Spektrum

'n Groep bose, gewapende narre wat mense terroriseer. Dit klink soos iets uit 'n riller, maar dis wat in Frankryk aan die gebeur is. Die Franse polisie het al verskeie jongmense in hegtenis geneem wat 'n skrikbewind, geklee in narpakke, voer.

Kinderregte-aktiviste is woedend oor wat aangevoer is ter strafversagting van 'n veroordeelde kinderverkragter. Die verkragter, Mathys van Zyl, se regsverteenwoordiger het in die Palm Ridge Landdroshof in Johannesburg gesê die verkragting van 'n driejarige dogtertjie is nie so ernstig nie, omdat dit met 'n volwasse man se vinger, en nie sy penis gedoen is nie.

Mathys van Zyl is vroeër vandag gevonnis tot 20 jaar tronkstraf vir die verkragting van 'n driejarige kind. Sy regsverteenwoordiger, Jesse Penton, sê hy het nooit die ernstige aard van die misdaad ontken nie, maar dit is sy plig om in die belang van sy klient op te tree...

Die noodsaaklikheid van 'n kernkragprogram moet eers behoorlik deurgetrap word voor onderhandelinge met moontlike verskaffers. So sê die DA se skaduminister van energie, Lance Greyling. Dit volg op berigte dat die regering samesprekings met die Russe hieroor voer.

'n Nuwe denkwyse is besig om pos te vat in die wêreld van rekeningkunde. Baie mense krap kop as hulle met syfers en finansies moet werk. Nicolaas van Wyk van die Suider Afrikaanse Instituut vir besigheidsrekenmeesters sê egter mense sal rekeningkunde beter verstaan as hulle dit op 'n kreatiewe manier benader as 'n taal, en dit beskryf met kleure.

Die Wes-Kaapse hooggeregshof het beslis dat die SAUK se operasionele hoof, Hlaudi Motsoaneng, geskors moet word. Volgens regter Ashton Scheepers moet 'n klagstaat binne twee weke aan Motsoaneng oorhandig word. Die DA het die SAUK hof toe gevat oor sy permanente aanstelling nadat die openbare beskermer bevind het dat Motsoaneng gedissiplineer moet word omdat hy gejok het oor sy matriekkwalifikasie.

Verskille oor steun aan president Jacob Zuma is moontlik onderliggend aan die troebel verhouding tussen Cosatu en Numsa. Dit blyk uit 'n onderhoud met die sekretaris-generaal van Cosatu, Zwelinzima Vavi. Volgens Vavi is sy mening oor die saak nie oral ewe gewild nie, maar hy was bereid om toe te gee dat daar uiteenlopende menings hieroor in Cosatu is.

Hoe ver strek artistieke vryheid voordat dit as haatspraak geklassifiseer word? Dit is die vraag op talle se lippe met die bekendstelling van 'n nuwe liedjie en musiekvideo deur die Kaapse kletsrymgroep, Dookoom.

Dit is belangrik om die oorsprong van nabydoodervarings vas te stel. So sê 'n navorser aan Unisa, prof. Pieter Craffert. Dit volg op 'n studie van dr. Sam Parnia aan die Universiteit van Southampton. Parnia en sy span het volgens die tydskrif, Rescusitation, bepaal dat die mens nog 'n mate van bewussyn behou nadat hy breindood is. Volgens Craffert is dit onwetenskaplik om mense se ervarings bloot...

Drie studente aan die Universiteit van Stellenbosch het onderneem om deel te neem aan versoenende gesprekke om verhoudings te herstel. Dit volg nadat die universiteitsbestuur besluit het om nie dissiplinêr teen hulle op te tree nie nadat hulle hulle gesigte swart geverf het vir 'n partytjie.

Talle Suid-Afrikaners wat in Lagos in Nigerië was toe 'n gebou by die All Nations-kerk ineengestort het en die voorval oorleef het, is stadig besig om terug te keer huis toe. Van die mense het reeds begin vertel wat hulle verlede Vrydag beleef het...

Talle Suid-Afrikaners, waaronder bekendes, het die afgelope dekade besoek afgelê by die bekende All Nations-kerk in Lagos, Nigerië. Talle van die mense het oor die jare teruggekeer en aangekondig dat hulle byvoorbeeld genees is van kanker, net om later daaraan te sterf. Een van die bekendste gevalle is die van die rugbyspeler, Jaco van der Westhuysen, wie se kniebesering glo heeltemal deur die sog...

Dis steeds onduidelik presies hoeveel Suid-Afrikaners Vrydag gesterf het toe 'n kerkgebou in Lagos in Nigerië ineengestort het. Volgens president Jacob Zuma het 67 Suid-Afrikaners hulle lewens in die voorval verloor, maar dit lyk nou of die syfer dalk burgers van ander lande insluit.

Dit lyk of regter Thokozile Masipa se uitspraak in die Oscar Pistorius-moordverhoor moontlik 'n negatiewe impak sal hê op die toekoms van vuurwapenbesit in die land. Dit is omdat Masipa onder meer die bevoegdheidstoets om 'n wapen te besit en die impak daarvan op 'n strafregsaak, verwerp het.

Dertien mense is in Grabouw in die Wes-Kaap in hegtenis geneem nadat winkels tydens betogings in die gebied geplunder is. Volgens die polisie het betogers na bewering ook probeer om 'n supermark te beroof. Alle skole op die dorp en die N2 is gesluit weens die voortgesette protesoptrede die afgelope 24 uur. Inwoners eis beter dienslewering en behuising.

Die burgerregte-organisasie Afriforum het R2-miljoen rand geskenk om te help met die regskoste van ses skole wat die organisasie vir Godsdienste-onderrig en Demokrasie (OGOD) se hofaansoek om godsdiens uit te skole te hou, wil teenstaan. Afrifirum se uitvoerende hoof Kallie Kriel sê OGOD se optrede en sienswyse is in stryd met dit waaroor hulle in die eerste plek hof toe wil gaan.

Een uit ses mans sal prostaatkanker kry, en die kanker by mans is net so algemeen soos borskanker by vroue. Vandeesmaand is prostaatkanker-bewusmakingsmaand. 'n Direkteur van die Prostaatkankerstigting en afgetrede onkoloog, dr. Georges de Meulenare, sê mans moet liefs vroeër as later by die dokter 'n ondersoek ondergaan.

Nog 'n video wat wys hoe 'n tweede Amerikaanse joernalis deur die Islamitiese staat onthoof word, doen die rondte. Terwyl huldeblyke instroom vir Steven Sotloff het die Amerikaanse owerheid bevestig dat die video eg is. Die vraag is nou: Wat kan Amerika doen om sy burgers teen IS te beskerm, en diegene wat reeds gyselaars is, te red?

Verskeie rolspelers in Suid-Afrika meen die Departement van Omgewingsake doen nie alles in sy vermoeë om renosterstropery hok te slaan nie. Die owerhede word ook vasgevang in politieke rompslomp, en daar is te veel geheimhouding oor presies wat aan die gang is rakende die stryd teen renosterstropery. 'n Plaaslike prokureur wat ook geregistreer is om in die VSA tw werk, Christopher Bean, het 'n kla...

Sewehonderdsesendertig renosters is tot op hede in Suid-Afrika gestroop vir hulle horings. Die DA sê hy stem saam dat die regering nie behoorlike verantwoordelikheid hiervoor neem nie. Die VF+ sê hy verwag ook dat die regering meer doelgerig moet optree om stropery stop te sit. Die leier van die party, dr. Pieter Mulder, sê hy stem saam dat Suid-Afrika met hakkejag-operasies in Mosambiek en ander...

'n Raadslid van die SANPARKE-raad, dr. Gert Dry, sê hulle het verneem van die klagte wat teen die departement en SANPARKE gelê is by die Openbare Beskermer. Hy sê hulle sal self al die klagtes ondersoek en dan terugvoer gee. Hy het egter gesê dat baie mense die oplossing tot renosterstropery oorvereenvoudig, terwyl dit in die praktyk heeltemal anders werk. Hy het weer gesê dat daar geen versteekte...

'n Vriend, 'n briljante musikant, 'n dierbare mens en 'n storieverteller en 'n man van vele talente. So word Ollie Viljoen beskryf deur ander kunstenaars en mense wat naby aan hom geleef het. Hy is gisteroggend in die ouderdom van 75 jaar oorlede.

Die drankvervaardiger Distell, deur middel van die Amarula Trust, het pas begin met 'n nuwe navorsingsprojek oor maniere hoe die mense en olifante saam kan voortbestaan. Die navorsing oor die Afrika-olifant sal in samewerking met die Universiteit van KwaZulu-Natal in Botswana gedoen word. Die bemarkingsbestuurder van die BLNS lande vir Distell, Hardi Basson, sê verskeie olifante sal halsbande met...

Die DA se skaduminister van omgewingsake, Terri Stander, sê sy ruik 'n rot wat die bekamping van renosterstropery betref. Stander sê sekere prosesse, wat sal help met die bekamping van renosterstropery, word eenvoudig nie geïmplementeer nie. Die DA het die Openbare Beskermer genader om ondersoek in te stel.

Die DA se skaduminister van omgewingsake, Terri Stander, sê sy ruik 'n rot wat die bekamping van renosterstropery betref. Sy sê sekere prosesse, wat sal help met die bekamping van stropery, word eenvoudig nie geïmplementeer nie en daarom is die Obenbare Beskermer deur die DA genader om ondersoek in te stel.