Todos os podcast | En xogo motor

Patty Castro segue descubríndonos a Galicia metaleira. Hoxe, con Desvirgheitors, banda de punk nada en Vigo en 1986 e cos composteláns Cabodano, que este ano editaron o seu segundo disco, 'É mellor matarse'. 

Sábado festivo sen competición que aproveitamos no tempo de motor do Galicia en Xogo para facer balance da temporada. Rodrigo Pérez entrevista aos pilotos Luis Penido e José Murado. Os rallies regresan o próximo sábado 19 de outubro, coa celebración en Lugo dunha proba clásica no calendario galego, o San Froilán.

Mañá ás cinco arranca en Pontevedra a cuarta edición do Ceiba Rimas, freestyle improvisado en galego. Connosco no estudio os dous gañadores do ano pasado: BIG MEU (Martín Represa) e MOG (Mauro Castaño) que rapean en directo.

Afonso Becerra comenta "Bipedestrución" , de Disiden. Cia, coa viguesa Marcia Vázquez e Martín Los Arcos. Un espectáculo familiar de danza contemporánea con conciencia LGTBIQA+.

Felicitamos a Marta Pazos e Xosé María Pérez Barro, gañadores dos Premios da Cultura Galega 2024 nas modalidades de Artes Escénicas e Artes Visuais respectivamente.

Mónica Maneiro tráenos hoxe dúas propostas de banda deseñada. “Voitres”, de Miguelanxo Prado, para público xuvenil e “Dila Crocodila”, de Ana Gómez, para a cativada que se inicia la lectura.

“Gústanme a idea de comunidade e o merengue”. Ortiga preséntanos o seu terceiro álbum en solitario, Obra social, un traballo que redefine e agranda os sons da música popular e de verbena.

“Estamos nun momento moi interesante para o teatro de bonecos e figuras en Galicia". Comeza Galicreques. O Festival Internacional de Títeres programa 60 funcións e 12 estreas en Santiago

Vivir e perdurar na nosa lingua, unha iniciativa do Consello da Cultura Galega da que fai parte o lingüísta Bernardo Penabade “O nivel educativo e a maior presenza das mulleres na toma de decisións teñen moito que ver con que as lápidas estean en galego”. Jorge Balado, funerario “en galego son máis agarimosas”

Moncho Lemos comenta dende Sitges dúas estreas: -“La substancia”, protagonizada por Demi Moore. Unha sátira gore, explícita e con humor sobre a presión estética que sofren as mulleres. -“Super/Man: La historia de Christopher Reeve “, coa participación de familiares e amigos do actor.

Tito Lesende abre a súa colaboración co novo tema de Rhome, un talento noiés emerxente. Escoitamos música de Miriam Rodríguez e de Sabela, que actúan este sábado en Galicia e pechamos  co último disco de Nick Cave & The Bad Seeds, 'Wild God'.

“Reivindicamos a posibilidade de volver a situar a cultura no centro". Vertixe Sonora 12 acolle máis de 20 estreas. Nova edición do festival de creación contemporánea en Vigo.

“Entendo os premios coma un recoñecemento compartido con Tanxarina” O Festival Internacional de Títeres Galicreques, organizado pola Asociación Cultural Barriga Verde, vaille dar o premio de honra da súa 29ª edición a Eduardo Rodríguez Cunha 'Tatán', figura imprescindible da escena gaega en xeral e do teatro de marionetas en particular.

Con Raquel C. Pico sabemos da evolución das nosas casas logo de visitar Creafogar. Hai grandes diferenzas entre o rural e o urbano? Está o salón apropiándose do corazón da vivenda en detrimento da cociña? Tamén nos propón visitar a Casa da Troia e o Pazo de Tor

Conversamos con Diego Ares, un dos clavecinistas máis brillantes da súa xeración. O intérprete vigués está en Galicia para interpretar unha obra que marcou un punto de inflexión na súa carreira, as 'Variacións Goldberg' de Bach.

Manel Cráneo fálanos hoxe das consecuencias da irrupción da IA xenerativa no ámbito da ilustración e da banda deseñada.

SIMULTÁNEA. Sete exposicións en sete cidades da Fundación Abanca. Cun total de trescentas cincuenta obras entre fotografía, pintura, escultura, videoarte e instalación, con máis de douscentas autorías, do século XIX ata hoxe. “Convidamos ao público a que visite estas sete mostras dunha dimensión inédita”, Paloma Vela comisaria.

Dolores Vilavedra comenta Tras do ceo, de Manuel Rivas, que xa vai pola segunda edición.

Mónica Maneiro comenta a mostra 'Tienes un gusto de mierda' que o artista Suso Basterrechea expón na galería Metro de Santiago.

“Non queremos quedarnos nun traballo arqueolóxico". O traballo de recuperación de Barriga Verde recibe o recoñecemento internacional.

“Novos Imaxinarios”, no CGAC. As novas formas do cinematográfico, dende as vangardas ata o cinema expandido. A mostra acolle propostas, inéditas ou presentadas por primeira vez en Galicia. No seu formato expositivo, cada cineasta articula novas obras que debuxan parábolas con propostas instalativas. Nicolás Combarro, comisario : “é o retrato dunha xeneración”. Oliver Laxe :”permite traballar dout...

Carlos Crespo tráenos un adianto de “All stars”, o último do músico e produtor porriñés Peter Petrowski “busco ser un catalizador”

Pablo Sánchez Quinteiro fálanos hoxe do arranque de temporada da OSG e da Real Filharmonía de Galicia. Esta última incorpora ao repertorio obra de mulleres e contemporáneos, como é o caso de Raquel García Tomás.

“Hai moita pegada galega en min, como a retranca” Rodrigo Cortés recibe esta noite a Calpurnia de honra do OUFF. O cineasta e escritor, de raíces ourensás, ten pendente de estrea a súa última película “Escape”, producida por Martin Scorsese.

Afonso Becerra comenta L'èlisir d'amore, ópera cómica en dous actos con música de Gaetano Donizetti e libreto de Felice Romani