chasch no?

komplett neb de spur gits hüt mol wieder eini vo de guete art vo folge: komplett durenand und ohni konzept. obwohls eigentlich good news git, die mer verrote tünd. klassischs life update wie immer, gefolgt von sehr random gspröchstheme, enjoy!

ganz ungwohnt, dass mer sich nach zwei wuche schowieder zum podcaste trifft - da euses lebe so langwilig isch (offebar eig nöd) fallt euses life update chli kürzer us. umso meh spiele mer hüt "entweder-oder" - mengisch simmer eus relativ schnell einig, aber glich nid immer.

lang isch es her (ungefähr 2 wuche), wo mir eus zletzt gseh und ghört hend. es isch viel passiert, spannends und weniger spannends, deswege gits es life-update im märz und hoffentlich ab sofort wieder regelmässigi folge, chasch no?

nach über eim monet sendepause und über 2 mönet updates, sind mir wir zrugg um euch s 2025 zversüesse. so viel zit isch vergange und genau so viel hend mir ide letzte zit erlebt, deswege starte mer erst mol miteme life update is neue jahr. was natürlich au ned fehle döf sind eusi vorsätz für die nächste monet.

was gits schöners, als das jahr (vorussichtlich) mit de 40. folg abzschlüsse. wir schwärme vo wiehnachte, glüewhi und traditione, wo mer eigentlich no ganz schön finde - au gschenkli und eusi vordefinierte wunschliste döfe ned fehle. cheers, merry xmas und en guete rutsch!

wenn ihr die folg loset, isch de nici quasi scho 30i - denn ab 25 chamer ja scho ufrunde. :P nach eusem life update, wo meh oder weniger spannend isch, gits eusi stories fürs neue lebensjahr, de simon het ja au scho bald geburstag.

de nici isch im reisefieber: für ihn gahts bald für fasch 7 wuche nach asie mit erstem stop in hong kong - was heisst das für euse podcast und wie bereitet er sich für so e reis vor? nach eusem life update rede mer ide hütige folg über alles, was mir zum reise bruche. (oder ebe nüm)

lang isches her wo mer eus random froge gstellt hend, jetzt isches wieder so wit. i wellem film mir gerne würde lebe oder welles gebäude mir gern erkünde würdet, erfahrsch alles hüt i euse semi-improvisierte folg. (mir hete sie fasch gskipped :( aber hends denn doch no anebrocht). tessin war toll und teuer, wenn mer sis handy im pool-gartehuus schrottet.

wer scho länger mitlost weiss, dass mir letzt jahr scho es tessin-wucheend mit den boys hinter eus brocht hend - das jahr hend mir nomol e schippe drufgleit und 72h im whirlpool verbrocht. mir hend scho viel vo ihne verzellt, aber erstmols chöme sie alli zu eus als gast in podcast, alli in einere folg: eusi friendssss

de sommer neigt sich dem ende zu und spooky season isch um die ecke. nebe eusne erlebnis und feriegschichte us de letzte wuche rede mer über 5 sache, die mer das johr no mache möchte: vo ukulele spiele bis zu vietnamesisch lerne, mir hend do no einiges vor für das jahr.

brat brat brat brat - brat and its the same but mir hend immer wieder neui stories für euch so it's not. mir sind zwar chli late to the party und mer chönt die lieder selber nüm lose, trotzdem hemmer ide letzte wuche doch no so richtig gas geh - und das möchte mer eus natürlich nid vorenthalte (und mir hend eifach das cover mol wele bruche)

mir sind fit, munter & erholt vo eusne festival-gschichte – und jetzt fasch echli imene summerloch. deswege gömmer i dere folg euse ✨ guilty pleasures ✨ noche. vo übermässigem sweet chili sauce und sriracha konsum über „zwischen tüll und tränen“ & trash-tv-programm bis zur badzimmer-routine – mir packe us.

das ischer gsi: de güsche 2024 und er het eus absolut zerrisse. 1 wuche nach dem spektakel ufem berner huusberg berichte mer eu vo dene 4 täg party, wo mer immerno ide knoche gspüre. und am 1. tag hemmer scho euses motto gha: e flättere isch für das wucheend kei gwalt, viellicht eifach mol nötig. berguf & bergab isches nämlich nid nume zfuess, sondern au mit eusne emotione.

d'prüefige vom simon sind dure (und zum teil au scho bestande), de nici im scho am st. galle openair gsi: jetzt chan de summer so richtig starte - denn: mir sind nie meh so jung wie jetzt. do gönnt mer sich mol es konzert meh, blibt e nacht länger unterwegs und döf au mol en fehler mache, oder? mir verzelle vo de erste woche vom summer 2024 und was eus no erwarte wird!

mir sind ade züri pride 2024 gsi und spilled wortwörtlich the tea - de nici isch am chränkle und unterhaltet eu mit sinere nasale stimm - deswege gits zum tea en ingwer-tee (mer chönt meine es isch winter). wie war die pride? eigentlich ganz gut - obwohl nüm alli hend chöne.

mir ghöre (wenn mer eus es bizeli uf instagram verfolgt) wohl ehner zu dene lüt, wo sich nid uf ein lifestyle chönt einige und au vieles us eusem lebe teilet - wie au do im podcast. doch au bi eus gaht mengisch de glow verlore und das isch unter anderem s'hütige thema.

hüt gits endlich mol es bold statement (wells ja niemer vorher gwüsst het). mir stosse mit regeboge-ipa-bier uf de pride month juni ah und verzelle euch es bizli us eusere vergangeheit und wie mer so wurde sind, wie mer jetzt sind (leider).

mir fiire geburtstag! euse podcast wird 1 jahr alt - eusi längsti relationship wo mer bisher gha hend. nachdem mir denn endlich d fläsche ufbecho hend, hend mir gnueg grund zum astosse: über 1000 minute quality content, über 25 folge und über 2500 streams, chasch no? das nehme mir zum ahlass, euchi froge zbeantworte!

euse summer isch scho verplant, dine au? und öb er genau so legendär wird wie letztjahr? mir hend wieder einigi festivals ufem plan und freue eus uf paar täg mit eusne friends. usserdem hemmer no en chline tipp, wie ihr möglicherwis doch no a euches usverkaufte festival chömet (sogar günstiger, chasch no?). es chan nume en hot boy summer 2024 werde, oder?

es isch so viel passiert sit dem mir sletzte mal ufgno hend, de nici isch in japan gsi und de simon het mit sim mami apres ski gmacht, bevor er denn no is warme spanie gange isch. mir bringe euch uf de neusti stand vo eusere work-life-balance und berichte vo eusne learnings, wo mer jedes mal ufs neue ziehnd.

en grund zum astosse: ich han en neue job! aber: wer jetzt genau? das ghörsch ide neuste folg vo «chasch no?». mir rede über jobwechsel, branchewechsel und wies sich afühlt, wenn mer künde muss bzw. wet. schaumermal, wo die reise hin geht und wies isch und wie schnell dass es cha go, dass mer bald sis team wechslet.

immer die dating-apps... tinder, bumble, grindr oder doch lieber offline kennelerne? hüt dreiht sich alles ums on- und offline dating. was eus meh zueseit, was mir bisher für datingerfahrige gmacht hend, was eus de absoluti ick uf datingplattforme git und wer sich als thermomix identifiert ghörsch du i de 23. folg vo "chasch no?".

das isch erste mol, dass mir öpper us eusem circle hinter d'podcast-kulisse vo chasch no? lönd. disclaimer: mir beleidige eus zwüschedure – das isch eusi love language. und i dere rundi gits nume eis thema, das richtig wär. mer liebe sie alli, en grössere hass gits glich ned und trotzdem chömer ihne ame nid widerstoh: ihr wüsse bscheid, es gaht um die liebe REDFLAGS, chasch no? (und mir schwei...

was für euch e pause vo 2 wuche gsi isch, sind bi eus ganzi 5 wuche gsi – chasch no? was bim nici und simon passiert isch, ghöreder ide hütige folg. mer chönt meine, jetzt gits denn gli e bibel-stund. ups & downs, gsangsilage und kalte tea – i dere folg isch echt alles debi.

Als würde mir nid scho gnueg rede, setze mir i eusere 20. Folg nomol eine obe druf. Mir kenned eus – ihr kenned eus mittlerwile au scho aber es git immer wieder neus zlerne. Deswege spiele mir «5 schnelle Fragen» usem Podcast Gemischtes Hack ! (Es werde vermuetlich meh als 5 Froge und schnell antworte tümmer so oder so nid. Was hesch du eus scho immer wele Fröge?