WATATA

Nathalie trekket allens oet. Oet de kaste, ja. Van boekdansen töt Bulgaars Bulken. En Maria magalleenna et eerste uur, want dat is Nathalies favorieten kluur. Een mooi gesprek, woer a'w hoaste gin eande an kregen! En ne mooie geleagenheid vuur öar um wier es wat Twents te kuieren. Mos eaven op gank kommen, mer doarnoa neet te stoppen! Noa Nathalie Baartman hove wiej et hele zommer neet wier. Snap...

Joop Voortman is gek van Riessen. Dat zint der wal mear, mer Joop is der dan zo ene den as zik der in vaste bit. En doar dan wier mooie verhalen van kan vertellen. Dat dut hee onder mear bie de stadsveuringen dee as hee alle joaren met de mooie dage duur Riessen gef. Iej heurt van allerhande mooie dinge dee a’j nog neet wussen van Riessen. Gewoon lustern. Dat mu’j toch.

Dee windmöllen, mu'w et doar nog oaver hebben? Do as Jan van 'n Beunk der achterhen köm kieken nog wal. Wiej heurden es wat oet den anderen hook van onze gemeente: 'n Diekerhook. En oet Splo en 'n Beusenbarg. Der zint nog nen helen hoop wonsteas in onze gemeente woer'j nog nit van weett. Look ook. En Wiej ontdekket wat Jan zinnen favorieten kluur is! Wat pul!

Vuur et nöalepöaleken dit moal gin ene, mer wal dree podgäste, of gästinnen. De meakens van Jenido mut vuur skole een bedrief opzetten. Zee bedachten een spel '29 second'n', woerin as leu Riessense wöördjes mut beskrieven en anderen et mut roaden. De meakens van Jenido köant zelf gin Riessens. Dat ligt neet an öar. Dat ligt an öare olden. Dee hebt zo mer beslötten dat zee gin Riessens hoven. Terwi...

Wiej meanen dat wiej kuieren konnen. Mer dan ken iej Henke Altena nog neet. Hee köm um ziene 150 Riessense 'vueglnaams' [sic] te besprekken. Mer Henke - neet Henk, want dat kan zinne Spaanse muze neet oetsprekken dus hef hee zinnen name loaten veranderen - weet onnoavolgboar al ziene gestichtings an de man te brengen. Onder et genot van zien Reggeblauwtje (Alloh, Spekhorst) leart wiej oaver zienen...

Jootjen Agteresch (jaahaa, dochter van) is van alles: blokfluitster, tapdanseres, kampioene op de honderd meter snelpunniken, hangmatkeuneginne en skapbazin, mer boavenal leevhebster van WATATA, umdat wiej - en zo zegt zee - 'zo lekker könt nöälen'. Ja dankwaldankwaldankwal. Hoge tied dat zee zelfs achter et nöälepöäleken kump zitten. En zo geschiedde. Doarmet har zee ne primeuze: zee was de eerst...

As eersten podgast vanoet et Bolwark van Watata skeuf mountainbiker, voetballer en roadslid Dieger 'Dieks' ten Berge an um nen eande vort te kwaken (dat doot dee eanden hè). 🦆 Doarumme zint dee lidwöörde zo belangriek: ne eande is heel wat anders as nen eande. Mer good, Dieks kump makkelik van de wöörde of dus dan is et mer good da'w der een nöälepöälken bie hadden stoan um dat allemoal op te van...

Kearl wat gung et der of. Gait van de Tute van Jejoos van Dannenboarg en zinnen board kömmen een uur volpreaken. En dat gung as vanzelf. Wiej lullekult en labbereert der wat of. Oaver skeldnaams (want woer kump dat tuteletute toch vandan) en oaver et museum en zewende kenners. En ook oaver onzen beer den as binnenkort te koop is. Wat ne wille! Want Gait hef nen helen hoop bie 'n ende, mer de binde...

Et mos zo wean. Nummer 13 op de lieste köm op 'n 13. meart bie ons kwaken. In 'n 31. podcast. En dan dut he ook nog bie 'n vootbal in teksjelsjor van 31. Verleden joar beklumme wiej de hitliesten met onze knaller 'Cowboy Buffelbert'. Et leaverden de familie subiet nen niejen skeldnaam op. Wetholder Buffelbert van Riessen is neet te kwoad um der in et heuvdkwarteer van WATATA oaver te kommen kuiere...

Duusker is wal zonnen knappen kearl. Dat kö'j in dissen podcast allene neet heuren. Hee hef ook zin egene politieke partieje, Duusker 66. En doar zit hee met in 'n road van Riessen. En at hee een uurken oefent, mu'j es heuren wat Plat as den man kan. Dat mu'j vaker doon! Hee dut nog oaver de windmöllen van Riessen (neet de windbulen, al he'w der doar ook wal wat van). En hee dut ook nog wal een le...

De oetstelde ofleavering met André Manuel kon dan toch eandelik duurgoan. Verleden wekke kon he neet kommen want et sniejen em te hard. #ROCKNROLL Wiej sprekt André oaver de lastige tieden vuur artiesten. En of ze in Deepn vuur et internet ne wibi-code hebt. Ook kump natuurlik Buffelbert nog an bod. Dat leidt ons dan wier tot de skeldnaams. Dee hebt ze in Deepn ook. Mer nog neet echt vuur André. D...

He-le-moal vanoet Lönneker köm pastoor Abels op Riessen an um ons wegwies te maken in de richtste weg. Wat volgen was ne preake van zowat anderhalf uur (dat kenne wiej wal in Riessen),  woerin as de hanen, doeven en kuuleier neet van de locht zint. Met innerlike verblieding gung Abels wier op Lönneker an. Missie (misskien) eslaagnd!

Wiej hadden eaven pauze, mer non kö'j allemoal wier opeluchet oademhalen want wiej zint der wier! Met alle vaste rubrieken en olderwets akelig genöäl. En as et oe nit ansteet, dan mu'j 'n volgenden mer lusteren, want et wördt verdan better! 2021 mut et joar worden van de Podgast. Van watvonnen, dat wee'w nog neet. Wiej doot allens live opnemmen rechtevoord. Mer gelukkig kö'j gewoon allens wierumme...

Wo as Buffelbert an de naam köm, de bolterkeies van Briljantje, et börstbeeld van Belcampo, de broen-grieze buxusbuskes en nog nen boarg babbels der bie. De podkearls van WATATA brengt oe met langs de belangriekste heugtepunten van het bewöagene joar 2020.

Hunde, ezels, vinken, Martin Bremsen, pearde, allens kump vuurbie gallopere. Wiej hebt toch wal zonne mooie oetzending. Doar mo'j bie wean. En dat kan. Een fein half uurken, zeg Voortjens, van gekeukel en gekakel en geköttel. Mooi verdan zo, met 'n pröttel. Wiej zitt al half in suntekloasstemmige. Of nit dan. Of wal. Joa en nee. Aju.

Jaa jongs, iej weet nit wa'j heurt! Wiej zaggen 'n wetholder zit 'n zweet blank vuur de plette beunen in zo'n dranghekke en wiej hadden zovölle wille bie Oarnd da'w geheels nit an beer drinken tokömmen en der mer ene had hebt. Bewies zee'j in de WATATA verhaalliene op fjesbook. Vanwekke zit Dieger Dieks Ten Berge der in en heel misskien Martin Rensen ook wal wier. Mer dat is eaven ofwochten. De or...

Verskeidene leu wollen wal es weten of onze zinne biedrages nog altied duurgungen. Dat goat ze en dat doot ze. Dus zett oe mer eaven fein op de donkergrieze banke met een toastje met kerriesaus, want WATATA  stig wier noar ongekende heugtes. Doar wor'j eaven stille van. Net as Willem de Zwijger. Mer doar zegge wiej wieder ook niks van. Gewoon lusteren, mu'j. Mut nit meanen da'j oaveral zomear...

Wiej deden verskes maken vuur Mark, Bestuurder in de Logistieke Sector, want onzen Matn had ne nieje jammerplanke. En Diny van Seino köm vuurbie. Mangs was et zo ondudelik dat he zea van 'Wat Seino?' Dieks Harbers meug der ook bie in. Wiej hebt et wal vief keer ezegd! Mu'j mer lusteren!

Hele normale leu. Niks met an de hande. Mangs krie'j bie ons non eenmoal nen skeldnaam. En doar loop iej dan de rest van oew leaven met. In dissen ofleavering doo'w kieken woer as dee vandan komt. Woerumme en wee en wat en wodöanig. Ook et sanhedr- ik bedole et Riessense College van B&W krig der allemoal ene. Ook as ze geheels nit oet Riessen komt Arco van de Kettene, Bert Tijhofland? Erik van...

Joahoa, wat ne stearnparade! Wiej wordt der (hoaste) stille van. En dat is nit zo handig a'j nen podcast mut maken. Want dat geet der toch vuural umme da'j wat te vertellen hebt. Mer dat hebt dee möage, dus dat skealt. Want anders zol et ook jammer van de tied wean of nit dan. Wiej doot wier oaver 'n beer (iej zollen der toch nen dreugen hals van kriegen) en wieders nog völle mear. Gewoon lusteren...

Met achttene ma'j beer drinken. Loa'w doar non net met gangs wean. Binnenkort te kriegen: van dee LUMMELs van WATATA. Dat brech de bodskop oaver!

Umda'w et gewoon mer wier es an mossen vatten of nit dan. Wat der vuurbie kump? Wat ducht oe van nen egenen WATATA-beer? De nieje mascotte WATAHAAN kukelekeukelt mangs in beeld en ook et lokale niejs is wier um oaver noar hoes te skrieven. wat pul wat pul! Zeker met den beer. Noh. Aju.

Wat nen mooien dag was et! Dus teugen Clowns Voortjensken en Dengeldieks noar et terras bie Oarnd van de Skimmels. En wat der toon gebuurden, zal oe verbazen....

Of en toe gebeurt et dat der wat te sproake kump, doar ku'j dan met mekaar nie umhen. En dat blif dan veurdan weerumme kommen. Dat hadden wiej noe vandage met Tra- euh Nijverdal. Et ontstoan leest wiej oe eem veur, verskillende ondernemmers uut Nijverdal zit der in. Gratis reklame, wie wil dat noe niet. Veur de gelegenheid doe'w ook eem Nijverdals skriem. Zo wordt et toch wè een mooi spullegie. Ma...

Ja want dat riemt zo mooi met dee B's. Voortjan har last van spiekers. Dee höw hee op 'n kop. Of in. Hee har ja en feestken ehad. Gef niks, he'w allemoal wal es. Terwiel as et nog altied corona is, worde wiej hoaste dwungen um mekander kort op de lippe te kroepen. Dat hef te maken met verleden wekke. Doar komme wiej nog eaven op terugge. En de reppels! Vergett dee reppels nit, leu! Wiejders mu'j m...