Monitor

Hoofregter Mogoeng Mogoeng word oor die vingers getik weens sy politieke standpunte; die felheid van 'n onlangse vlaag plaasaanvalle skok en ontstel en die twis tussen die taxibedryf en die minister van Vervoer bereik 'n nuwe hoogtepunt.

** Agri SA doen 'n beroep op die regering om dieseltekorte dringend te ondersoek.... ** Die vinnige verspreiding van die Covid 19-virus in die Oos-Kaap plaas die provinsie se gesondheidswerkers onder baie druk..

** Dit blyk dat verskeie sportsoorte dalk te vroeg terugkeer het na die sportveld... ** Leon van Nierop het op 'n spannende aksiereeks afgekom. ** En Willem Botha praat oor die woordeglimlag, suurknol en sheriff.

Die minister van Finansies, Tito Mboweni, gebruik beeldspraak in sy beskrywing van die Suid-Afrikaanse ekonomie.

Die minister van Finansies, Tito Mboweni, gebruik 'n Bybelse idioom in sy noodbegrotingsrede en sê Suid-Afrika kies die smal weg na saligheid, en Suid-Afrika se termyn op die Verenigde Nasies se Veiligheidsraad het verstryk te midde van wedywering tussen Djiboeti en Kenia vir een van die twee Afrika-setels.

Die minister van finansies lewer vandag sy belangrike aanvullende begrotingsrede in reaksie op Covid-19. Ons kyk na wat hy moontlik vanmiddag kan aankondig; Suid-Afrika begin vandag met kliniese proewe vir 'n Covid-19 entstof; n Bejaarde boer van die Vrystaat veg terug teen vyf aanvaller; en 'n Covid veldhospitaal met meer as drie duisend beddens word in Port Elizabeth geopen

Die minister van finansies lewer vandag sy belangrike aanvullende begrotingsrede in reaksie op Covid-19 - ons praat met twee ontleders oor wat ons vanmiddag kan verwag; Ons hoor ook wat die landbousektor van die toespraak verwag; en Wêreldwyd gons argeologie-kringe oor die vonds van een van die grootste prehistoriese strukture wat tot nou toe in Brittanje ontdek is....

Die Minister van Vervoer, Fikile Mbalula, sê die tyd is nou ryp om die minibus-taxi-bedryf te formaliseer, en China brei sy vloot uit.

Rommelherwinnaars trek aan die kortste end - nie net oor Covid 19 nie, maar ook oor die lae olieprys, en die debat oor Leon Schuster se rolprente kring uit.

Australie loop tans behoorlik deur onder kuberkrakers - wie is verantwoordelik hiervoor?; Ons kyk na die politieke dimensies van kuberkrakery - die soort aanvalle skep geweldige spanning tussen lande; en later berig ons oor die toerismebedryf in die Gamtoosvallei wat erg deur COVID-19 geraak word

Duisende pendelaars kan vanoggend gestrand wees weens 'n taxi-staking in Gauteng; Tattooer kunstenaars moes tydens die inperking hulle ateljees se deure sluit - ons praat met die sektor oor die swaar tye wat voorle; en die voormalige president FW de Klerk, het hom onttrek aan 'n gesprek oor ras en minderheidsregte by die Amerikaanse advokaatvereniging se jaarvergadering weens druk vanaf aktiviste...

President Cyril Ramaphosa plaas die fokus op werkskepping in sy eerste virtuele vraag-en-antwoordsessie in die parlement; en Postbank, 'n filiaal van die Poskantoor, moes twaalf miljoen bankkaarte teen 'n koste van een miljard rand vervang nadat die hoof sleutelkode glo gesteel is.

Die land treur oor die dood van minstens 21 vroue in geslagsgebaseerde geweld...maar statistiek toon dat MANS 'n veel groter kans staan om vermoor te word; en daar is groot opgewondenheid oor die sardientjieloop aan die Suidkus.

Sewe verdagtes verskyn vandag in die hof in verband met die plundering van die VBS Bank; President Cyril Ramaphosa het die nuus verwelkom van 'n middel wat die dodetal van Covid-19-pasiënte met 'n derde kan verminder; Die Hooggeregshof in Pretoria het gister regsargumente aangehoor van die Vryheidsfront Plus en die regering oor die Rampbestuurswet - ons kry reaksie op die saak

Dit is die Wêrelddag vir Volhoubare Gastronomie - ons kyk na hoe mense hulle dieetvoorkeure herevalueer om meer gesond te leef; en klimaatvriendelike-landboupraktyke wat nie net voedselproduksiestelsels kan herstel nie, maar ook genesing vir Suid-Afrika kan bring, word bekendgestel; Ons praat ook met 'n regskenner oor die inhegtenisnemings in verband met die plundering van die VBS Onderlinge Bank...

'n Kenner sê ondersoek moet ingestel word na Suid-Afrikaanse mans se geweldadige gedrag.; 'n Onderwysvakbond eis dat Angie Motshekga afgedank word.; Professor Abel Esterhuyse van die Universiteit Stellenbosch sê die onttrekking van Amerikaanse troepe uit Duitsland kom as geen verrassing nie.; en 'n Vyftigjarige man verskyn vanoggend in die Pretoriase landdroshof in verband met die moord op 'n vrou...

Kenners waarsku dat Suid-Afrika nie gereed is vir 'n werksplek waar menslike aanraking iets van die verlede is nie.; Die portefeuljekomitee oor polisie het 'n nuwe vuurwapen amnestie tydperk goedgekeur.; Akademici by WITS universiteit wil 'n klag by die Raad op Gesondheidsberoepe indien, teen 'n algemene internis, dr Jaco Laubscher, na sy uitsprake oor Covid-19.; en besonderse kunswerke van gevang...

President Cyril Ramaphosa sê die jeug moet bemagtig word om Suid-Afrika se ekonomiese herstel te lei; Ysreen word vandag vir dele van die binneland voorspel; en die regering vra vir kommentaar oor die bou van 'n kernkrag stasie.

** Volgens berigte steun die ANC nuwe voorstelle om werkers se pensioenfondse te gebruik om Eskom te help; Ons praat met twee kenners oor die moontlikheid dat die voorstelle 'n realiteit word....en wat y kan doen om jou geld te beskerm; en ons praat met internet-sterre wat gebore is ná die omstrede verbod op drank- en sigaretverkope

Inwoners en sake eienaars van Johannesburg is woedend oor die voorgestelde elektrisiteitsverhoging vir voorafbetaalde gebruikers.; Khoisan Tradisionele Geneeshere in die Noord-Kaap sê baie mense verwag hulp van hulle teen die Covid-19 pandemie.; 'n Kommersiële laboratorium het vir die eerste keer ooit, die Ribonukleïensuur van die Covid19-virus, uit riool gehaal.; en een in elke drie Suid-Afrikaan...

Huldeblyke stroom in ná die moord op die choreograaf en danser, Kirvan Fortuin.; Khoi en San leiers sê die erfenisroete sal Suid-Afrikaners die geleentheid gee om te besef dat die gemeenskappe deel is van die land se nalatenskap.; Die organisasie, Capexit sê die voordele vir die Wes-Kaap om onafhanklik te word, is groter as die nadele.; en die bekroonde skrywer Elsa Joubert is in Kaapstad oorlede.

Die hoofstad Pretoria bly onder administrasie hangende NOG 'n regsgeding - ons kyk ontledend na die hofgeding en wat dit vir jou as inwoners beteken; Ouetehuise in die Wes-Kaapse kry 'n reuse finansiele inspuiting om COVID-19 te help bestuur; Kuberkrakers teiken verskeie Suid-Afrikaanse maatskappye - 'n kenner gee raad oor wat jy moet doen om jou persoonlike inligting veilig te hou; Die Konstitusi...

Die Kieswet is as ongrondwetlik verklaar - die groot vraag is - wat gebeur nou?; Talle mense sukkel om versekerings-eise in te dien tydens die inperking; en 'n kenner gee raad oor wat mense kan doen in so geval waar jou versekerings-eise verwerp word....

'n 23-jarige Suid-Afrikaanse vrou is terug in die land, 'n jaar nadat sy in Oman in hegtenis geneem is.; 'n Suid-Afrikaner Belinda Davids bekoor die Britte met haar talent.; Inwoners sê daar is 'n toename in bendeverwante geweld in Bonteheuwel in Kaapstad.; en SA Childcare het 'n ope brief aan die minister van Maatskaplike Ontwikkeling gerig, waarin hulle eis dat losstaande kleuterskole, ook die s...

Die Rand Aksep Bank sê sakevertroue het in die tweede kwartaal gedaal.; Die Kaapstad Internasionale lughawe sê hy is gereed vir sakereise om te hervat.; Tien jaar gelede was die eerste FIFA sokker wêreldbekertoernooi op die Afrika-vasteland in Suid-Afrika gehou.; ER24 vra Suid-Afrikaners om warm te bly te midde van die kouefront, om hipotermie te verhoed.; Die Tshwane Universiteit van Tegnologie v...