Todos os podcast | A crónica deportiva

Repasamos as clasificacións do Celta, o Racing de Ferrol e o Deportivo. Raúl Alcaina, dianteiro do Depor, leva dous goles e dous partidos e xa sabe o que é marcar en Riazor. "É brutal". O Pontevedra CF, líder en solitario da 2 RFEF, pensa xa no Zamora, o vindiro domingo en Pasarón. Iago Iglesias, adestrador, "enfrontamento directo de moita importancia".

Os Xogadores do Celta pisan o novo céspede de Balaídos o día anterior a xogar co Barça. Rafa Benítez deixa entrever que non lle gustaron as críticas de Aspas ós compañeiros que erraron en Xetafe. Escoitamos a Álvaro Jiménez e Javi Calleja na previa do Racing Club Ferrol - Levante UD. E na 1ª RFEF aos adestradores do RC Deportivo, CD Lugo e CD Arenteiro.

Tere Abelleira coa selección española malia estar mancada. Óscar Mingueza di que o Barça non estará pensando en Nápoles en Balaidos. Michel Alonso, adestrador da SD Compostela: " toca rebaixar o obxectivo, xa non haberá ascenso directo".

O novo director deportivo do Celta, o mexicano Marco Garcés, anuncia que un dos grandes obxectivos do club é traspasar a Strand Larsen este verán, ao que consideran revalorizado. No fútbol, escoitamos tamén a Brais no Racing e a Balenziaga, que gaba o seu compañeiro e rival Simao. E no baloncesto Jordan Howard di estar encantado da súa estadía no Obradoiro.

Iago iglesias, adestrador do Pontevedra, felicitou á Radio Galega no día internacional da Radio. Leandro Altamirano, arxentino do Noia, botaba de menos competir na LNFS. Mañá reciben o Xota Pamplona. E Nacho García, novo adestrador do Parrulo Ferrol no lugar de Gallego.

Renato Tapia recibe o premio ao mellor xogador do Celta en xaneiro o día seguinte da dolorosa derrota en Xetafe. Repasamos como foi a xornada tamén en Segunda, 1ª e 2ª RFEF e escoitamos a Manuel Pablo antes de que o Deprtivo xuvenil xogue os cuartos da Copa en Mallorca.

No fútbol, escoitamos a Guaita, no Celta; Ander Cantero no Racing e Simao e Alves na 1ª RFEF antes dos partidos da fin de semana. No baloncesto, a ourensá Raquel Carrera avalía a derrota de España no primeiro partido do preolímpico e o Breogán anuncia a fichaxe de Rob Grey antes de recibir o Real Madrid.

Escoitamos a primeira comparecencia de Óscar Pinchi, o ex do Deportivo, no seu regreso a Galicia agora como futbolista do Racing, na que revelou que o club ten unha opción de compra obrigatoria por el se ascende a Primeira División. Na 1º RFEF, Idiakez fala antes de viaxar a Logroño. E no baloncesto, palabras do vigués Miguel Méndez no día no que a selección feminina inicia o torneo preolímpico de...

Escoitamos a David Mella ao recibir, con só 18 anos, o seu primeiro premio como xogador do mes no Deportivo da Coruña. En Primeira, mentres, o Celta volve aos adestramentos; e na 2ª RFEF o Pontevedra comunica que Rufo terá repouso trala súa indisposición no último partido.

Afondamos na figura de Miguel Ángel González, o 'Gato', tralo pasamento do mítico porteiro ourensán, coa axuda de Javier Maté, co que chegou a coincidir no Real Madrid. No fútbol galego a noticia é o regreso do venezolano Christian Santos, o ex do Deportivo, que asina polo Arenteiro para sustituir a Miku.

Repasamos os principais acontecementos deportivos da fin de semana e conmovémonos co ourensán Fernando Pumar, que explica que seguirá no Racing pero só adestrando, por mor da súa lesión. Ademais, escoitamos o presidente de Abanca, que celebra os últimos bos resultados do Deportivo.

O mercado de inverno no fútbol pechou coa sorpresa do regreso a Galicia do ex deportivista Pinchi, que asina polo Racing de Ferrol. Do mercado fala tamén Idiakez, que considera que as dúas fichaxes do Deportivo lle dan solucións ofensivas. E no fútbol sala escoitamos o adestrador do Burela, Julio Delgado, animado antes de viaxar a disputar a Supercopa.

Atentos aos posibles movementos no último día de fichaxes no fútbol, onde xa é oficial que Sabit Abdulai deixa o CD Lugo. Ademais, Fernando Soriano fixo valoración do mercado no Deportivo e, no baloncesto, previas dos partidos do Breogán, o Celta e o Basquet Coruña.

O Celta perde o sueco Williot Swedberg tres semanas por unha lesión muscular. No Racing escoitamos un motivado Josep Señé antes de recibir o Éibar. Na 1ª RFEF, dúas presentacións: Alcaina no Deportivo e Mario da Costa no CD Lugo. E no atletismo, a Federación Española expón os plans para os Campionatos de España en pista cuberta que se celebrarán en febreiro en Ourense.

O Celta anuncia que cambiará por cuarta vez esta temporada o céspede do estadio de Balaídos, que segue en moi mal estadoe provocou incluso as queixas de Iago Aspas. Na Primeira Federación, o Dépor incorpora un dianteiro centro, Alcaina, e o CD Lugo presenta o veterano Fran Mérida.

Luns de avaliación das principais citas deportivas da fin de semana. Escoitamos os protagonistas do Celta 0-Girona 1, Sporting 1-Racing 2 e o derbi Celta Fortuna 1-Deportivo 2.

E, por suposto, as voces da xornada e as previas da fin de semana deportiva. Claudio Giráldez, adestrador do Celta Fortuna, e Imanol Idiákez, adestrador do Deportivo, falan do derbi do domingo en Balaídos.

Comezamos coa decepción da eliminación de Copa con Víctor López. E todos os movementos (ou a ausencia deles) en Ferrol, A Coruña, Vigo, O Carballiño... Non deixamos de lado o baloncesto, o hóckey e todo o polideportivo coas súas voces protagonistas. Dirixe e presenta: Paco Santos.

A eliminación na Copa do Rei, tres días despois de perder en Liga tamén coa Real, fai aumentar as críticas a Rafa Benítez no Celta. En Ferrol, escoitamos a felicidade de David Castro, ao pouco de renovar no Racing. E no balonmán o Cangas presenta o pivote portugués Eduardo Mendonça.

Última hora do RC Celta antes de volver recibir a Real Sociedad en Balaídos, agora na eliminatoria de cuartos, partido único, da Copa do Rei. Na Segunda, o director deportivo do Racing non descarta máis incorporacións; na 1ª RFEF, Illescas chega cedido ao Arenteiro; e na 2ª RFEF investigan un intento de amaño no Badajoz-Pontevedra trala denuncia de xogadores granates.

Tres días despois de perder na Liga o Celta volverá recibir a Real en Balaídos pero agora na Copa e Benítez evita confirmar se fará cambios no equipo, só asegura que non xogará a última fichaxe, Manquillo. No fútbol escoitamos tamén as valoracións tralo Deportivo 2-Ponferradina 0, coa grande actuación dos canteiráns, e no baloncesto o Breogán celebrou o regreso de Sakho cun triunfo ante o Girona.

Todas as voces e reaccións ao Celta-Real Sociedad que nos deixa a Copa. E as previas dos partidos estrela na fin de semana no fútbol e no polideportivo da man de Paco Santos.

Os canteiráns do Celta reivindicáronse na Copa e o equipo gaña moita moral para o regreso á Liga. Na Segunda, Ander Cantero alerta de que o Racing terá máis dificultades na segunda volta do campionato. E no Deportivo, Iván Barbero recoñece a preocupación e cualifica de "final" o partido coa Ponfe en Riazor.

Última hora das dúas citas que protagonizan este mércores o deporte galego: o Celta viaxa a Valencia para disputar, a partido único, a eliminatoria de oitavos da Copa do Rei e o Breogán xoga en Turquía contra o Karsiyaka o partido definitivo dos 1/16 da Liga de Campións de baloncesto.

O Celta irá a Valencia para os oitavos da Copa con sete canteiráns aínda que Benítez insiste en que o nivel da Liga é moi esixente para os xogadores do fiilal. En Ferrol, o Racing fai oficial a chegada do central Álex Martín e no fútbol sala Jozi Oliveira explícanos os motivos para deixar o Burela despois de quince anos.