WATATA

Et is kloar, doan, terechte. WATATA skeaidt der oet te nöalen. Leu, dankensweard vuur et lachen.

"Luisteren hier ook echt mensen naar?" hohoho, Jörgemeester, zal wal neet dan! Wiej vroagt em et ei oet et gat oaver ziene flitscarrière as börgermeister. De stoatsgeheime solsetaasieproseduure kump an bod en wat hee meant at nog better kan an Riessen-Holten. . #Twents #Nedersaksisch #Rijssen #Holten #RijssenHolten #burgemeester #Riessen #Hooltn #JurgenvanHoudt #streektaal

Wat mooi, a'j leu noa nen zet wier sprekt, kö'j zeen wat der veranderd is. Riessen op 'n kop, et zwembad oaverstreumd, Bakkerij Nollen is der bie ekömmen. Een dink is et zelfde bleven: et onwieze nöalen is Erik nog neet verleerd.

Bekeanden Riessender Bert van de Knolle (noa vandage nog mear) is een drok man. Slepkearl bie de Boogie Kearls, skapbaas bie tekselsjor, jukebox-importeur, en dan ook nog mechanieker bie de Keep Them Rolling. En dan ook nog eaven tied vuur een uur nöalen bie WATATA. Wat geet et der of!

De Bolterkeikes van Riessen hebt de längste tied ook wier ehad. Zo geet dat in ne bouwstad. Der mut aait wat te knooien wean, of nit dan? Non köant de leu gauw duur Riessen hen, op al dee mooie pleatskes an 'n Mozel an, kieken noar dee mooie ströatjes. Wiej dreeit der vuur de wille nog wat bäkke bie in en ook nog wat feine slimericks, non doar mu'j et mer met doon.

Harry van de Bokse (1963) is trompetspöller op nen boot. Hee poest de hele wearld rond. Vandoar at der in de kariben aait van dee stormen zint. Wiej vroagnt em een ei oet de oren en 'n bril van et gat. Allens kump bie mekoar, want hee löp tegen de 60 en wiej hebt 'n zestigsten ofsnid van WATATA. Kö'w al met pensioen?

Op dissen heugeliken dag kroepe wiej wier achter de nöalepöalkes um LAIV verslag te doon van 'n kreunink van 'n keunink. Want wat is dat een spul. Een heel spul. Zo slim zelfs dat ze der in Riessen nog koarmse van hebt. Wat geet et der of! En bie Koarel (Charles) der op, dee krone dan hè. Mer dat snap iej wal. Iej wal ja. Wieders he'w et nog oaver AI. Dat kump van Ah, Iej weet ook alle...

De allerleste 100 Lummels goat op zoaterdag 18 meert tussen 12.00 en 14.00 uur in de verkoop. Elsenerstraat 30A Riessen. Beerkenners en preuvers Morn Nijzink en Richard Beekman van de Facebookpagina Lekker Biertje! komt de Lummels in dissen oetzeanding eaven aan de taane veuln! 

Wiej treadt et joar good of met disse verrassingscast. Seino dut der ene in en Voortjans hef nen bak en iej weett neet wa'j heurt zuk lekker nöalen a'w wier doot. Van Stadswandelingen töt Australische Achterhokers. Hoh wat geet et der wier of! 

Zo van 'n enen op 'n anderen dag was et zo inenen - bongs! - oktober. Ja en dan mu'j dat vieren. Dat mag dudelik wean. Voortjensken had de studiejoo versierd en de koelkaste polevakt. En wiej dreeit mooie värsjes. Wat wi'j dan nog mear? He? Wat wi'j dan nog mear? Een moal kläppe? Ne knippe vol centen? Nen striekerd oawer de höare, nen mooien oavend met de möage... Ach ja. Wat ne wearld.

Voortjans en Ted Enge zitt op et Tijland Guatatamala te geneten van ne walverdeende verkaaaansie, hen evoaren op de Zuipschuit. Ekof van al dee Lummelcenten. Zee holdt de leste poar moand tegen et lecht en kiekt vuuroet. De zeemeuwen zingt der onderduur.

Met nen fleske LUMMEL treuke vie noar Hengel um Bert van Losser er eene in te tappen. Prachtig mooi daw nen moal op de FM mochten, nen hele eere! Vie doot oaver 'n LUMMEL, het book van Matn Tukkerspotten, Harm oet Riessen en haalt er nog wal meer bie an. 

Lummmels, Lummels en nog es Lummels! De niejen zint der! En doar wi'w of. Dus wiej doot oe oet de deuke awoewoewoer en awoerdöanig o'j ze op köant halen. En Matn dut der nog een poar bäkke in. Aju.

In dit oolderwets fijne nöalebölleke hebbe vie een schitterende oetzending met als thema: wee mut de nieje burgemaaster van Riessen-Hooltn worden non as Arco van de Ketne d'r met oetskaait. Noh, wat ducht t'r ieleu van?

Nen Abraham oetzending, nummer vieftig! En het geet oolderwets of, de jengels vleegnt oe um de flaporen en vie hebt er een prachtig Prusisch begin an. Noh, aju!

Et mos em wier wean en ieleu mut allemoal lusteren. Sander har ne grote ankondiging. Et gung oaver homoacceptatie bievuurbeeld. Mer ook oaver de populetiek. En heurt den kearl es preaken. in strak Riessens. Mooi at 't zo kan!

Tjongejonge wat een joar joa joa. Wiej nemt de heugste punten nog eaven duur en hebt ne grote ankondiging vuur 2022. Holdt oe vaste, stekt 'n doem mer vuste in 'n mond en tullet der mer flink an, want iej maakt nog wat met met de wosselbreurs van Watata onitta! Goo daage, heanig an met 'n kebiet en töt 2022!

Jaha, want hee is meister vuur de skole. En dan mu'j wal wat te zeggen hebben, anders blif et der akelig stille. Zitt de wichter vuur nop in de banken te gapen. En dan leart ze niks. Dat zol toch zunde wean, of neet dan? Onzen Kees krig de tied wal vol. Heurt em es kuieren. Woord noa woord. Hee gung der ook es good vuur zitten. Dat kö'j neet zeen, mer wal heuren. Dus doar mu'j et met doon. 

Hendrik Jan Bökkers van de Firma Roew & Rauw was te gast bie WATATA. Iej köant em kennen as old-gitarist van Jovink & The Voederbietels, mer hee timmert noe froai hard met zien egene band an de weg. Mer a'j em sprekt, blik at hee nen helen serieuzen skoolmeister is met ne oprechte interesse in de Nedersaksische sproake. In zin geval is dat Sallands, bie ons is dat et Riessense slag van Twe...

As ode an Jan van Zaandboargen dee'w ne slimerickenoetzending met 'n baas van de slimericks, bekeand van radio en televoon: Jehan Kampman uut Healdern. Joa, ne zönne van... Hee meug eaven een seizoon woarmdreaien bie Giel Beelen, mer noe hef hee zien slimerickdiploma en mag hee bie de kearls van WATATA anskoeven. Mooi at dat zo kan. Wiej vroagt em et hemd van de sökke en hee hef oaveral wal beskee...

Van drank- töt dreai- töt waterörgel, Dick Sanderman weet der van. Woerumme toch Dick? Woerumme is dat örgelvolk zo fanatiek? Hee legt ons oet dat örgelspöllen machtig gevöarlik is (Poje, wiej hebt et der nog kold van!) Wat vuur vroagen of wiej ook op em ofveurt, Dick leut zik neet van de wieze brengen!

Wee keant em neet! Zoernalist van de Twentse Krante, chef teehater, maker van domme filmkes (zeg he zelf!) en toen deed hee ze zelf ook nog beuke skrieven. Onder mear oaver Darius Dhlomo. En toeh pensioeh, mer dan he'j tied oaver, dus dan kö'j wat maken. Behalve Twente Plat ofkraken, dat kö'j neet maken. Mer et bleef toch trekken, dat hele spul oet Twente. Dus richten hee met zien moat Joop Munste...

Kapper Joop Kalkman van 'n Hogenpad oet Riessen. Den kearl hef wat te vertellen, want hee krig allerhande volk in 'n winkel. Van gekke stärte töt biggenhoar, as der mer nen mooien pak opzit! Wiej deden van 'woewoewoedöanig' en doar gung Joop wal hen. Wat gung et der of! Dat dut et meesttieds wal bie Joop. De krone op zien woark!

Een niej begin, want et zommer is hoaste wier umme, dus dan mu'w der wier vol gas tegenan! Of naja, vol gas... op 't elektrisch. Want dat dut André ook. Iej heurt dat et nog wat onwennig is, mer wiej hebt ook wal nen helen serieuzen gast: André st- eh Scheppink van de SGP oet Riessen naad'ren vuur oonz' ogen en köm op zien onregistreerde voortuug anplearen oaver de bolterkeikes. Want wiej hadden d...

Non he'w et dan toch fein terechte, leu. Hagelnagelnieje nöalepöalkes, nen mengtoafel woer as allens tehope kump, mie ducht, noe kö'w nog völle mear nöalen in minderen tied! Dengeldieks dut oaver Tukkerspotten, Voortjenske dut nog een bölleke, wiej kriegt der potdooksemie nog handigheid in. EN! Wiej hebt nen niejen Rubriek! Iej weett nit wa'j heurt! Non, gewoon lusteren, want doar is et vuur. Ande...