Todos os podcast | A crónica deportiva

Conectamos con Sestao para facer a previa máis fresca do encontro que xogará esta noite o Celta nas Llanas. Imos a Ferrol para saber como están as cousas a poucas hora do Racing-Leganés. Repasamos as eliminatorias do Lugo, do Dépor e do Arenteiro. E miramos xa para a xornada da fin de semana cun Compostela cheo de baixas.

Escoitamos a Rafa Benítez, que recoñece moitas eivas nun Celta que só sumou 9 puntos de 45 posibles. E, logo, imos xa coa segunda rolda da Copa, que se inicia o martes na Lomba coa visita doutro Primeira, o Valencia. Ademais, as previas dos equipos galegos que xogarán o mércores e a última hora do Breogán antes de viaxar a Turquía na Liga de Campións de baloncesto.

Carl Starfeld recupérase a tempo para estar disponible para o Celta-Cádiz de Balaídos no que Benítez espera "minar a moral" dun rival directo. En Ferrol, o Racing lanza a segunda fase da súa ampliación de capital. E, aínda coa última xornada en quente, chega a segunda eliminatoria da Copa, que nos traerá partidos o martes, o mércores e o xoves.

Última hora dos equipos galegos das principais categorías antes dunha nova xornada de fútbol. No Celta, Unai Núñez estivo coa TVG e recoñeceu a importancia do encontro co Cádiz. Na Segunda, Enrique Clemente revive a conversa co liña que admitía que non houbera penalti en Leganés. E na 1ª RFEF, Idiakez entende que pode ser destituido se o Dépor non o fai ben no campo do Barça B.

As campioas do mundo adestran en Cambados polo mal estado do céspede de Pasarón. Na 1ª RFEF, escoitamos a Pedro Munitis no CD Lugo e a Yeremay no Deportivo, na súa primeira rolda de prensa como profesional. Tamén rescatamos o máis destacado da entrevista do adestrador do Liceo en Ao contraataque e a valoración do técnico do Basquet Coruña logo de perder en Burgos, onde só anotaron 2 de 25 tiros de...

O presidente da Federación Galega de Fútbol, Rafael Louzán, explica que, tralas críticas, se venderán máis localidades para o España-Italia de Pasarón. No Deportivo, Davo analiza a falta de gol do equipo. E no baloncesto, o dominicano Rigoberto Mendoza amplía contrato dúas temporadas co Obradoiro.

Chega a penúltima xornada da fase de grupos de Liga de Campións e o FC Barcelona e o Atlético de Madrid aínda teñen que facer os deberes para se clasificar. No fútbol, recuperamos o máis destacado da entrevista do director xeral do Racing en Ao contrataque, onde Carlos Mouriz asegurou que non queren vender a Carlos Vicente. E na Coruña fixámonos nas informacións que sinalan a Paco Jémez como posib...

A afección do Racing de Ferrol tomou con enorme enfado a decisión, penalti e expulsión moi discutibles, que condicionou o partido dos verdes en Leganés. Na Primeira División, o Celta segue en descenso e asume como crucial o partido co Cádiz. E na 1ª RFEF aumentan as dúbidas sobre o Dépor e sobre Idiakez tralo empate na casa co Osasuna B.

Rafa Benítez evita as críticas ás arbitraxes antes do Valencia-Celta, pero rexeita as insinuacións de Medina Cantalejo. Ás portas dunha nova xornada de fútbol escoitamos a Cristóbal no Racing, Idiakez no Dépor, os adestradores do Lugo e do Arenteiro e a Irene Ferreras. E, no baloncesto, falan Moncho no Obra, Mrsic no Breo, os técnicos do COB e do Basquet Coruña e dúas protagonistas do derbi Celta-...

As localidades para o partido da selección feminina de fútbol en Pontevedra esgótanse en quince minutos. Na Primeira, o Celta recupera os internacionais; no Racing, Sabin Merino lembra a súa etapa no Leganés; e na 1ª RFEF, previa do derbi Lugo-Arenteiro. No baloncesto, escoitamos as valoracións tralo triunfo do Breogán ante o Hapoel Holon, 82-72, na BCL.

O Comité Técnico de Árbitros defende aos colexiados e contraataca sinalando os erros de xogadores do Celta. No Racing, Cubero analiza o dobre duelo en Liga e Copa co Leganés. E no Deportivo, outro mancado, desta volta é Pablo Valcarce.

Óscar Mingueza repasa na TVG a situación do Celta e revela que aproveitando a parada polas seleccións estiveron insistindo no traballo en defensa. No baloncesto, atendemos a Veljko Mrsic na véspera da Liga de Campións e, no ciclismo, Ezequiel Mosquera anuncia que O Gran Camiño terá sorpresas no percorrido e que os grandes equipos agora chaman para participar na volta.

Recuperamos o sobranceiro da entrevista de Gabri Veiga coa TVG, na que o canteirán do Celta di estar moi a gusto na liga árabe. Na Segunda, escoitamos as valoracións no Racing tralo 1-1 co Burgos na casa e, na 1ª RFEF o desgusto do deportivismo contrasta coa ledicia do Lugo e do Celta Fortuna.

Rafa Benítez valora o sorteo da Copa que levará o Celta a Sestao. No Racing, os axentes de Carlos Vicente negan que xa teña pechada a saída ao Valencia e din que van escoitar varios clubs, entre eles o propio Celta. Escoitamos a Idiakez e a Javi Rey antes dos partidos do Deportivo e do Arenteiro e, no baloncesto, a Moncho Fernández trala fichaxe do ucraíno Kovliar.

Dous nomes propios marcan este xoves a actualidade do fútbol galego: Gabri Veiga, pola noticia que asegura que o Celta querería recuperalo, e Carlos Vicente, que según din dende Valencia podería ter xa un acordo co club 'che'. Ademais, escoitamos a Idiákez no Dépor e repasamos a derrota do Brogán na Liga de Campións de baloncesto.

As reaccións ao sorteo da segunda rolda da Copa do Rei de fútbol: dende Vilagarcía, o presidente adxunto do Arosa celebra o emparellamento co histórico Valencia. Ademais, o Celta visitará o Sestao River, o Racing recibirá o Leganés, o Dépor o Tenerife, o Lugo o Mirandés e o Arenteiro o Burgos no Espiñedo.

Héber Pena recolle o premio ao futbolista máis descatado do mes nun Racing de Ferrol no que hai moito que destacar. "É un orgullo e unha responsabilidade", di o extremo. No Dépor, mentres, é dúbida Pablo Vázquez, indiscutible para Idiakez. No balonmán atendemos á ultima hora do Porriño e do Guardés, que teñen liga o mércores, e no baloncesto, a previa do partido do Breogán co Hapoel Holo...

Paco Santos repasa os resultados dos equipos galegos nas principais categorías do fútbol, con protagonismo para as vitorias do Racing, o Celta Fortuna e o Deportivo. No tempo do baloncesto, lembramos o gran duelo dos Howard no Sar e logo falamos da gran cita internacional da ximnasia rítmica que se celebra esta semana en Santiago

A información que facilita o Celta de cara á vindeira xunta de accionistas revela varias novidades: o club traspasou a Gabri Veiga por moito menos da súa cláusula e pechou o pasado exercicio con 13 millóns de débeda. No fútbol, ollamos tamén para a actualidade do Racing e da 1ª RFEF e escoitamos a Moncho Fernández no Obradoiro

Rafa Benítez revela na previa do Athletic-Celta que no club decidiron impor a 'lei do silencio' sobre as arbitraxes. Ademais, LaLiga presenta a reforma da Malata como candidata a un premio europeo. E as previas da 1ª RFEF, o Dépor feminino e o Breogán

Xa hai data para a remuda oficial na presidencia do Celta: Marián Mouriño sucederá no cargo ao seu pai o 12 de decembro. No Racing, mentres, Íker Losada opina do ruxe ruxe sobre Carlos Vicente. E no Dépor Pablo Vázquez recibe o premio ao mellor futbolista do úlltimo mes

O xuíz de Competición acepta o recurso do Arosa pola aliñación indebida do Granada na Copa do Rei. Os de Vilagarcía recibirán outro 'Primeira' na segunda rolda. No fútbol fíxámonos nas opcións de que Carlos Vicente deixe o Racing e no baloncesto estudamos as dificultades que está a pasar o Breogán xogando dúas competicións

O noso experto arbitral Xabier Rodríguez fai balance das decisións máis controvertidas vividas polo Celta no que vai de temporada: cre que tivo dúas a favor e seis en contra. En Ferrol, o Racing valora a traballada vitoria diante do Andorra mentres o Dépor volve goleado de Irún

A directiva do Arosa cre que o equipo poderá avanzar á segunda rolda da Copa do Rei por mor da posible aliñación indebida do Granada; en Primeira, as peñas do Celta convocan unha queixa polas últimas arbitraxes e, no baloncesto, venres de partido para o Ensino, o Uni Ferrol e o Celta

O Celta, o Racing de Ferrol, o CD Lugo, o Deportivo e o Arenteiro pasan a primeira rolda da Copa de fútbol, caeron o Compostela e o modesto Boiro, 0-4 co Mallorca. Pola tarde é outro 'Primeira', o Granada, o que visita o Arosa en Vilagarcía