WATATA

Wiej hadden der wier ene! Nen podgast! En wat vuur ene.  Een man van weinig wöörde en völle pröatjes. Gose Brinkman deed der een poar in van heb ik jou daar. Tegelieke warren wiej duur et sanhedrin van de koarkelike umstandigheden edwungen um de olde studio wier in te doeken en dat bevöl oeteindelik toch wal good. En doarmet sloa'w bladziede 350 umme.

Umdat den van Ter Denge zo neudig op 'n trad mos in et Zwarte Woold, mo'w wat in 't vuurten opnemmen. Ne reserve, de 'bankzitter'. Et genöal is der nit minder umme. Doarnöast heur iej as eerste de primeur vuur Doot Plat en Rap Wat. Binnenkort te kriegen via iTunes, Spotify en Deezer. Doar mu'j et mer met doon. Aju.

Joahoa, doar geet et genöal wier hen zea Voortjan. Nen  middag op et terras bie Oarnd gavven ons nen hoop wille (en kopzearte noa de tied), mer wier nen hoop um oaver te nöalen! Wiej wordt heanigan oaver enömmen duur de Duutsers. Klaus Wunderlich kump vuurbie en gappet de show. Smearbatje! Klaar! MOKEY AF!

Oetzendige nommer 10 alwier. En nog aait etzelfde stabiele nöalniveau. Et is nen kunst! Gelukkig krie'w der groot loon en jage wiej der nen dikken auto van. Matn van n Platn dut een nöalebölleken wat in de krante stund en Voortjans is heel wat mans. Loat lopen! Mer nit in de bokse.  

Et was aait een keukelspil. Mer do kömme wiej bie Radio 350 oaver de vlore. Dee maken ons dat eaven fein terechte. As dank meug Mister Radio 350, Henk van de Moatgeie, zelf ook anskoeven. Den wus ook nit wat em oaverköm. En met 'n korona löp oe allens in et honderd. Skearen wil nit mear, dus Henk zit mangs met et kuierpöalke vaste in 'n board. Tja. Dat he'j mangs.   Vanof non zi'w (nöast et s...

Onzen niejsten wetholder skof an. De techniek geet der kats van op 'n biester. Toch loa'w ons doarduur nit van de wieze brengen. Want Wessels (wat vonnen Wessels is dat feitelik?) dut der ons ne mooie anneke in. Temet he'j der de oren roodglöainig anstoan. En wieter weet ik ook nit wat ik hier too mut skrieven. Gewoon lusteren, pedooksemie!

Nen beeldenstorm in Riessen? Iej geleuwt oe de oren nit! Ja, dat was toen as et der zo ofgung op 'n Koerbeeld. En op 'n Horrebeeld was et nen groten kroam. Mer wat hef dat non met voetbal te maken? Iej zeet et wal wier, dit moal hale wiej Enter der ook an de oren bie. En ook Jan Zandbergen krig ne egene rubriek! Zinne slimericken doo'w eaven kundig vuurdreagen met nen passenden jengel der bie onde...

Hee, lekker an de zöndaagse soep? Mu'j nit zo met 'n leppel tusken de tandene rättelen, want anders heure wiej onszelf nit mear. En dat vinde wiej nit slim, mer dan krieg iej al dee weardevolle feiten nit met, en dat zol zunde wean. In dissen podcast heur iej wat der vandewekke allemoal wier is passeerd in Riessen, he'w ne OPSPORING VERZOCHT vuur Holtense katten en denke wiej eaven depe noa met de...

Ja, iej zölt wal denken: WATATA? Mer dan mu'j mer gewoon eaven lusteren. Wiej kuiert oaver De Vliegende Bakker den as non elandt is en oaver ne app woermet at hee wellicht wier kan Goan. Wiej dankt ook Kuups-Jan vuur et blaksems nieje kuierpöalke. Et klinkt zo heelder en zo fris. Jan is nog familie. Oeteandelik zint wiej allemoal familie, mer sommigen mear as anderen. Non zeuke wiej nog sponsoring...

WATATA wörd alle wekken een stukken better! Dus as iej et dit moal niks vindt, mu'j tokommende wekke nog es wier lusteren. In ieder geval he'j zo wier mooi een uur kapot. Vandage begint wiej met een lekker gebakjen van Plus Ter Moat. Nen bavverwatn vuur Matn en een Mergpijpje vuur Voortjans. Speulen met Radler 0.0%. Wat ne verwennerieje. Wiej doot kuieren oaver Voortjans zinne reize noar Watatanza...

Der zit van allens bie! Et is één geköäkelte! Wo hold iej et vol!

He'j al 'n ei had? Et is ja poasken. Dus doar kump een bult köäkelerieje bie kieken. Vandoar. Onzen börgemaester kump vuurbie, alsmede nen wetholder. De hele Road van Elf löt van zik heuren. Wiej kuiert van greandte, kiekt wat vuur ne doeven o'w ehad hebt en hennen met dree beentjes. Ook introducere wiej de rubrieken: WUSIWA, WEETATA en WATEWÖÖRE.

In dissen aldereersten WATATA podcast kump van allerhande nöalerieje vuurbie. Oaver stroopwafels, den stoat Kalifornië, Nedersaksische Moaten, #TigerKing én DEN PACIFISCHEN RINK VAN VEUR! A'j tied oaver hebt mu'j hier es vuur goan zitten, dan vang iej der nog es wat van op! Ook nog wal nen mooien bak.