Sterre en Planete

Sterre en planete 25 Januarie 2015

Die getal teleskope op Sutherland neem stadigaan toe. 'n Besondere Russiese teleskoop wat baie lae magnitudes kan waarneem, is onlangs geinstalleer. Daar is ook 'n antwoord op die vraag waarom noord altyd bo-aan 'n kaart is.

Sterre en planete 18 Januarie 2015

Hoewel die Falcon-vuurpyl van Space X nie 100% sy terugkom-doelwit bereik het nie, beskou kenners die projek as uiters geslaagd. Willie Koorts en prof. Matie Hoffman vertel wat uit die sending geleer kan word. Daar is ook meer inligting oor die ruimteterm akkresie.

Sterre en planete 11 Januarie 2015

Waarom is ultravioletstrale so gevaarlik vir mense? Die sonkenner, Kobus Olckers, verduidelik hoe hierdie sonstrale werk. Daar is ook inligting oor 'n komeet wat deesdae in die naghemel sigbaar is.

Sterre en planete 4 Januarie 2014

Hoe nat is die aarde? Hierdie vraag sal deur die SNAP-satelliet, wat aan die einde van die maand gelanseer word, beantwoord word. Dr. Japie van Zyl, wat met die projek gemoeid is, vertel hoe die satelliet sal werk.

Sterre en planete 28 Desember 2014

Greg Roberts van Kaapstad is 'n satellietjagter. Hy gesels oor die jongste soegenaamde spioenasiesatelliet wat Suid-Afrika onlangs gelanseer het. Hy vertel dat sulke satelliete gewoonlik in 'n poolbaan geplaas word, omdat hulle fotografiese toerusting aan boord het om die aarde af te neem.

Sterre en planete 21 Desember 2014

Is dit 'n gegewe dat planete wat nader aan hulle ster wentel, rotsagtig sal wees, teenoor planete wat ver weg van hulle son is? Sal 'n groot planeet altyd gasagtig wees en 'n klein planeet rotsagtig?

Sterre en planete 14 Desember 2014

Die span gesels oor kosmiese strale en hoe gevaarlik dit kan wees vir ruimtetuie en ruimtevaarders. Daar is ook 'n antwoord op die vraag of die son se magneetveld 'n indirekte invloed het op die klimaat van die aarde, en watter rol die son speel in klimaatsverandering.

Sterre en planete 7 Desember 2014

Die span gesels oor water as oppervlakte-bedekking van die aarde, en water as 'n deel van die massa van die aarde. Daar word gekyk na aardskynsel.

Sterre en planete 30 November 2014

Ruimtevaartbeplanners maak dikwels van swaartekragversnelling-metodes gebruik. Dr. Japie van Zyl van Jet Propulsion Laboratory in Pasadena, Kalifornië, verduidelik wat dit behels. Daar is ook inligting oor gravitasielense.

Sterre en planete 23 November 2014

Die span praat oor die Philae-landingstuig wat in 'n “komeet-slaap” modus ingegaan het. Daar is ook bespiegeling of daar sterre tussen die sterrestelsels is. En wat sou gebeur as twee sterrestelsels bots? Daar is aanduidings dat die Andromeda-stelsel stadig besig is om nader aan ons melkweg te beweeg.

Sterre en planete 16 November 2014

Die afgelope week was 'n belangrike tyd vir die Europese Ruimte-agentskap toe die Philae landingsgtuig op die komeet Churyomov-Girasimenko geland het. Prof. Herman Steyn van die Universiteit van Stellenbosch, wat 'n aandeel gehad het in die sukses van die sending omdat hy betrokke was by die ontwikkeling van 'n momentumwiel wat op Philae gebruik is, praat oor die missie. Jy kan ook luister na 'n k...

Sterre en planete 9 November 2014

Wat is 'n sonfakkel? Kobus Olckers praat oor die kragtigheid van sonfakkels en watter skade hulle op die aarde kan berokken. Daar is ook inligting oor die Rosettatuig wat sy komeettuig, Philae, op die komeet Guryomov-Girasimenko gaan laat neerdaal en vasheg.

Sterre en planete 2 November 2014