Todos os podcast | En xogo motor

Tito Lesende fala de premios musicais, do fío dos galardóns que entregou a Academia da música de España. Escoitamos música do terceiro volume do 'PO2054AZ' de Sen Senra, un dos remixes do 'Club A Noite' de Carabela e o primeiro single da viguesa Marta Vidal.

Eva Mejuto foi buscar presenza galega na Feira do Libro de Madrid e dende alí nos fala do catálogo que acaba de difundir a Organización Española para o Libro Infantil e Xuvenil. É unha listaxe cos libros infantís e xuvenís máis destacados publicados o pasado ano por escritores do estado nas linguas oficiais.

A película de Óliver Laxe "Sirat", premio do xurado no Festival de Cannes, proxéctase nun cento de salas de cine españolas. Moncho Lemos comenta esta cinta e tamén a última longametraxe de Gracia Querejeta, "La buena suerte", a adaptación dunha novela de Rosa Montero.

“Segue a ser contemporáneo. A xente nova estáo redescubrindo” En Lugo, a galería La Catedral expón medio cento de obras orixinais de Luís Seoane. Conversamos co tamén pintor e xerente do establecemento, Jorge Espiral

Raquel C. Pico achéganos a historia da mindoniense Manuela Rey, que foi unha estrela do teatro lisboeta a mediados do XIX

Eladio y Los Seres Queridos publican o disco  'B.S.O. 2005 – 2025'. Nel revisan algunhas das súas cancións máis emblemáticas ao longo de vinte anos de carreira, e contan con colaboracións como Amaral, Vega ou Fillas de Cassandra. Do disco e da súa traxectoria conversamos con Eladio Santos

“Falo da verdade emocional que se transmite na infancia e na adolescencia: amor, amizade, soños...” Recibimos a visita de Guadi Galego, que anda de estrea con ‘Pélago. Contos oníricos’, un libro-disco que nos convida á calma, á reflexión, a tomar conciencia.

Dolores Vilavedra comenta ‘Washington square’, de Henry James, traducido ao galego por Clara Bouzada para a editorial Galaxia.

“É un xogo delicado entre tradición e reconstrución” • O 4 de xuño Lugo acollerá a primeira das dúas xornadas A invención da tradición, que continuará o 11 de xuño en Vigo. Con esta proposta aberta a todo o público, a Real Academia Galega pretende reflexionar sobre o que motiva a aparición de festas de recreación histórica Falamos con Ramón Villares, coordinador do programa e director da Sección d...

Mónica Maneiro comenta a exposición 'A memoria da cor', de Xaquín Chaves, na Galería Dupla de Santiago

“Ofrecemos algo único en España” Arranca (S8) XVI Mostra Internacional de Cinema Periférico Do 3 ao 7 de xuño na Coruña, cun total de 112 obras de 15 países. Nesta ocasión, o (S8) trae dúas figuras do súper 8 latinoamericano: o venezolano Carlos Castillo e a arxentina Daniela Cugliandolo, acollendo a Filmoteca unha master class do primeiro. Tamén creadoras como Jeannette Muñoz, Amy Halpern ou Barb...

Carlos Crespo tráenos a ‘Paracetafolk’, unha banda de música celta da Costa da Morte, recente gañadora do Martín Códax no apartado de artistas emerxentes

Pablo S Quinteiro repasa o remate da temporada sinfónica

Esta semana o espazo de motor do #GaliciaenXogo repasou as declaracións dos principais protagonistas da cita do CERA en Narón. Coma previa do Rally de Pontevedra, Iago Gayoso conversou con Iago Martínez e o seu proxecto na Clio Trophy.

“Os proxectos galegos son a envexa de Europa” Primeira edición do Festival Internacional de series Ría de Vigo. Entre as estreas que acolle salienta ‘Lume’, a nova produción da TVG. Conversamos coa guionista, Irene Pin; co compositor Sergio Moure; e co presidente do cluster audiovisual, Alfonso Blanco.

Afonso Becerra comenta‘Velaiquich Amoorch’, do Colectivo d’Elas, un espectáculo de improvisación en escena

Arranca na Estrada o ciclo ‘Orballo Cultural’, que busca redescubrir o territorio a través da cultura e percorrerá outras vilas do país. Su Garrido Pombo é unha das participantes. A súa aldea de Traspielas, en Fornelos de Montes, centra o seu proxecto máis novo, que vai máis alá da música.

Eva Mejuto tráenos lecturas divulgativas: -’O lobo’, de Rena Ortega. -’Veñen de lonxe’, de Laura Fernández -’O hotel Cerebro’, de Marja Baseler e Annemarie von den Brink

Moncho Lemos fálanos de 'Hamburgo' , de Lino Escaleras. Un thriller con pouso de realidade social ambientado na Costa do Sol. Tamén da comedia 'As catro fantásticas', de Jocelyn Moorhouse, con Susan Sarandon e Bette Midler

Tito Lesende tráenos catro novidades musicais galegas: a "Metamorfose" de Peitoescuro; o "Piketón" de Hydn;"Que todo salga bien" de Pablo Seijas; e o "Maio" de Tona.

“Estar aquí e alá a un tempo. Pásanos a tódolos migrantes, é unha ponte moi forte” O actor arxentino Gabriel Fernández chega de xira por Galicia coa obra GALEGO. Fillo e neto de galegos, neste monólogo coescrito por el interpreta a un migrante na Arxentina que, xa de vello, desprega a súa memoria para avaliar a súa relación distante coa terra natal e co construído no país onde reside.

Raquel C. Pico mergúllase na gastronomía para celebrar o día da hamburguesa. Cando chegou a Galicia?

Xian Pais publica 'O vento da ría'. Natural da parroquia muradá de Louro , neste primeiro traballo conta con outros músicos da zona

Patty Castro guíanos pola música metal feita en Galicia. Hoxe pica temas de Embrace me ocean e Mano de Piedra

A Fundación Granell celebra con dúas exposicións na súa sede do pazo de Bendaña o seu 30 aniversario. Conversamos co seu comisario e conservador xefe da institución, Eduardo Valiña, que tamén nos conta da peripecia vital e artística dos protagonistas, o propio Eugenio Granell e a súa muller, Amparo Segarra.