Sportso-mate｜Sportunes HK

原本係跳繩港隊成員嘅TAITSZ、TEDMA，跳繩都唔夠，仲要加埋跳舞！跳唔停嘅佢哋，早年仲同兩位朋友組成咗Double Dutch組合Ropssy，將跳舞同跳繩兩樣運動嘅可觀性再推高一層次：「就好似普通游水同韻律泳，我哋想令成件事更好睇。」運動量高，表演同練習期間嘅驚險事亦唔少，Double Dutch 有咩咁吸引到佢哋？ 主持：多士、椰青 嘉賓：TAITSZ & TEDMA @ Ropssy   Sportunes  網站 |  www.sportsoho.com/sport...

「嗰度椰林樹影、水清沙幼⋯⋯」原來唔使睇到個畫面，淨係聽歌同跳舞都可以感受到大溪地嘅小島風情。大溪地舞老師Elsie當年一聽到有關音樂就已經愛上，仲遠赴大溪地跟當地老師學跳舞。能夠親眼見證當地人點同大自然連結，Elsie都有另一番體驗。根據Elsie老師介紹，大溪地音樂嘅歌詞都係以講故仔，尤其愛情故事為主，而因為廣東歌都有情歌嘅元素，Elsie老師更加試過以梅艷芳嘅《心債》編舞，呢種Crossover又為大溪地舞帶嚟咩新衝擊？...

有冇發現而家嘅公園少咗好多「馬騮架」？究竟係以前嘅小朋友大膽啲，定而家嘅小朋友冇機會放膽去試？土炮忍者鍾衍洋（阿洋）本身係一位障礙競技運動員，2022年正式開始咗佢嘅忍者障礙訓練場。喺阿洋嘅Ninja Park入面，小朋友可以盡力做個小忍者擒高擒低，玩到手甩皮玩到喊。你可能會問：「佢哋唔驚㗎咩？」 忍者老師阿洋就問返你：「人嚟㗎喎，點解唔可以驚？」 主持：多士、椰青 嘉賓：土炮忍者 鍾衍洋 Sportunes  網站 |&nb...

19歲嘅時候因為腦瘤影響視神經，子賢嘅視力喺一個月內跌到得返一成。初期嘅佢每日都喺哭泣中渡過，後來喺家人同朋友嘅支持下，佢接觸咗馬拉松，仲曾經遠赴台灣比賽。雖然睇唔清楚比賽環境，但領跑員義工都幫到子賢感受當下嘅好風光。子賢曾經好熱愛足球同手球，但視力受損後就好少再玩。佢慨歎，現今可以畀視障人士參與嘅運動唔多，刺激感亦不大，所以佢好想喺將來同一班有心人發掘更多有趣嘅運動體驗。 主持：多士、椰青 嘉賓：視...

「細細個去街場跟隊，施丹式的轉身濕濕碎」 —— 《如果我去踢南華》 本地樂隊Senseless夾Band夾咗接近20年，創作咗好幾首歌詞貼地、一聽就甚有共鳴嘅作品，其中包括講足球嘅《如果我去踢南華》同講毅行者嘅…《毅行者》。兄弟嘅感情，除咗建立自音樂，仲嚟自熱血得嚟得啖笑嘅運動經歷。唔識游水但一齊玩外展越野、抽住筋都要等埋划艇未返到嘅隊友，鼓手細廉：「Senseless就係咁，甩甩碌碌，但最後會發覺過程係絕對值得享受。」 主持...

拯溺接力除咗要夠大力抬起個假人之外，原來仲要好似西部牛仔咁練拋繩？ 「拯溺真係好好玩！」明明講緊救人竟然用「好玩」嚟形容？原來拯溺有海外比賽之餘，香港都有學屆賽！今集Sportsomate有黎曉彤同陳穎臻兩位拯溺教練講吓比賽好玩之處，仲會分享八號風球下出海訓練嘅驚險故事。 主持：多士、椰青 嘉賓：香港拯溺教練 黎曉彤、陳穎臻 Sportunes  網站 |  www.sportsoho.com/sportunes Instagram |  www.instagram...

4月4日係日本搖搖日，所以Sportsomate第44集請嚟「搖搖大叔」黃偉鑠（阿反）講吓佢嘅搖搖生活。破完世界紀錄，阿反繼續昂然走佢嘅搖搖路，用自己嘅能力推動搖搖風潮。除咗開設全香港首個廣東話搖搖頻道：開箱二十年前搖搖、教新手玩搖搖之外，佢仲將香港Vtuber嘅音樂帶上自己嘅表演舞台，將不同年代嘅潮流擺埋一齊。「好想將香港嘅次文化（希望有日會成為主流啦）分享畀更多人認識。」阿反如是說。 主持：多士、椰青 嘉賓：資深搖...

呀吓～～～我要飛往天上～～個個都話要飛，唔通個個都識飛咩？香港滑翔傘教練 袁偉傑 （傑Sir）就係少數真係曉「飛」嘅人。飛行經驗已經有23年嘅傑Sir，啱啱先喺日本玩完滑翔傘返嚟，今次仲有60幾歲嘅學員同佢一齊飛。喺天空望住富士山嘅感覺究竟係點㗎呢？日本飛同香港飛又有咩唔同？除咗滑翔傘，傑Sir原來仲識揸飛機，佢話喺美國嘅日子，真係因為會驚塞車而決定以飛機代步㗎！ 主持：多士、椰青 嘉賓：香港滑翔傘教練 袁偉傑 Spo...

啱啱先由1字頭變成2字頭，以為擂台上嘅少年拳手林敬皓（Tony仔）會有初出茅廬嘅氣燄，但自認「MK」嘅佢，其實沉穩謙虛得嚟仲比一般同齡人成熟。問佢點睇近排熱播嘅拳擊電視劇，佢話：「劇情需要啫。」閒時睇吓書、同媽媽種下多肉植物，近排仲開始學彈琴，Tony話佢好希望兼顧學業同拳擊之餘，仲可以更認識自己，認識世界。 主持：多士、椰青 嘉賓：少年拳手 林敬皓 Sportunes  網站 |  www.sportsoho.com/sportunes Insta...

Kinson話畀大家知，每個人都可以用自己嘅力量支持香港運動員。「個Page係我自己嘅，大條道理盲撐香港運動員都得啦！」 就係咁，Kinson開始咗每日留意香港運動員動向嘅生活，工餘時間就睇返運動員比賽嘅片段。佢好希望大賽過後，大家都會繼續關注呢班努力將「香港」呢個名帶上國際舞台嘅功臣。香港勁揪，香港運動員勁揪！ 主持：多士、椰青 嘉賓：《香港運動員勁揪》版主 Kinson Sportunes  網站 |  www.sportsoho.com/sp...

二十出頭就被選為香港女子板球隊隊長，陳嘉瑩（Kary）至今已經飾演呢個角色好幾年。當初同隊員debriefing都戰戰兢兢嘅佢，今日同大家嘅關係已經仿如一家人。隊員需要情緒支援，隨時都可以搵Kary；咁Kary好迷失嗰陣，又可以同邊個講呢？尤其係已經喺板球隊浸淫咗十幾年，Kary話有時都會諗自己仲可以點行落去，究竟作為隊長嘅佢近來面對緊啲咩課題？ 主持：多士、椰青 嘉賓：香港女子板球隊隊長 陳嘉瑩 Sportunes  網站 | ...

有冇發現《Sportsoho》11月號—《我們的籃球學園》嘅封面，有幾隻好搞鬼嘅卡通？當呢幾個角色「活生生」咁企喺你面前，你見到嘅究竟係T-bone定Joman？係阿Finn定係Bosco？吉祥物演員平時係點演繹角色？運動量又會唔會特別大呢？ 主持：多士、椰青 嘉賓：Mascot演員 Joman&Bosco Sportunes  網站 |  www.sportsoho.com/sportunes Instagram |  www.instagram.com/sportunes_by_sportsoho Facebook |  www.fa...

如果功夫+足球有得做，戲曲+Hip-hop又得唔得呢？傑仔就相信一定得，所以佢著住京裝，以武生身分喺新光戲院參與咗一場Hip-hop表演，台上台下都非常享受。除咗一般人認識嘅「身段」、「筋斗」，傑仔仲進修咗「變臉」，希望嚟緊可以繼續喺傳統文化中注入新血，令兩邊都愈做愈好。 主持：多士、椰青 嘉賓：多元演藝人 徐俊傑（傑仔） Sportunes  網站 |  www.sportsoho.com/sportunes Instagram |  www.instagram.com/s...

幾年前因為爸爸過身，香港跆拳道運動員黃嘉威患上咗嚴重抑鬱症，收埋咗自己兩年冇見人。嘉威形容「品勢」就係佢嘅救命草，藉住訓練令佢由低谷行返出嚟。啱啱過去嘅亞洲錦標賽，係嘉威參與跆拳道三十年後，首次代表香港出戰首爾實體賽。其中嘅過程雖然好「Chur」，但對嘉威嚟講，可以話係畢生難忘。當時燃燒生命嘅行程究竟係點？平時訓練點解要不斷播觀眾歡呼聲？ 主持：多士、椰青 嘉賓：品勢錦標賽銀牌(女子41-50歲個人項目)得主...

運動攝影係攝影界入面一個專業類別，因為佢有自己一套構圖同捕捉影像嘅模式。今集《Sportsomate》嘉賓Lampson Yip，有多年運動攝影經驗，喺佢嘅鏡頭下出現過無數香港運動員，同令人難忘嘅香港體育歷史畫面，你唔多唔少都會睇過佢嘅作品。究竟運動攝影除咗要識影相，仲要識啲乜嘢？揀相有咩準則？Lampson 同運動員之間嘅關係又係點㗎呢？ 主持：多士、椰青 嘉賓：運動攝影師 Lampson Yip Sportunes  網站 |  www.spo...

陳雪華（MC Eddie），熱愛參加比賽嘅你未必認得佢個樣，但就好大機會聽過佢把聲。一場體育活動，除咗參加者同佢哋嘅支持者，仲有一個角色係無處不在—— 運動司儀。MC Eddie都係運動狂熱分子，會唔會因為咁，令到佢更加識得喺場上搞氣氛呢？颱風之下做大會MC，又有咩咁特別？今集《Sportsomate》，有MC Eddie 喺你耳邊吶喊助威。 主持：多士、椰青 嘉賓：Title n Name Sportunes  網站 |  www.sportsoho.com/sportunes Ins...

香港可以「以舞會友」嘅公眾地方已經唔多，位於天水圍嘅「銀座」算係碩果僅存嘅樂園。June同Bulu都喺銀座跳舞大，一跳就跳咗十幾年，由初初一片大草地跳到而家嗰個四四方方嘅廣場。日頭嘅銀座只係區內居民或者酒店住客食飯同買日用品嘅商場，原來入夜就會變成另一個世界。男女老幼、唔同出生地、唔同國籍⋯⋯只要鍾意跳舞就可以加入成為Ginza Family嘅一份子。Family喎，係愛呀 ❤️ 主持：多士、椰青 嘉賓：June & Bulu @GinzaFam...

「頑張って」係日文中嘅加油，有一齊努力、盡力而為嘅意味，本地樂隊Kolor有份搞嘅「頑張跑」都本住呢個宗旨，開始咗一班人定期嘅跑步練習。參加頑張跑會嘅人未必個個係運動精英，但「出到門口，已經贏咗」，每次都比上一次進步少少，已經對得住自己、對得住跑會。今集有Kolor主音Sammy，同大家分享跑友間飲跑食醉嘅故事，互相影響，各自成為更好嘅自己。咬住信念，由零起，總會到。 主持：多士、椰青 嘉賓：Sammy@Kolor  Spo...

曾經重達88.8kg，因為手執雪梨茶而畀爸爸強烈勸喻減肥，孟燁熙（Harold）都冇諗過自己會成為第一屆全港中學及大專聯校健體比賽中學組冠軍。恆心同堅持令佢嘅青春多咗重要嘅一頁，原來盡咗力之後仲有更多力量可盡。預備比賽期間，Harold嘅自律令屋企人同朋友都為之欽佩。初生之犢不畏虎，但Harold今集嘅分享並冇大眾眼中嗰種冠軍嘅氣燄，聽佢講比賽要搽油等等嘅小故事，反而令成件事更著地。 主持：多士、椰青 嘉賓：中學健體比賽冠...

「落雨跑步有咩問題？你本身防水㗎喎！」運動勵志（唔講得）Kwan 喺2020年開咗個Page，志在鼓勵世人做運動，自強鬥長命。當你做任何嘢都欠缺動力，適時畀人鬧吓其實都係一個好方法。Kwan嘅文字，就好似一個同你識咗好耐嘅朋友，恨鐵不成鋼，所以喺你耳邊叫你起身郁吓：「受傷唔緊要，最緊要係唔好再受傷」，抵死得嚟又幾啱聽。 主持：多士、椰青 嘉賓：運動勵志（唔講得） Kwan  Sportunes  網站 |  www.sportsoho....

鄭璟樂（KingLok）由細踢波踢到大，仲試過踢到上甲組，以為咁就一世，偏偏個天就畀佢跌一跌，令佢望到其他方向。隨心而行，反而有啲意想不到嘅驚喜：踢波變成份外珍惜嘅興趣，同一時間出現更多有趣嘅機會。本住 「我點會做唔到啊？」 嘅精神，佢仲試過啲乜？今集《Sportsomate》 試下除低你嘅眼鏡，一齊發掘啲新嘢，認識吓 「最上鏡先生」 以外嘅KingLok。 主持：多士、椰青 嘉賓：香港業餘足球員暨模特兒 鄭璟樂  Sportunes&...

「媽媽，我攰，但我瞓唔著。」你有冇試過瞓得好差？或者嚴重到晚晚失眠？有人話，做運動就會瞓得好啲，但你嘅運動量已經好夠，點解仲係瞓得唔好？今集《Sportsomate》嘅嘉賓，功能醫學及睡眠顧問Cavan Chan主張唔用藥物去幫助人瞓一個好覺，等你做運動甚至日常生活都可以提高效率。聽吓Cavan平時會畀啲咩建議運動員，齊齊跟Cavan學吓呼吸，祝你一夜好眠。 主持：多士、椰青 嘉賓：功能醫學及睡眠顧問 Cavan Chan Sportunes ...

一切由曲棍球開始。因為曲棍球，李峻瑋(Thomas)踏上咗國際舞台；因為曲棍球，Thomas喺短短3年成為咗港隊教練；因為曲棍球，Thomas接觸咗唔同嘅新興運動，仲孭起咗推廣新興運動嘅角色。如果話千里馬需要伯樂，咁令Thomas行到今日嘅伯樂，可能就係曲棍球呢樣運動。Thomas：「運動係我嘅生命，我想同佢建立最緊密嘅關係，行得幾遠得幾遠。」 主持：多士、椰青 嘉賓：香港曲棍球運動員 李峻瑋 Sportunes  網站 |  www.sports...

居合道，傳統日本武道。香港尊武館負責人梁家安（武名：嘉光）館長，喺二十五年前因為一把劍認識咗居合道，經過不斷修鍊成為鍊士，後來仲成為師範並喺香港推廣呢項日本文化。居合道唔單止係一套劍術，仲係收心練技嘅一個過程，從拔劍收鞘，到集中呼吸，每一個動作都要同自己嘅身心結合。今集《Sportsomate》 同大家一齊學習雷之呼吸，修心、技、體。 主持：多士、椰青 嘉賓：戶山流居合道尊武館 梁家安館長 Sportunes  網站 |...

「Twerking（電臀舞）就好似榴槤咁，有人好抗拒，有人鍾意到死。」 香港Twerking Dancer Ting Ting 一定就係後者。就算佢嘅工作同佢鍾意嘅舞蹈冇任何關連，因為有呢個精神寄托，Ting Ting 嘅人生似乎仲有享受嘅空間。Twerking 喺香港尚未普及，少不免會有難聽嘅評價：核突、鹹濕、Show-off… 但Ting Ting 一於少理：「我就係鍾意，咁點吖？點解人哋可以我哋唔得？」 今集《Sportsomate》，一齊發掘呢個舞種嘅吸引之處。 主持：多士...