Todos os podcast | A crónica deportiva

Conversamos coa nosa experta do espazo/tempo

O Celta reduce a vantaxe pasando de 5 a 2 puntos trala derrota 4-0 no Santiago Bernabeu. O Deportivo mantén o liderado co punto sumado en Tarragona co Nastic. David Mella sofre unha escordadura de nocello. e Víctor Fernández volve adestrar o Real Zaragoza.

No programa de hoxe recibimos o director, guionista e produtor de “Rapa”, unha inmersión de 2 horas na Rapa de Sabucedo. Con María Vázquez falamos do seu papel protagonista en “Los pequeños amores”, segunda longametraxe da sevillana Celia Rico. Somerxémonos en “Amas da terra” con Xisela Franco e Lucía Freitas. A curtametraxe acaba de pasar polo Festival de Málaga.

Afonso Becerra cóntanos hoxe da estrea de 'Ceibe', de Fran Sieira Compañía de Danza. Trátase dunha actualización do baile tradicional que xoga coa liberación dos compartimentos de xénero.

Unha radiografía do presente con profesionais da música, o audiovisual e a literatura ao fío do 8-M

Eva Mejuto propón dous libros para o 8-M e o resto do ano: 'Feminismo de peto. Kit de supervivencia' e 'A froita do coñecemento' . Para a mocidade e para calquera

O Museo Provincial de Lugo acolle a mostra “Eu son. Memoria das rapadas”. Falamos con Encarna Lago, unha das comisarias da mostra e xerente da Rede museística provincial de Lugo

Celta, Racing de Ferrol, Deportivo, Arenteiro, Lugo, Pontevedra, Compostela. Tódalas previas da xornada da fin de semana coas voces do día. Imanol Idiakez, adestrador do Deportivo, sancionado con 2 partidos e 600€ pola súa expulsión co Lugo: "Os adestradores somos o saco de boxeo dos colexiados"

A mostra "A arte do exilio galego" que pode atoparse no Museo Provincial de Lugo pretende fuxir das celebracións e datas conmemorativas e poñer o foco no exilio galego e a súa influencia en arte e artistas. Aurelia Balseiro é a directora do museo.

Moncho Lemos traénos dúas estreas: 'Los pequeños amores', dirixida por Celia Rico Clavellino, e 'Por tus muertos', de Sayago Ayuso.

O medievalista Miguel García-Fernández revisa os roles sociais femininos no pasado. Mañá tomará parte na conversa-merenda 'É posible contar a Historia doutro xeito?, organizada pola Biblioteca de Galicia e o CSIC

'Soltar' d´A Pedreira, 'Piedra del Camino' de Sant Araujo, o novo álbum de Néstor Pardo e a Italofeira de Boyanka Kostova

No Racing Club Ferrol, o dianteiro Álvaro Giménez con gripe, Josep Señé con molestias, e Jon García cunha escordadura, son dúbida para xogar o sábado en Cartaxena. No Deportivo, o centrocampista José Ángel dí que se alegra de seren primeiros, pero que aínda non conseguiron nada.

A exposición 'Lamazares. Inda é día' revisa, por primeira vez, os 50 anos da obra do artista Antón Lamazares. Unha mostra na que conviven pinturas e madeiras, campos e flores, cadaleitos e toureiros, obras de enorme tamaño, palabras, poemas... e incluso un alfabeto propio.

O noso colaborador Luís Miguel Crespo adica o seu espazo no programa a falar do papel das mulleres no mundo musical, poñendo o foco en Galicia e naquelas compositoras e intérpretes das que non se sabe demasiado. Falamos de María Muñoz, Milagros Porta e Carmen Díez.

Comeza na Coruña segunda edición do Festival Internacional de Animación. “Queremos mostrar o potencial narrativo e expresivo que ten a animación” Alberto Vázquez co-dirixe Imaxinaria. Con el falamos.

O tempo centrará a XL Semana Galega de Filosofía que abrirá a filósofa Fina Birulés. Con ela falamos.

Lucas Pérez, mellor xogador do Deportivo no mes de Febreiro: "O máis difícil non é chegar, é manterse", en referencia o liderado da categoría.

Coñecemos por dentro unha empresa de Bertamiráns adicada á produción cinematográfica e de vídeo: Alfonsín Digital LAB. Son os responsables da estética final da maoría das series e filmes que se están producindo en Galicia.

A nosa experta literaria Dolores Vilavedra tráenos o libro de José Prieto 'Cinco pseudocomedias', cinco textos emparentados polo humor... sen seren cómicos. Edita Xerais.

Conversamos co comisario, Manuel Gago, e co coordinador local da mostra, José María Eguileta. A exposición está aberta ata o 11 de maio na sala ourensá d´Afundación , É a sexta mostra do proxecto 'Cidades no tempo', organizado pola Xunta a través da Fundación Cidade da Cultura

Mónica Maneiro avánzanos a presenza galega na feira de arte contemporánea, que se celebra en Madrid, con 206 galerías de 36 países e o mar Caribe como protagonista. Nordés é a única galería galega no programa xeral, mentres Vilaseco participa na sección Art Libris

Álvaro Giménez, dianteiro do Racing Club Ferrol, suma xa 7 goles na liga, e advirte sobre a dificultade de visitar ao Cartaxena. "Xoguei alí moitas veces e non gañei nunca"

A Mostra de Teatro Clásico de Lugo celebra a súa vixésimo cuarta edición dende o 3 ao 17 de marzo con obras teatrais que xa triunfaron en diversos festivais de todo o Estado. A Mostra aposta tamén polas compañías galegas que están producindo obras de teatro clásico.

Co noso experto en música tradicional galega Emilio Españadero repasamos as novidades de varios grupos: Golfiños, Encrucillada e Manseliña.