Truthbomber Podcastið

Slakaðu þér í sófann, opnaðu einn kaldan og gargaðu á sjónvarpið þitt í móðursýkiskasti á meðan einhverjir guttar leika sér með bolta. Í þetta sinn eru Truthbomber komnir í dauðafæri og þruma sannleiknum í netið.

Truthbomber allra landsmanna snýr aftur í tæka tíð fyrir sumarið. Úrillir pizzasendlar, erótísk glíma, kattaofnæmi og Bob Dylan ber meðal annars á góma Bombersins í drekkhlöðnum endurkomuþætti.

Menn eru menningarlegir í þetta skiptið. Varpaðu af þér flíspeysunni, smelltu á þig alpahúfu og sötraðu á lífinu, leiknum og listinni með Truthbomber. Viljum biðja Svíþjóð fyrirfram afsökunar.

Þetta árið verða bollurnar fylltar með landsbyggðarstemningu, eitraðri karlmennsku og eldfjallaerótík. Þessu sporðrennir Truthbomber og skolar niður með Lewis Hamilton djús.

Truthbomber byrjar ekki nýja árið í grunnu lauginni, heldur stingur sér á bólakaf m.a. í valdníðslu, samsæri, kynþáttafordóma og kulnun. Hér er hnífbeittur sannleikurinn mundaður eins og sverð í höndum fyllibyttu. Landsbyggðina viljum við fyrirfram biðja afsökunar.

Lítið pláss fyrir skammdegisþunglyndi þegar taka þarf á stóru málunum ef maður er kommúnisti eins og Brynjar Níelsson. Þriðja heimsstyrjöldin, World of Warcraft, meltingarkerfið, Súgandafjörður og öll landsbyggðin eru meðal þess sem er það krufið að atómin hringja í hjálparsíma bláa krossins. Skjalfest og sannreynd jólakjarnorkusprengja sem mun skilja eftir sig geislavirkt rykfall sem mun gera bör...

Stóru málin tekin fyrir. Innri heimur stjórnmálamanna, ofbeldi meðal unga fólksins og fleira í þeim dúr.