ESPERTA VALLADARES

Castañas & landras. Falaremos dos magostos e mais da 'cociña bellotera' co biólogo César Lema. Axenda 'da casa' Sábado: concerto banda Coruxo e, ó rematar, magosto ️Domingo: contos para maiores

Xa sabedes que o auditorio ten actividade (case) todos os fin de semana. Imos conversar con Ana, a presidenta do centro veciñal, das propostas culturais para o que resta de ano. E doutras actividades formativas coma a de primeiros auxilios e seguridade na vivenda que imparte a policía a semana que ven. Ademáis, unha voltiña polos barcos históricos e mais as goletas que van chegando ó porto de Vigo...

Ratas de biblioteca nas 'reliquias' do fondo local do centro veciñal. O libro de Taboada y Leal, as fotos do archivo Pacheco, un boletín de información da cidade do ano 1961… e unha crónica de Vigo y la Navidad. E tamén botamos a partida, dominó e tute.

Free tours e outras maneiras de turistear. Andivemos por Oporto, aproveitando o festivo de Todos os Santos e,algún galego atopamos por aqueles lares. Ademáis, conversamos un rato con Serghii medio en ruso, medio en español. Co seu acordeón ambienta as rúas de Vigo. Onte andaba por Plaza España. Os embalses están a mínimos, ‘imos de expedición’ ó de Eiras a coñecer os restos da aldea sumerxida.

Dende as mámoas ata os panteóns modernos. Neste tempo de defuntos conversaremos sobre o arte funerario con Julio Fernández Pintos. Tamén imos escoitar a volta polo cementerio de Matamá co motivo do seu centenario.

Historias bonitiñas da xente nova da parroquia. Os novos xornalistas… onde andan e como é o seu traballo coas novas do día. E tamén os arquitectos novos. Laura, da Garrida, aproveitou para estudar os espazos urbanísticos ó longo da carretera de Valladares para o seu traballo fin de grado.

Historias da tempada. Ides escoitar a poda en altura de árbores senlleiras cun veciño do Portal. Outra veciña de Beirán anda no Suído producindo mel das moreiras. E Gori, o grafiteiro de Chaín, fixo o cartel do Revoltallo, hai xa 30 anos!

Esta última semana de outubro ides escoitar no #EspertaValladares historias bonitiñas da tempada. Mañá, a historia do saxo no podcast que grabaron os rapaces que asitiron o VigoSaxforum. E o paseo polos libros de arte na biblioteca do MARCO

De como Galicia se foi enchedo de salas de cine falamos mañá. Moito ten Isaac Fraga, o do teatro en Vigo. Pilar López escribiu un libro sobre a súa fascinante vida empresarial. Ademáis, calcetíns de cinede Somos Océano. Acaban de sacar uns con motivos da peli ‘Airbag’.

De palique cos veciños no #EspertaValladares. Santiago contará historias do aserradeiro da Garrida, cando todo se facía con madeira. E Eduardo vai relatar a que partes do mundo o foi levando o oficio de escaiolista. De Hawai a Xapón, pasando por Manhattan.

Falaremos con Tamara Echegoyen das súas travesías oceánicas. Rafa Bañón, que agora anda recollendo mostras no Gran Sol, ven de publicar unha guía de peixes. Ademáis, auga doce. Ángeles Santos fixo a súa tese sobre o regadío tradicional, que ven de ser protexido como patrimonio cultural inmaterial.

As campás, os antigos wasap! Os veciños de Beade seguen a voltealas para a procesión da festa. A versión moderna, os concertos contemporáneos. En Segovia xuntaron a 12 campanarios! Ademáis, estanse a inventariar as campás de toooda Galicia.

3 décadas seguindo os anfibios no Parque Natural de Currubedo. Pedro Galán, biólogo e profesor, os coñece ben, ben! Ademáis, a serra do Galiñeiro é esputenda. Imos falar dela coa xente de Montes de Vincios.

O mundo das radios comunitarias. André de Oliveira vive en Vigo agora, pero antes, en Brasil foi director dunha, que pechou co goberno de Lula. E CuacFM en Coruña é todo un referente para as de Galicia. E das anécdotas ó longo dos seus 25 anos cóntanos a súa directora, Paula Alonso. Ademáis, un paso importante en todas elas, é o salto á dixitalización. Diso conversamos con Erasmo, o teleco da Pira...

Falamos de aeromodelismo. Desta pasión desfrutan no Clube Furaventos de Pontellas, en Porriño. Un dos seus membros, Ivo, marchou no verán ata un mundial en Inglaterra e tivemos unha entretida conversa no seu taller, en San Andrés. E os montañeiros de Volta Montana, veñen de percorrer o Miño no roteiro: “Un Río, Dous Países, 10 Experiencias”

Se vos gustan as beiras do río, pode que sexa o voso #EspertaValladares Imos percorrer a senda do río Lor con Javier Pintos, que inda que é nativo de Matamá, anda asentado pola Ribeira Sacra. Falaremos co ‘Barqueiro dos Ríos’. Anxo Moure leva os coñecementos dos ‘mil ríos’ ás escolas.

VENRES 9/10/2026 Unha de xogos non convencionais. Corvus Belli fabrica miniaturas e crea universos dende Bueu para todo o mundo que queira sentarse xogar á mesa. A Pedro Madruga podemos seguilo no videoxogo deseñado por Këndra arredor do seu castelo en Soutomaior. E proposta para finais de novembro, xogos de rol nos cines do centro comercial de A Ramallosa, en Nigrán.

As modistas, unhas artistas cun anaco de retal! Mañá falamos delas. No Museo Liste reservan un espacio a este oficio. Cris Collazo adícalle un espectáculo músico-teatral. Naii, unha costureira de Matamá, charlou con moitas durante anos no seu podcast. E en Maceda, Jesús, arregla e colecciona un sinfín de máquinas de coser de moitas partes do mundo.

Coñeceremos unha súperdeportista que pasa desapercibida ela e mailo deporte que practica. Susana Cordeiro e o taikic. Ademáis damos un paseo moi ameno polas esculturas que hai espalladas en Cangas. E aproveitamos para ‘fuchicar’ no libro de Mercedes Bangueses sobre as de Vigo.

Historias arredor das baleas. Anécdotas da industria baleeira na costa galega con Álex Aguilar, que ven de publicar unha guía moi completa. Ademáis, reconstrucción da nao ballenera, San Juan. E conversa co debuxante Tokio.

Xuntarse nalgún bar da cidade para debuxar. Drink&Draw é a proposta. Algo parecido ós urban skaters, pero mais informal. E teatro para estas findes de outubro no auditorio da man da FEGATEA. E algo de axenda cultureta pola cidade, que andamos á porta da finde!

Maxia potaxia! Sara, de Magia en la Manga, contános como foi descubrindo a outras mulleres magas ó longo da historia. Ademáis, unha de eventos arredor da paz. Mañá venres no auditorio, dende as 19h as 22h, danzas do mundo.

Imos ata a piscina para falar coa xente do acuagym. E tamén coñeceremos a historia de Bembrive. Ven de escribila Diego Pérez e xa podemos comprar o libro no kiosko da parroquia

#EspertaValladares, pelegrinaxes. Imos conversar co viaxeiro e antropólogo José Tono da súa última viaxe á illa xaponesa de Shikoku e a peregrinación dos 88 templos budistas. Daí sae este libro.

#EspertaValladares en modo distraído. Traeremos un popurrí de plans divertidos para a fin de semana. Por exemplo, o xogo de mesa do Instituto Oceanográfico 'Elementos en juego: la tabla periódica del mar'.