Driesestig

Sanja Steyn doen uithouwedlope om geld in te samel vir weeskinders in Zimbabwe, waar haar ouers sendlinge was.

Nora Thiel van Delheim vertel vir Martelize Brink hoe om ‘n behoorlike kaasfondue te maak.

Colorado Springs se brandweer het ‘n video aanlyn geplaas van ‘n nuuskierige hond, ‘n bokser, wat ‘n stoofplaat aangesit en ‘n brand laat ontstaan het.

Wildsvleiskenner Lise Beyers gesels oor speserye vir wildsvleisgeregte.

Terapeuties, opwindend en ‘n bietjie adrenalien is deel van die resep van die Wes-Kaap Modelbootklub se voorsitter om selfs as kankeroorlewende die lewe nog te kan geniet. Johan Rademan het met hom gesels.

Dr. Etienne van der Walt van Neurozone verduidelik wat die brein in die moderne lewe onder druk plaas, en wat ons moet doen om ons brein jonk en fiks te hou.

Therese Mitchell was in 'n motorongeluk toe sy 19 jaar oud was. Sy moes na vele rugoperasies weer leer loop. Later vanjaar neem sy deel aan die Tweekamp Langafstand Wêreldkampioenskap in Switserland.

Haidee Muller-Isaacs kuier by Constance Stuurman, die vrou met die groenvingers by Babylonstoren, waar sy as blomkunstenaar en tuinier werk. Sy gesels oor haar gewilde tuintoere en vanwaar haar liefde vir die groenigheid vandaankom.

RSG-kollega Hannes Kruger vertel van sy lewe in China.

Haidee Muller-Isaacs gesels met huiskos-kenner, Nina Timm, oor haar loopbaan in die onderwys en haar passie om leerders in verbruikerstudies touwys te maak.

Michelle Kruger vertel vir Martelize Brink van Suid-Afrika se boerbokke.

Die destydse burgemeester van Port Elizabeth het 52 jaar gelede met 'n skoolvoedingsprogram begin. Die verkope van tweedehandse boeke was belangrik vir die geldinsameling hiervoor. Hierdie praktyk word vandag steeds voortgesit deur die tweedehandse boekwinkel, Books Etcetra, in die volksmond beter bekend as die Charity Bookshop. Mariska Spoormaker het gaan inloer.

Ons doen middel-van-die-jaar-bestekopname saam met dr. Cobus Oosthuizen.

Haidee Muller-Isaacs gesels met tannie Monica Coetzee, wat vertel van haar grootwordjare op Springbok. Sy is op 86 steeds aan die gang in die gasvryheidsbedryf in Durbanville. Haidee het daar by haar gaan inloer.

Wildsvleiskenner Lise Beyers gesels oor speserye vir droëvleis en -wors.

‘n Gimnasium In Suid-Korea het ‘n kennisgewing aangebring dat “ajummas” nie welkom is nie. Dit verwys na vroue in hulle laat dertigs en ouer, wat hulle skuldig maak aan onaanvaarbare gedrag.

Pietman Geldenhuys se debuutradioteater sluit die huidige dramaseisoen op RSG af. Regisseur Johan Rademan het met hom gesels oor O, DIE DONKIE.

Denemarke gaan van 2030 af vee belas, met die doel om kweekhuisgasse te verminder. Die koolstofbelasting sal sowat R 1 800 per bees per jaar wees. Vanaf 2035 sal dit meer as R4 400 wees.

Daleen Roodt praat oor haar botaniese kuns wat 'n gouemedalje verwerf het by die Royal Horticulture Society se kuns- en fotografieskou in London. Dis ook aangewys as die beste kunswerk op die skou.

Emercia de Lange vertel vir Martelize Brink van PEAAT, die oudste aktiewe Afrikaanse amateurtoneelvereniging in Suid-Afrika.

‘n Britse politikus wat gestaan het om lid van die parlement te word, is geskors nadat hy ‘n weddenskap daarop geplaas het dat hy nié sy setel in die komende verkiesing sal wen nie.

Dawie Botha vertel in SO IS DIE LAND GEBOU van die STEMulator.org wat mense bekendstel aan die wonders van die wetenskap, ingenieurswese en tegnologie.

Haidee Muller-Isaacs gesels met Oom Loekie van Wyk oor die Loekie van Wyk Tegniese Hoërskool, 'n vaardigheidskool wat sy naam dra en op Fisantekraal buite Durbanville gebou gaan word.

Fotograaf Miles Astray is sy prys kwyt nadat ‘n foto wat hy van ‘n flamink met ‘n kop onder die vlerk geneem het, derde gekom het in die Kunsmatige Intelligensie-afdeling van ‘n groot fotografiekompetisie. Sy inskrywing is gediskwalifiseer omdat dit ‘n mens se werk is, en nie kunsmatige intelligensie se skepping nie.

Bronwyn en Danfred Olifant vertel van hulle diereambulansdiens wat hulle in Eersterivier lewer.