Tveir á toppnum

Kolbrún Bergþórsdóttir guðmóðir þáttarins heiðrar Tvo á toppnum með nærveru sinni og fer yfir þáttinn sem allir eru að tala um.

Valur Gunnarsson og Birgir Olgeirsson ræða Mickey 17 eftir Bong Joon-ho í þaula. Alvöru umræður, á dýptinni. En fyrst: Á hvað eru menn að horfa á? Talið berst svo að Óskarnum, hinum víðfræga Óskarstjékka og fleiru. 

Yfirferð yfir Óskarinn 2025. Hvað kom á óvart? Hvað ekki? Er blockbusterinn í útrýmingarhættu? Mickey 17 og Captain America: New Brave World, svo fátt eitt sé nefnt. 

Endurkoman mikla eftir tveggja vikna havarí. Hjartastopp í eldhúsinu. Bandaríkjaferð. Andlát Gene Hackman og Michelle Trachtenberg. Hvað erum við að horfa á? Pólitísk áhrif Tveggja á toppnum og Óskarsspáin 2025 með óvæntu lokainnslagi. 

Úr rauðri veðurviðvörun: Tveir á toppnum standa ávallt vaktina. Kristín Ólafsdóttir fréttakona Stöðvar 2 greinir Babygirl með þeim Nicole Kidman og Harris Dickinson í frumeindir. Margt annað: Kynlíf í bíómyndum, ungir menn í kirkjunni, kynsvelt og kassalaga Z kynslóð, vinna á tímum veiru, back 2 back bíóferð í Ástralíu og miklu fleira.

Þórður Pálsson leikstjóri hryllingsmyndarinnar The Damned mætir og ræðir myndina, hvernig hugmyndin kviknaði, leikaravalið, tökurnar á Vestfjörðum og margt fleira tengt kvikmyndum, kvikmyndagerð og leikstjórn, svo fátt eitt sé nefnt. Umræða án spilla. 

David Lynch lést í liðinni viku. Hvíl í friði. Gerum upp ferilinn. Fyrst aðeins um Óskarstilnefningar 2025. Svo er það Lynch, Lynch og aftur David Lynch. Sérstakir gestir: Theodóra Björk Guðjónsdóttir og Magnús Jochum Pálsson. 

Suður-kóreska undrið er mætt aftur á Netflix eftir þriggja ára bið. Ræðum allar kenningarnar, hvernig okkur fannst fyrri hluti seríunnar vs. seinni. Margt fleira. Sérstakur gestur: Vésteinn Örn Pétursson, sérfræðingur í málefnum Suður-Kóreu og fréttamaður á Stöð 2, Vísi og Bylgjunni. 

Aðeins um Golden Globe og bruna í Hollywood. Nosferatu eftir Robert Eggers. Endurkoma vampírunnar? Hvers vegna eru vampírur svona sexí? Sérstakur gestur: Bríet Blær Jóhannsdóttir.

Jakob Bjarnar Grétarsson blaðamaður mætir og ræðir skoðanir sínar á Skaupinu 2024 á sinn eigin hispurslausa hátt. Alvöru umræður. 

Aldís Amah Hamilton fer með risahlutverk í jólamynd Hallmark sem gerist á Íslandi, The Christmas Quest. Hún er sérstakur gestur í jólaþætti Tveggja á toppnum 2024. Ræðir myndina (án spilla!), jólahefðirnar, næstu hlutverk og miklu miklu fleira. Gleðileg jól! <3 

Arcane sería 1 og 2 ræddar. Vestrar. Yellowstone. Stiklan úr 28 Months Later. Sjónvarpsefni. Verðbólga í stjörnugjöfum. Margt fleira.  Sérstakur gestur: Arnar Tómas Valgeirsson.  

Hannes Þór Halldórsson leikstjóri sem er með puttana í vinsælustu þáttum landsins þessa dagana mætir og ræðir Iceguys ævintýrið, Bannað að hlæja, hvernig kvikmyndabakterían kviknaði hjá honum og miklu fleira. 

Síðasti þáttur fyrir Alþingiskosningar 2024. Þakkargjörðarbíómyndir. John Candy ofl. The Penguin.

Það eru 24 ár liðin síðan Russell Crowe og Ridley Scott sópuðu til sín verðlaunum fyrir Gladiator og nú er framhald loksins komið í hús. Stórbrotið meistaraverk eða telenovela? Sérstakur gestur: Vésteinn Örn Pétursson fréttamaður Stöðvar 2, Vísis og Bylgjunnar. 

Flogið heitum vængjum yfir ríða, drepa, giftast, sköpunarsögu Tveggja á toppnum, Vikuna með Gísla Marteini, Penguin, Yellowstone og allt þar á milli. 

Oddur tekinn af lífi. Myndin um fyrrverandi og næsta forseta Bandaríkjanna. Sérstakur gestur: Jón Þór Stefánsson, blaðamaður, Adam Sandler sérfræðingur og (ekki) stjórnmálafræðingur. 

Heimskunnur morðingi mætti í settið.

Umdeildasta mynd ársins með Demi Moore og Dennis Qaid. Sú sem fékk kvikmyndahúsagesti til að æla og falla í yfirlið.

Egill Helgason og Theodóra Björk Guðjónsdóttir ræða nýjustu þættina úr heimi Miðgarðs. Reiðin á internetinu, orkar, álfar og gaslýsing Saurons meðal þess sem rætt er um. 

Elísabet Inga Sigurðardóttir fréttakona á Stöð 2 og Jóhann Leplat Ágústsson stjórnandi Kvikmyndaáhugamanna á Facebook ræða umdeildustu mynd ársins. Elísabet gekk út í hléi og er ekki parsátt. Jóhann Leplat er öllu rólegri og gefur myndinni 7,5 af 10 mögulegum.

Erlendar stórstjörnur falla í hrönnum þessa dagana. Maggie Smith, Kris Kristofferson og fleiri. Líka endurkoma Law and Order. Fyrstu viðbrögð við Joker 2 (án spilla), Will & Harper, Hringadróttinssaga og allskonar annað. Nóg framundan.

Dóra Júlía fjölmiðlakona og plötusnúður mætir og greinir nýju Netflix seríuna um Menendez bræður sem myrtu foreldra sína. Ræðum helstu kenningarnar í málinu, ótrúlega sögu fjölskyldunnar og hverju við trúum og trúum ekki. Líka gagnrýni bræðranna sem eru ekki par sáttir við höfund þáttanna Ryan Murphy, sem svarar þeim fullum hálsi.

Emmy verðlaunin 2024 rædd í þaula og meira til. Tveir á toppnum með á nótunum og flestir verðlaunahafar komið við sögu í þættinum áður. Sigurvegarar líkt og Shogun, Baby Reindeer og The Bear (Gömlu þættirnir okkar eru tímalausir!!1!1!) Förum yfir ýmislegt annað líka, hjólreiðar og plömmer sem dæmi.

Einn virtasti leikari samtímans James Earl Jones féll frá í vikunni 93 ára að aldri. Förum yfir feril hans, allt frá Svarthöfða til Múfasa, hans bestu hlutverk en líka hans verstu og spilum vel valdar klippur af þessu tilefni.