又係我牛英｜Sportunes HK

形容自己半途出家，喺2018年先重啟運動細胞嘅熊雪如（Shirley），玩下單車，又玩下跑步，跟住上YouTube學埋游水，就成為三項鐵人。Shirley話，運動挑戰多數都唔係一早就出現喺計劃入面，就好似單車咁，踩咗四次，炒咗兩次，已經玩咗第一場比賽；又如被邀請參加50公里山賽，當時嘅Shirley其實都只係跟跑會路跑咗幾個月，連山鞋都冇。不過因為好玩、因為開心，就會心郁郁想參加各項運動。挑戰？有咩好怕喎！ 主持：牛英 嘉賓：多元運...

有冇發現愈嚟愈多不屬於大自然嘅石屎路出現喺香港嘅山上？每次行山，遇到一級級嘅石屎梯級、延綿不絕嘅石屎山徑，你會覺得易行咗，定危險咗？「郊遊徑石屎化關注小組」發起人之一鄭明慧（Agnes），多年嚟同小組同伴不斷收集行山友及各方面專家嘅意見，主動同有關政府部門交涉，希望能夠商議出可持續保護香港山徑嘅方法，以保存郊野僅有嘅天然山徑與自然風貌。Agnes後來更出錢山力，製作紀錄片《山中疤痕》，用影像令大家知道郊遊徑...

聽過唔少武術運動員會出國深造，一般都係去當地上堂、接受訓練，但搏擊運動員 謝幸庭（Simon）就揀咗去外國做老師，邊教邊鑽研技術。Simon喺2018年隻身去到日本，由打工換宿做起，之後不斷參加比賽攞經驗，一步一步行到去做道場老師，最近仲攞到亞洲格鬥摔跤比賽冠軍。一個香港人去到日本，教嘅竟然係Kickboxing？究竟Simon有啲咩過人之處，令到日本嘅館長都邀請佢加入？Simon不斷強調佢係帶住夢想去日本，呢個夢想究竟係乜？呢5年...

喺今年渣打馬拉松以1小時11分正奪得半馬季軍嘅黃冠衡，經常喺訪問中表示自己係「零天分」，進而提醒自己，所有進步都係要靠自身嘅付出同努力先會出現。跑得愈多，愈發覺世界之大，黃冠衡話跑得好過自己嘅人多如繁星，所以更加要保持謙虛，逐步逐步達成自己嘅夢想。「相信自己！最應該信自己嗰個就係你自己。」黃冠衡眼神肯定咁講。 主持：牛英 嘉賓：全馬運動員 黃冠衡 Sportunes  網站 |  www.sportsoho.com/sportunes...

有冇試過做完成日運動，出晒汗之後件衫一啲臭味都冇？坊間常見嘅運動衫以兩種物料為主，棉質或者係聚酯纖維材質。前者親膚舒適度高，但排汗能力偏低；後者速乾度出色，但吸水性能差。眼見作為羽毛球運動員嘅仔仔因為運動衫而影響表現，運動布料研發商劉進基（Kenneth）決定著手研發吸濕能力高、排汗功能好，同時快乾嘅衣服物料，全新運動布料Comfiknit由此誕生。呢項專利仲獲得全球知名嘅日本貿易公司伊藤忠垂青，嚟緊各位運動發燒...

師承中長跑好手陳家豪，香港田徑隊成員曾曉彤（Candy）嘅成績亦相當不錯，10K可以40分鐘內跑完，搞掂半馬亦只需要1個鐘頭22分鐘。Candy話跑步嘅時候冇諗到要點樣進步，純粹喜歡一班人一齊衝嘅感覺，點知衝吓衝吓就愈跑愈好。細細個就接觸運動，但Candy同一般聽到嘅故事唔同：從來都唔係因為人哋邀請而參加訓練同比賽，每次上跑場都係因為自己想而做，連教練都話佢係最主動嘅學生。會唔會係因為所有嘢都由自己主導、由自己出發，所...

林穎璋（Vincent），係近年愈嚟愈多人留意嘅新一代跑手。喺香港半馬挑戰賽2022以1:12:45奪得冠軍嘅佢，兩個月後已經喺臺北馬拉松半馬PB，做出1:07:45嘅成績。喺跑場上要有最好嘅表現，心態同訓練方法固然重要，但Vincent就認為一位願意溝通同交流嘅教練都係重點之一。 好多人覺得跑得多自然會快，呢種概念喺而家嘅年代仲適唔適合？Vincent最唔想跑步受傷，所以會就住教練嘅課表提出意見，而教練亦願意為Vincent設計更合適嘅訓練方...

香港田徑錦標賽男子跳遠決賽上，高澔塱兩破PB之餘，仲繼陳銘泰後成為第二位可以跳過8米嘅港將。8米有幾遠？假設一度門係兩米，即係高澔塱跳過咗四度門嘅距離！高澔塱話，跳過8米係一位跳遠運動員嘅基本，笑稱自己終於可以跳入8-Metre Club，能夠大大聲同人講自己係跳遠運動員。「入會門」嘅過程一啲都唔容易，一度以為自己成功在望，點知因為踩界而再次失望，高澔塱話好彩一直有「唔忿氣」嘅感覺，先可以繼續挑戰自己。如今跳過8米...

嘉賓海洋踩車經驗豐富，今次同一班游泳運動員用9日時間，單車環台之餘仲征服埋武嶺。放棄常用嘅海岸線路線，一班單車友以台三線作為旅程主軸。每日都唔知路線、唔知住咩酒店，但就因為咁，多咗好多特別體驗。一行人中有老手有新手，要點配合先做到人人都踩得開心？即日預訂酒店，又有咩地方要注意？今集《又係我牛英》同你一齊跟嘉賓翻山越嶺。 主持：牛英 嘉賓：單車運動員 海洋 Sportunes  網站 |  www.sportsoho.com/...

嬌滴滴嘅外表，但一上擂台就連眼神都變埋嘅盧芷晴（Phoebe），13歲已經踏上泰國職業賽擂台。第一場比賽初嚐勝利滋味 ，Phoebe從此同泰拳結下不解緣。就算中途曾經徹底放棄泰拳，轉投排球青年隊嘅懷抱，Phoebe最後都係套返上8安士嘅拳套。轉換跑道嘅過程，並唔係啲咩壯烈嘅故事，竟然係因為一首舊歌，同一堆數字？20歲嘅Phoebe直言不甘平凡，誓要成為世界頂尖，講得出做得到，啱啱就喺I-1世界泰拳格蘭披治贏得金腰帶。當時同馬來西...

跑齡只有3年嘅張嘉兒老師（Anthea）愈跑愈有，喺渣馬攞完分齡組冠軍，又啱啱順利完成魚津半馬。除咗因為自律嘅佢早睡早起、每日都有晨跑習慣之外，受傷後搵到一位好教練，根據佢嘅工作同壓力狀態為佢設計課表，都係Anthea進步神速嘅原因之一。當年因為想一雪前恥，喺「累全隊」嘅陰霾中行返出嚟，Anthea開始咗自己練跑嘅旅程。缺乏專業指導，加上「有幾多跑幾多」嘅狠勁，受傷隨之而嚟，一段時間後佢終於識驚，而佢當下唯一可以做...

泰拳運動員孫德全（生番）幾年前曾經立志要成為全職拳手，不過今日再問佢，佢就有另一番嘅睇法。生番話自己依然好熱愛泰拳呢樣運動，不過隨住年紀增長，要考慮嘅嘢仲有好幾樣，眼光可以放得遠啲。就如同佢去泰國受訓嘅日子，同香港完全唔同嘅訓練日程都令佢發現新世界：原來自己認定嘅嘢係有改變嘅空間。而家企喺擂台上嘅生番，諗返十幾年前求師傅畀自己出賽「打交」，會有咩感想同評價？ 主持：牛英 嘉賓：泰拳運動員 孫德全（生...

深受濕疹折磨嘅朱國權 （Perry)，多年嚟聽過無數忠告同提醒，但佢最後揀咗醫生都未必建議嘅「治療方法」—— 跑步。三十而立，Perry以挑戰全馬作為自己嘅生日禮物，期間不斷經歷濕疹帶嚟嘅不適，加上疫情來襲，Perry要到今年先送到呢份禮物畀自己。皇天不負有心人，佢最後以2:59:59成為本屆渣馬嘅萬金先生，等待成績確認嘅過程既緊張又興奮。徘徊喺Sub3與否之間，Perry經歷咗啲咩？佢又係由邊一刻開始，想突破自己嘅人生限制？ 主持...

1小時07分內完成半馬，全香港目前得兩個人做到，大學二年級生何敬武就立志成為第三位，以擠身世界大學生運動會。好細個開始，阿武已經好想出國比賽見識多啲。近幾年跟咗王春榮教練跑步，表現突飛猛進，更加令佢有信心喺一年內將個人紀錄推前4分鐘，希望能夠同自己嘅偶像跑手同場。究竟王春榮教練嘅系統訓練點幫到阿武？呢位新生代跑手喺選擇跑步裝備上又有咩心得？ 主持：牛英 嘉賓：新生代跑手 何敬武 Sportunes  網站 |&nbs...

年僅21歲嘅麥兆天，玩過詠春；試過散打；涉獵過MMA⋯⋯而家係一位合資格嘅拳擊教練。十幾歲嘅時候因為想保護心儀對象，開始咗佢嘅習武之路，愛情尚在探索階段，但喺訓練同比賽嘅過程中就悟出咗一套終生受用嘅運動哲學。阿天話以前嘅自己比較衝動同心急，喺擂台上試過受挫，於是開始反思：拳擊比賽究竟係唔係一個人嘅事？後面到底仲有啲咩促成一場成功嘅對打？ 主持：牛英 嘉賓：少年搏擊運動員 麥兆天 Sportunes  網站 | ...

經歷過十字韌帶斷裂，連半月板都傷過，逆閃教練林偉熹都仲可以連續九次馬拉松Sub 3，完美演繹旗下跑會——逆閃堂嘅座右銘：「逆境下唔好放棄攻勢，憑意志閃到落尾直到終結」。上天似乎特別眷顧有鬥志嘅人，逆閃受傷之後搬咗去將軍澳，場地配套加上一班熱愛跑步嘅街坊，運動嗰團火死灰復燃，佢嘅自信心亦返晒嚟。就係咁，愈嚟愈多曾經受傷嘅跑友都會搵逆閃教練一齊練跑，銳意為自己創造奇蹟。 主持：牛英 嘉賓：逆閃教練 林偉熹 Sport...

年輕時嘅阿九，係機舖常客，跳舞機上嘅佢汗流浹背，為咗興趣出盡全力。邊個會估到當年嘅興趣其實係一次又一次嘅體能訓練，仲達到Interval嘅級別，令阿九初馬就Sub 3？踏出機舖，阿九先發現世界好大，仲有好多嘢可以挑戰。阿九形容跑步「可塑性大」，呢個講法半點不虛，因為跑步仲令佢成為咗一位領跑員，同視障跑手一齊出國比賽。想知道點解阿九愈跑愈有火，愈跑愈開心？留意今集《又係我牛英》！ 主持：牛英 嘉賓：開心跑手 阿九 S...

葉穎恩（Yana）原本係跳咗十年Breaking嘅B-girl，因為想與別不同，佢由舞台行咗上擂台，仲成為咗金腰帶女拳王。對於可以用自己雙手決定賽果，Yana表示就算過程幾辛苦，佢都非常享受。中途試過兩條阿基里斯腱都發炎，要坐住教拳，但講起呢段時期，Yana依然笑容滿面。無論係以前跳舞，定而家打拳，Yana都好喜歡被人注視嘅感覺：「希望以後人哋諗起某啲比賽，就會記得我葉穎恩。」 主持：牛英 嘉賓：超級金腰帶女拳王 葉穎恩 Yana Spo...

18歲越野小將羅樂賢（Rex Lo），背負住「聰Sir徒弟」之名喺跑界嶄露頭角。雖然暫時仲未出過國比賽，但喺香港嘅跑山經驗同成績已經足夠令大家見到呢位新星。啱啱過去嘅Goodman Healthy Hike & Run，Rex就跑贏多名本地及外國選手，成功獲得19公里賽事嘅第二名，僅次於「師傅」黃浩聰。Rex仲立志：「 我下次會贏番你（聰Sir）！」今集主持牛英就請教咗Rex嘅跑山心得，仲知道咗佢平時嘅訓練路線，有緣可以一齊跑！ 主持：牛英 嘉賓...

健美運動員黃家鈺（阿Yo）對手臂仲粗過牛英，但女性嘅身體曲線依然明顯。兩屆世界健美錦標賽冠軍、有運動模特呢個美名嘅阿Yo，認為自己嘅身體就係一件藝術品，只不過佢用嘅並唔係普通畫筆，而係一塊又一塊嘅鐵餅。玩壁球出身，又玩過欖球，但阿Yo發現自己適合行運動呢條路，竟然係因為細個學鋼琴？今集《又係我牛英》，聽吓阿Yo係點踏上佢嘅冠軍之路。 主持：牛英 嘉賓：兩屆世界健美錦標賽冠軍 黃家鈺 Sportunes  網站 |&nbs...

踩單車踩到好似跳舞咁？Gigi 係XYZ 教練團隊成員之一，主力教HIIT同室內單車。喺有40幾部單車嘅課室入面，Gigi其實仲要擔當埋「唱片騎師」一職，照顧唔同嘅學員之餘，仲要控制埋場內嘅燈光同音樂，務求令大家可以一齊跟住拍子踩每一下、一齊享受室內單車嘅節奏同氣氛。先踩車，再瑜伽，最後做埋冥想，會唔會就係你理想中嘅運動日？ 主持：牛英 嘉賓：XYZ Instructor Gigi Chan  Sportunes  網站 |  www.sportsoho.c...

問到企業家Calvin係點做到3年之內由一個完全唔跑步嘅36吋腰肥佬，到成為初馬Sub3萬金先生，佢不諱言係因為「好勝」同「團隊支持」。初初為咗應酬朋友Ken嘅邀請，Calvin著住波衫同籃球鞋就跑寶雲道。當時4K都完成唔到嘅佢，用咗3個月時間已經可以追上Ken嘅Pacing。除咗係因為「唔輸得」嘅性格，Calvin仲做咗啲乜嘢實質訓練令自己進步神速？ 主持：牛英 嘉賓：50歲跑手 Calvin 及啟蒙跑友 Ken Sportunes  網站 |  www.spor...

天然健美，係指唔用任何藥物，純粹靠訓練及調整日常飲食習慣以塑造完美身型。Marvin早前贏得WNBF國際自然健美賽輕量級第二名，呢個比賽嘅參加者需要通過一連串嚴格嘅藥檢同測謊，先可以上台展示肌肉成果。崇尚天然健美嘅Mavin，認為使用特別補充劑係一個選擇，只係佢自己唔會咁揀。喺唔用輔助藥物嘅情況下，Marvin係點樣練到而家嘅身型？佢作為一位健身教練，又係點樣教學生將生活同運動掛勾，24小時「種植」佢哋嘅肌肉？ 主持：牛...

13位年輕人，用3個月時間準備，兩個星期一次長課，以21小時挑戰123公里。傑哥係活動中少數有跑步經驗嘅參加者，對完成挑戰勝券在握。但世事豈會盡如人意？中途有隊友體力不繼，傑哥決定挺身而出幫一把，但亦因為咁，成為最意想不到需要上車休息嘅成員：「我冇唔忿氣，都冇後悔喎！隊友完成到挑戰都值得開心。」傑哥講呢句說話嘅時候鏗鏘有力，冇半點遲疑。就如同傑哥同拍擋喺年前創立，專為越野跑而設計嘅品牌Fate所言：眼前見到嘅...

自從2019年嘅10公里挑戰賽以30分51秒亮相馬拉松圈，黃尹雋喺呢3年間不斷突破自己，不斷破紀錄。仍然係香港半馬紀錄保持者嘅黃尹雋，早前更遠赴上海同美國訓練，佢話三地嘅訓練都好唔同，連食飯嘅「規矩」都要留意。黃尹雋坦言，係香港已經比較難突破自己，所以心態、訓練策略同目標都要調整。嚟緊就係渣打馬拉松，黃尹雋有咩貼士分享畀大家？ 主持：牛英 嘉賓：香港半馬紀錄保持者 黃尹雋 Sportunes  網站 |  www.sports...