chasch no?

Mir gönd für en kurze Abstecher "back to the roots", denn: es isch höchsti zit to stu*die*. De Simon isch im Vorprüefigsstress und das isch doch en Grund zum Astosse. Mir manifestiere, dass im Nici sis Diplom bald im Briefkaste isch, de Simon sini Prüefige stoht und im Nici sis diheime isch doch Grund gnueg, um en edle Tropfe z'öffne.

Wie wohl euses 2024 (oder eifach de nöchsti Tag) in Bezug uf Liebi, Geld und Stimmig wird usgseh? Mir wäre kei Social Media Manager, wenn wir eus nid vo unzählige Tarot TikToks beiflusse loh würde. Deswege überlönd mir euses Glück nid im Schicksal und mache es Online Tarot reading. Wie gseht dini Zuekunft us?

Es isch 2024 und mir hend eus "new year, new us" seeeeehr z'Herze gno. Happy New Year und herzlich Willkomme bi «chasch no?» – din Mentig Morge Podcast, garantiert motivierend. Was änderet sich, was bliibt und was hend mir eus debi denkt? Natürlich stosse mir zäme ufs neue Jahr ah und verzelled euch, was eusi Plän für die nächste Mönet sind. Und du so?

Es war einmal vor langer Zeit – ungefähr vor 2 oder 3 Mönet – det het de Nici anere Datingshow mitgmacht: SRF Deep Dating (druf klicke wenns nid kennsch). Und i de letzte Folge hemmer immer chli um de heiss Brei gredet, wer denn im Nici sind gwüsse "Usglich" isch... Spoiler Alert: de Simi isches effektiv nid. De Nici verzellt eus vo sinere Experience us de Dating-Show und lüftet endlich...

Spooky Season isch dure, mir sind dure & deswege wechsle mer vom PSL zum Glüewhi. 🍷 Us em aktuelle Ahlass rede mir über Geburtstäg (de Nici isch alt wurde:P) und Gschenkidee für die kommendi Wiehnachtszit (und em Geburtstag vom Simi – ned vergesse). Wie mir eusi Geburtstäg gfiiret hend & wieso d'wänd im stägehus schwarzi flecke denoch gha hend, erfahrsch i dere 5. Folg, wo mir eifach...

Das hets so bisher no nie geh: «And I Blame You X Are you ready to studie?». I dere Crossover-Episode dreiht sich alles um s'Thema Karriere – was mir als Kind hend wele werde, öb mir das hüt no würde welle und wie wichtig eus eusi Karriere isch, erfahrsch du i eusere neuste Folg. Da mir z'vierte gsi sind, het ned emal e Flasche Vino glanget, chasch no? Folg eus unbedingt uf Instagram, um n...

Was isch au do los? De Nici schafft bis am 8i am Obig und de Simon verplant sini Wucheend zum lerne. I dere Folg thematisiere mir die trendigi Work-Life-Balance , was mir devo halte und wie mer sie versueche für eus umzsetze – irgendwie zumindest. Hüt gits mol wieder e gueti Delikatesse usem Öpfelkanton dezue, danke TGT!

Mir chönd beidi nüm: De eint wegem Studium, de ander wegem Usgang vom letzte Abig. Sit 3 Wuche isch de Simon am studiere um berichtet vo sine Erfahrige – und das überraschend reflektiert (mir hend zersch denkt es git en richtige STUDIUM-RAGE). Zum Abschluss gits no en chline #schwänze Input us eusem Lebe <3<3. A dem warme Herbsttag kombiniere mir die Episode miteme ganz geile Rosé, cheers!

„Keeping up with the bathtub boys“ – bald verfüegbar uf RTL+ und Netflix! Wie geil wärs? Mir verzelle vo eusem Weekend im Tessin, eusem Summer UND realisiere ganz spontan, dass das SCHO EUSI 10. FOLG ISCH, CHASCH NO? En Grund zum Fiire 🥳 – sege mir – und stosse deswege mit Spicy Ginger Juice ah (Zitat Simon)

Was machsch du am Wucheend, bevor du afangsch studiere? Genau! Du gahsch mit dine Friends is Tessin. Genau das hemmer gmacht und drüber diskutiert, welli Gedanke sich de Simon kurz vorem Start vom Studium gmacht het – er isch würkli ready to studie. Um das ganze besser z'verarbeite gits nebebi en Vino Rosso us Südafrika. Cheers!

What Time Is It? Summertime! 🌞 Wer möcht ide Semesterferie scho vom Studium ghöre – mir ämel nid. Deswege nehme mir eu mit dur euse Summer: vom Güsche bis in Europapark über de neui Barbie Film und denn no ad Streetparade. Wie verbringsch du din Summer? 💃🏼 Mir gnüsse die 6. Folg miteme super Rotwii, du au?

Über 500 Minute hend ihr eus scho müsse zuelose und das in mittlerwile 16 Folge: Mir nehmed euch mit uf den Rückblick dur die letzte 12 Mönet – vorallem de Teil, vo dem ihr no gar nüt ghört hend (vor de Geburtsstund vom Podcast hehe). Usserdem gits no en chline Preview, was eus no ide letzte 2 Wuche vom 2023 erwarte wird. Denn: Das isch au scho eusi letzti Folg – zumindest i dem Johr. Lehned euch...

Die Meiste vo eus werde sie wohl kenne oder zumindest schomol erfahre ha, d "Fear Of Missing Out" – aka FOMO. Mir schwänze es 3. Mol und rede über eusi Erfahrige, was mir gege eusi FOMO mache, was d Konsequenze sind und wie au mir vilicht mol zunere JOMO chöme. Eus Begleitet en Rosé Prosecco, wo mer doch au immer wieder mol gha hend, bisher aber nie in e Folg gschafft het.

Mir macheds nid zum erste Mol: I dere Folg tümmer wieder «schwänze» und füehre somit offiziell euses neue Format ih – mengisch muss mer d Schule au eifach mol usseloh. Es git wieder paar spannendi Stories usem Alltag vom Nici & Simon sowie paar Memes zum Abschluss. Dezue gits en Ferie-Vino vom Simon, chönts besser si?

Wies wohl isch, nacheme zitli wieder 100% afange schaffe? De Nici brichtet us sim neue Umfeld und denn stelle mer fest, dass 100% nid gleich 100% isch. Begleitet wird das ganze vomene guete Vino usem Thurgau, bisch debi?

Mac oder Windows? Sangria oder normale Vino? Das sind die wichtige Froge, wo mir eus ide hütige Folg gstellt hend. S Grösste No-Go hingege, sind Apps abezlade, wo koste – aber glich het sich bi einere d Investition glohnt. Dasmol – im Wetter entsprechend – begleitet vomene küehle Sangria.

Er, sie, es? Anyway, AI isch eusi Rettig in der Not – zum Bispiel bim Ferie bueche & niemols bi Arbeite im Studium. Aber 1 Frog chan eus ChatGPT ned beantworte… aber welli isch das? Wie gwohnt, begleitet vomene guete Vino bianco.

Jetzt werde mer ide 2. Folg scho sentimental – s'Endi chunt nämli immer nöcher & glichzitig isch de Start so nöch wie nie. Mir teile mit euch eusi Gedanke zu de letzte Prüefige vom Nici, sin Start in neue Job und die letzte Mönet vom Simon, wo bald au mol endlich Student isch. Wie gwohnt, begleitet vomene guete italienische Vino.

Vo 2.95 Fr. Vino bis Präsentatione vomene 5. Klässler, i de Folg 1 isch alles debi. Mir stelle eus, euse Podcast und d'Idee dehinter vor und rede drüber, wie mir überhaupt zum Studium cho sind und wie mer eusi Wahl troffe hend – und das alles begleitet vomene guete Vino.