደው እንዲህ ይደረግለታል!" በሚል ርዕስ በአስቴር ምዕራፍ 6 ላይ ተመሥርቶ የቀረበ የእግዚአብሔር ቃል መልዕክት ነው:: የመልዕክቱ ማዕከላዊ አሳብ ንጉሥ ሲወድ በንጉሥ አቅም ልክ መሆኑን ለማስገንዘብና እኛም በእግዚአብሔር የተወደድነው ለመረዳት ከአቅም በላይ በሆነ የእግዚአብሔር ፍቅር መሆኑን ማስገንዘብ ነው::  

  "የእግዚአብሔር ክብር" በሚል ርዕስ በፓስተር ዮሴፍ ፈንታው በ2ኛ ዜና 7:1-10 ባለው ክፍል ላይ ተመሥርቶ የቀረበ የእግዚአብሔር ቃል መልዕክት ሲሆን በመልዕክቱም የእግዚአብሔር ክብር ሲመጣ የሚሆኑ 4 መሠረታዊ ነገሮች ተዳስሰዋል::

  ይህ የእግዚአብሔር ቃል መልዕክት "ምርኮው ይመለሳል"  በሚል ርዕስ በ1ሳሙኤል ምዕራፍ 30 ላይ ተመሥርቶ በወንጌላዊ ዘገዬ መኮንን የቀረበ ሲሆን የመልዕክቱ ማዕከላዊ አሳብ "ነገራችን በጠላት ሲወሰድብንና የሚናደርገው ግራ ሲገባን 1) ልባችንን በእግዚአብሔር ማበርታት አለብን 2) ማድረግ የሚገባንን እንዲያሳውቀን እግዚአብሔርን በጸሎት መጠየቅ አለብን 3) ምርኮአችንን ለመመለስ እግዚአብሔር አድርጉ የሚለንን ማድረግ አለብን" የሚል ነው:: 

ይህ የእግዚአብሔር ቃል መልዕክት "ህዝቡን ከኃጢአታቸው ያድናቸዋል" በሚል ርዕስ የገና በዓልን አስመልክቶ በወንጌላዊ ዘገዬ መኮንን የቀረበ ሲሆን የመልዕክቱ ዋና ማዕከላዊ ትኩረት ኢየሱስ ክርስቶስ ወደ ምድር የመጣበትን ዋና ዋና ዓላማዎች መተንተን ነው::

ይህ የእግዚአብሔር መልዕክት "ምንጭ" በሚል ርዕስ በወንጌላዊ ዘገዬ መኮንን የቀረበ ሲሆን የካሌብ ሴት ልጅ በነበረችው በአክሳ ህይወት ላይ ተመሥርቶ የቀረበ ነው:: የመልዕክት ዋና መልዕክት ስለምንጭ አስፈላጊነት ነው [ኢያ. 15.16-19ና መሳ. 1:11-15]:: ምንጭ ለአንድ የእርሻ መሬት ፍሬያማነት አስፈላጊ እንደሆነ ሁሉ መንፈስ ቅዱስም በአንድ ሰው ህይወት ውስጥ ላለ የእግዚአብሔር ጸጋ ፍሬያማነት እጅግ አስፍላጊ ነው::

ይህ መልዕክት "ምን አላችሁ? ምን ይዛችኋል?" በሚል ርዕስ በእህት ለምለም ጌታቸው የቀረበ ሲሆን የመልክቱ ማዕከል እግዚአብሔር ባልተጠበቀ ሁኔታ ወስጥ ባልተጠበቁ ሰዎች ሌሎችን መርዳት እንደምችል የሚያስረግጥ መልዕክት ነው:: ለምሳሌ: 1) አንድ ህጻን ልጅ በያዘው ዳቦና ዓሣ አምስት ሺህ ህዝብ መመገቡ 2) በሰታፕታ መንደር እፍኝ ዱቀት ብቻ በነበራት ባልተት ኤልያስን መመገቡና 3) ባዶ የሚመስል የዘይት ማድጋን ተጠቅሞ የነቢይ ሚስት የነበረችን ባልቴት ባለዕዳ ልጆቿን እንዳይወስድባት መርዳቱ::

ይህ "እግዚአብሔርን መከተል" በሚል ርዕስ በወ/ዊ ዘገዬ መኮንን የቀረበ የእግዚአብሔር ቃል መልዕክት ነው:: መልዕክቱ በኦሪት ዘኁልቁ ምዕራፍ 13 ላይ የተመሠረተ ሲሆን ማዕከላዊ አሳቡም እግዚአብሔርን በመከተል ሂዴት ውስጥ ትኩረታችን መሆን ያለበት ዙሪያችን ላይ በሚታየው ላይ ሳይሆን እግዚአብሔር በሰጠን የተስፋ ቃል ላይ ነው የሚል ነው::

"የመንግሥተ ሰማያት መክፈቻዎች" በሚል ርዕስ በወንጌላዊ ዘገዬ መኮንን የቀረበ የእግዚአብሔር ቃል መልዕክት:: ይህ መልዕክት "ቤተ ክርስቲያን" በሚል ርዕስ እየቀረበ ያለው ተከታታይ ትምህርት ክፍል ነው:: የመልዕክቱ ጭብጥ በእግዚአብሔር መንግሥት ውስጥ ሥራ ለመሥራት የሚረዱ ቁልፎች 1) የእግዚአብሔር ቃል 2) የኢየሱስ ስም 3) ጸሎትና 4) መንፈስ ቅዱስ መሆናቸውን ማስገንዘብ ነው::

ይህ የእግዚአብሔር ቃል መልዕክት "የአካል መታነጽና መክበር" በሚል ርዕስ በወንድም ተከለ ማርቆስ (ዶ/ር) የቀረበ ነው:: የመልዕክቱም ዋና ጭብጥ እግዚአብሔር በቃሉና በመንፈሱ አማካይነት ቅዱሳንን ያንጻል የሚል ነው::

ይህ የእግዚአብሔር ቃል መልዕክት "ቤተ ክርስቲያን እንደ አካል" በሚል ርዕስ በወንድም ተከለ ማርቆስ (ዶ/ር) የቀረበ ነው:: የመልዕክቱም ዋና ጭብጥ የአካል ብልቶች ሁሉ ለአካላቸው ህልውና መቀጠል ተግባብተውና ተሳስበው እንደሚሠሩ፣ በቤተ ክርስቲያን ያሉ አማኞችም የክርስቶስ አካል የሆነችው ቤተ ክርስቲያን ህያው ሆና ተግባሯን በሚገባ መፈጸም እንድትችል በመተሳሰብ አብረው ለአንድ ዓላማ ሊቆሙ ይገባል የሚል ነው::

ይህ የእግዚአብሔር ቃል መልዕክት "የእግዚአብሔር ህግጋት ማዕከላዊ እሳቤዎች" በሚል ርዕስ በወንድም ያቬሎ ናታዬ እየቀረበ ያለ ተከታታይ ትምህርት የመጨረሻው ክፍል ነው:: የዚህ ክፍለ ጊዜ ዋና ትኩረት ባልንጀራችንን እንደራሳችን መውደድ ያለብን ለምንድን ነው? ባልንጀራችንስ ማን ነው? ባልንጀራችንስ እንደራስ መውደድ ይቻላል ወይ? ባልንጀራችንን እንደራስ መውደድ የሚገለጽባቸው መንገዶችስ ምን ምን ናቸው? የሚሉ ጥያቄዎችን መመለስ ነው::

ይህ የእግዚአብሔር ቃል መልዕክት "የእግዚአብሔር ህግጋት ማዕከላዊ እሳቤዎች" በሚል ርዕስ በወንድም ያቬሎ ናታዬ እየቀረበ ያለ ተከታታይ ትምህርት ሁለተኛው ክፍል ነው:: የዚህ ክፍለ ጊዜ ዋና ትኩረት እግዚአብሔርን በሁለንተናችን መውደድ ያለብን ለምንድን ነው? የሰው ሁለንተናስ ምንድን ነው? እግዚአብሔርንስ በሁለንተናችን መውደድ የምንችለው እንዴት ነው? የሚሉ ጥያቄዎችን መመለስ ነው::

ይህ የእግዚአብሔር ቃል መልዕክት "የእግዚአብሔር ህግጋት ማዕከላዊ እሳቤዎች" በሚል ርዕስ በወንድም ያቬሎ ናታዬ እየቀረበ ያለ ተከታታይ ትምህርት የመጀመሪያ ክፍል ነው:: የዚህ ክፍለ ጊዜ ዋና ትኩረት እግዚአብሔር በዘመናት መካከል ለህዝቡ የሰጣቸውን ህጎች መዳሰስ ነው:: እንደዚሁም በኢየሱስ ክርስቶስ የመስቀል ሥራ በተሻሩና ባልተሻሩ የእግዚአብሔር ህጎች መካከል መለየት ነው::

በዮሐንስ ወንጌል 21:15-19 ባለው ክፍል ላይ ተመሥርቶ የቀረበ የእግዚአብሔር ቃል መልዕክት:: የመልዕክቱ ዋና ጭብጥ ሰው በመንፈስ ቅዱስ ሲታጠቅ በሥጋ ማንነቱ የሚፈራውን በመንፈስ ቅዱስ ሲታጠቅ እንደማይፈራና ለእግዚአብሔር ክብር እስከ ሞት ድረስ እደሚጨክን ያስረዳል:: በመንፈስ ቅዱስ መታጠቅ ፈሪን ደፋር ያደርጋል:: ለዚህም የጴጥሮስን ህይወት ልብ ይሏል::

"ይቅርታ" በሚል ርዕስ በሉቃ. 23:32-43 እና ማቴ 6:14-15 ባለው ክፍል ላይ የተመሠረተና በወንጌላዊ ዘገዬ መኮንን የቀረበ የእግዚአብሔር ቃል መልዕክት::

"ዘመኑን ማወቅ" በሚል ርዕስ በእህት ለምለም ጌታቸው የቀረበ የእግዚአብሔር ቃል መልዕክት:: የመልዕክቱ ዋና በዘመናት መካከል ህዝቡን አገሮችን እና ቤተሰቦችን በማስተዋልና በጥበብ ለመምራት እግዚአብሔር ሰዎችን እንደሚያስነሳ የሚያገነዝብ ነው:: በዘመናችንም ምልልሳችን በጥበብና በማስተዋል መሆን እንደሚገባና ጥበብንም ከእግዚአብሔር ዘንድ መጠየቅ እንደሚቻል ይመክራል::

"በመንፈስ ቅዱስና በእሳት ያጠምቃችኋል" በሚል ርዕስ በወንጌላዊ ዘገዬ መኮንን የቀረበ የእግዚአብሔር ቃል መልዕክት:: የመልዕክቱ ዋና አሳብ የመንፈስ ቅዱስ እሳት በአማኝ ህይወት ውስጥ የሚያደርጋቸውን ለውጦች የሚያስረዳ ነው::

"የሥልጣን አጠቃቀም በቤተ ክርስቲያን" በሚል ርዕስ በወንድም ያቬሎ ናታዬ የቀረበ የእግዚአብሔር ቃል መልዕክት:: ይህ መልዕክት "ቤተ ክርስቲያን" በሚል ርዕስ እየቀረበ ያለው ተከታታይ ትምህርት የመጨረሻ ክፍል ነው:: የዚህ ክፍለ ጊዜ ዋና ትኩረት ምዕመናን መሪዎችን በመምረጥ ጉዳይ ልዩ ጥንቃቄ የማድረግ ኃላፊነት እንዳለባቸው ማስገንዘብና ትክክለኛ መሪዎችን መለየት የሚችሉባቸው መጽሐፍ ቅዱሳዊ መመዘኛዎችን በተመለከተ ግንዛቤ ማስጨበጥ ነው::

"የሥልጣን አጠቃቀም በቤተ ክርስቲያን" በሚል ርዕስ በወንድም ያቬሎ ናታዬ የቀረበ የእግዚአብሔር ቃል መልዕክት:: ይህ መልዕክት "ቤተ ክርስቲያን" በሚል ርዕስ እየቀረበ ያለው ተከታታይ ትምህርት ክፍል ነው:: የዚህ ክፍለ ጊዜ ዋና ትኩረት ለሰው የተሰጡ አራት የሥልጣን ደረጃዎችን መተንተንና ከሰው ሥልጣን ጋር ተያይዘው የሚከሰቱ ችግሮችን መጠቆም ነው::

"የሥልጣን አጠቃቀም በቤተ ክርስቲያን" በሚል ርዕስ በወንድም ያቬሎ ናታዬ የቀረበ የእግዚአብሔር ቃል መልዕክት:: ይህ መልዕክት "ቤተ ክርስቲያን" በሚል ርዕስ እየቀረበ ያለው ተከታታይ ትምህርት ክፍል ነው:: የዚህ ክፍለ ጊዜ ዋና ትኩረት ከሰው በላይ የሆኑና የእግዚአብሔር ብቻ ስለሆኑ የሥልጣን ደረጃዎች ግንዛቤ ማስጨበጥ ነው::