Sportso-mate｜Sportunes HK

好多人話孖仔會有心靈感應，香港手球代表翊暉、翊文都直認不諱，仲話單靠一個眼神已經知對方諗乜。由出世一刻，兩個已經形影不離，連興趣、喜好都非常相似，係兄弟、係朋友、係Soul-mate，更加係合作無間嘅隊友。孖仔身份有冇幫助到兩位嘅訓練？成長過程又有冇曾經因為同對方太Close而心生厭惡？今集《Sportsomate》同大家感受吓孖仔之間嘅愛。 主持：多士、椰青 嘉賓：香港手球孖仔代表 簡翊暉、簡翊文 Sportunes  網站 |&nb...

鍾意踢足球嘅朋友，一年換一兩對波Boot係等閒事，所以最好嘅so-mate除咗係你嘅隊友之外，仲有賣波Boot畀你嗰位。Cyrus早年喺大西北開始咗佢嘅波Boot小生意，佢話除咗係因為自己都好鍾意錫波之外，仲因為佢覺得元朗、天水圍嘅足球文化熱烈啲（不服來辯！）。波Boot店營運至今超過6年，Cryus嘅客人層面已經擴展到港超球星，當日攞住對波Boot去更衣室畀佢嘅偶像，Cyrus究竟有咩感覺？客人同佢嘅關係又係點㗎呢？ 主持：多士、椰青 嘉...

細個睇住卡通入面嘅小美人魚喺水底自由自在轉圈跳舞，你有冇幻想過自己有日都可以做到？Mermaid Ocean Palace 嘅編舞老師 Christel 細個唔鍾意游水，但就對美人魚好著迷，估唔到大個之後真係成為咗一條美人魚！原來現實中嘅美人魚有排實的的嘅腹肌；原來美人魚落到水底第一樣要控制嘅嘢係頭髮？今集《Sportsomate》有Christel帶我哋一探童話中嘅海底世界。 主持：多士、椰青 嘉賓：美人魚編舞老師 Christel&nb...

動作特技，動作同特技同樣重要。香港特技演員陳俊峰（MJ）同蘇海傑（蘇狗）異口同聲咁話，特技人就係要有特別嘅技能，仲要唔可以淨係得一樣，樣樣識啲先夠格，簡單嚟講即係百厭囉！除咗打鬥場面，原來文戲都需要動作設計？今集Sportsomate有兩位電影幕後功臣妙語連珠、句句啜核咁同你傾吓香港電影。 主持：多士、椰青 嘉賓：香港動作特技演員 MJ、蘇狗 Sportunes  網站 |  www.sportsoho.com/sportunes Instagram |&nbsp...

極限運動有好多種，Tricking 畀人感覺總係輔助嘅角色，但教練Dream就唔係咁諗：「我會盡量推咗做替身嘅工作，想人哋了解同明白，Tricking 本身就係一種獨立嘅運動。」每個人生來嘅劇本都唔一樣，認清自己嘅定位同特色好重要，因為咁樣你先可以做人生嘅主角。Dream做人都係一樣，一直相信每個人都係特別嘅佢，唔再同人比較或競爭：「所有嘢都係做好自己就夠。」 主持：多士、椰青 嘉賓：極限運動——Tricking 教練 Dream Sportunes&nb...

做開運動嘅朋友，應該會對訓練裝備特別上心。如果可以著住一對獨一無二、代表到自己嘅鞋上場比賽，會唔會寧舍落力呢？阿Kiu由2014年開始畫鞋，到近幾年仲開始埋客製波鞋嘅生意，連世一香港劍擊運動員張家朗同日本殿堂級組合W-inds都曾經擁有過阿Kiu嘅作品。今集《Sportsomate》，同大家聽吓客製波鞋嘅趣事。 主持：多士、椰青 嘉賓： 手繪波鞋迷妹 阿Kiu Sportunes  網站 |  www.sportsoho.com/sportunes Instagram |&nb...

講起Mate，運動員嘅同伴除咗有一齊訓練嘅朋友之外，當然唔少得幫大家身體「執手尾」嘅醫師。球隊有隊醫，亦有人會搵物理治療師，但接觸一般市民較多嘅，相信非跌打師傅莫屬。梁天柱師傅嘅醫館以粉紅色骷髏室內設計而聞名，其中仲有好多有別於傳統嘅發展方向，用創意保留傳統技藝，梁師傅喺Marketing上嘅頭腦不容小覷！ 主持：多士、椰青 嘉賓：潮爆跌打醫館 梁天柱師傅 Sportunes  網站 |  www.sportsoho.com/sportunes...

閃避球+飛碟（飛盤）= 躲避盤？身為香港第一批躲避盤教練，豪Sir曾經好似聖誕老人咁孭住成袋躲避盤，逐間逐間學校叩門𠱓啲體育老師畀佢哋免費試教，又試過遠赴台灣邀請當地教練嚟香港培訓新血。咁辛苦究竟為乜？時速達到100km/h嘅躲藏盤又有乜咁吸引呢？今集Sportsomate同你一齊了解呢種新興運動！ 主持：多士、椰青 嘉賓：躲避盤教練 豪Sir Sportunes  網站 |  www.sportsoho.com/sportunes Instagram |  www.inst...

玩物唔單止冇喪志，仲玩到參加世界賽、攞獎學金再創業！講緊嘅係只得17歲嘅香港劍球運動員沈靖殷 。靖殷由六年級開始接觸劍球，一見鍾情之下就開始努力鑽研技術。隨身帶住劍球，轉堂小息Lunch Time都要玩兩下，玩到老師巡樓嗰陣主動叫靖殷教佢哋玩。近排佢仲玩到開埋自己嘅劍球網店，呢啲係咪青出於藍嘅最佳例子？ 主持：多士、椰青 嘉賓：香港劍球運動員 沈靖殷  Sportunes  網站 |  www.sportsoho.com/sport...

有冇發現香港人特別鍾意啲得啖笑嘅嘢？人生已經好多框框，每樣嘢都需要定義，或者因為咁，我哋對唔按牌章運作嘅嘢特別著迷。就好似你屋企嘅廚房咁，佢只係一個好細嘅空間，甚至乎一個電磁爐已經係所有，但喺今集嘅嘉賓阿業眼中，入面就有好多可能性、有好多部分值得觀察。第七屆廚房舞王大賽，聽落好無聊，但無聊事認真做，仲算唔算無聊？ 主持：多士、椰青 嘉賓：第七屆廚房舞王大賽搞手 阿業 Sportunes  網站 |  www.s...

Hamza 薩文杰喺香港土生土長，正宗熱愛運動嘅香港仔，跑步、踢波同跆拳道都難佢唔到。作為一位虔誠伊斯蘭教徒，Hamza 啱啱先完咗齋戒月。日落先食得嘢嘅佢，連瞓覺時間都唔夠，當時訓練嘅時間表要點調整？而家又要點做先可以回復到齋戒月之前嘅體力，繼續佢嘅訓練？今集Sportso-mate有巴基斯坦裔香港運動員Hamza，用最地道嘅廣東話同大家分享一路以嚟嘅成長故事！ 主持：多士、椰青 嘉賓：巴基斯坦裔港人 Hamza 薩文杰 Sportunes&n...

爺爺喺1982年創立咗飛虎龍舟隊，三代同堂，喺一家人嘅薰陶之下，鄭文達（達仔）自懂性以嚟已經接觸龍舟。眼見愈嚟愈多家族以外嘅人對水上文化充滿好奇，達仔決定接棒，成立咗子隊雷狼龍舟隊，利用運動科學做基礎，以新嘅教學方法吸納新人。對達仔嚟講，傳承唔係淨係講緊將舊嘅一套不斷重複，而係取長補短、與時俱進，先可以將祖輩嘅精神同人情味延續落去。 主持：多士、椰青 嘉賓：三代龍舟傳人 鄭文達 Sportunes  網站 |&nbs...

12個鐘頭絕對唔係短時間，Stanley 就用咗嚟挑戰交叉跳繩世界紀錄，幫慈善機構籌款。用咗一年時間去籌備同訓練，中途試過攰到3日隻腳都郁唔到，甚至喺第一日已經打定輸數覺得唔會成功⋯⋯ Stanley 係點樣說服自己堅持落去？挑戰期間，佢其實諗緊啲咩，朋友同親人嘅打氣聲佢又係咪真係聽到？堅持同執著似乎好重要，Stanley：「人哋話我唔得，我就偏要得畀佢哋睇！」 主持：多士、椰青 嘉賓：12小時交叉跳世界紀錄保持者 Stanley Lo&nbs...

Parkour，又名跑酷運動，喺香港會有人稱佢為飛躍道。籠統啲去理解，一般人會話係天台之間跳嚟跳去嘅危險運動，但Parkour愛好者Jeff就浪漫地表示，Parkour其實係人同周邊環境嘅互動。試過因為練習導致爆頭、脛骨受傷，不斷為媽媽實施震撼教育嘅Jeff，話Parkour就係佢熱情所在，就算他日身體承受唔到，佢都一定會以其他方法永續呢個興趣。 主持：多士、椰青 嘉賓：香港 Parkour 愛好者 Jeff Sportunes  網站 |  www.sports...

禪柔運動，又叫脊椎螺旋運動，係一套糅合舞蹈、游泳、瑜伽同太極嘅動作。原本係一位舞者嘅 Olivene Adi，自己都有脊椎側彎嘅問題，多年前經朋友介紹，就接觸咗呢項正中下懷嘅運動，後來仲成為呢項運動嘅導師㖭！禪柔無分對錯，每一刻都可以按身體畀你嘅訊號而調整動作，Go with the flow，讓生命順其自然。 主持：多士、椰青 嘉賓：禪柔運動 Olivene Adi Sportunes  網站 |  www.sportsoho.com/sportunes Instagram |&nb...

原來玩冰壺唔使識溜冰！冰壼一直都係偏冷門嘅運動，通常都係國際大型運動會之後先多人留意。香港冰壼運動員甄浩天（Martin）就好希望香港人唔好咁快遺忘「冰上象棋」，鼓勵大家多啲了解冰壺呢項需要鬥志鬥力又訓練思考嘅運動。Martin仲話，因為唔係太多人熟悉冰壼，喺香港都鬧出過唔少笑話！《Sportsomate》第10集，同大家笑住聽冰壼運動員 Martin 遇過嘅蝦碌趣事。 主持：多士、椰青 嘉賓：香港冰壺運動員 甄浩天 Martin Sportune...

好多年青一代都希望長輩們可以開放啲接受新事物，但照吓鏡，自己又係咪真係咁 open-minded？我哋會唔會都不知不覺將自己擺咗喺既定框架入面，墨守成規但自以為創造緊新嘅文化？分別喺英國同香港跳咗多年 Breaking 嘅 B-boy Just Roc，除咗跳舞，仲有參與街頭塗鴉。對 Just Roc 嚟講，街頭塗鴉係跳舞以外一個治癒自己嘅途徑，冇人話成世只可以專注喺一樣嘢。只要核心價值不變，解放頭腦，嘗試多啲唔同嘅路向都未嘗不可。 主持：多士...

兩姊妹，關係唔好就打交打到大； 關係好就一齊行街買衫睇戲食飯⋯⋯ 而熱愛街頭健身嘅黃楚穎同黃楚恩，維繫姊妹感情嘅方法竟然係徒手舉起對方！作為前柔道港隊成員，楚穎楚恩享受互相創作套路之餘，間中仲會Set啲挑戰畀對方，係另類溫馨呢～ 今集《Sportsomate》有黃氏姊妹齊上齊落，分享香港街健館一路走來嘅故事。 主持：多士、椰青 嘉賓：香港街健館創辦人 黃楚穎&黃楚恩 Sportunes  網站 |  www.sportsoho.com/spo...

貪玩唔係青年人嘅專利，任何年紀嘅人都可以按自己能夠承受嘅風險探索世界，Mario 話 work life balance 喺香港原來都可行！喺滑雪教練嘅角度，將滑雪方式融入長板，務求縮短初學者掌握滑雪技巧嘅時間（重點係，呢個計劃喺香港進行！）赤道陸上滑雪補完計劃搞手 Mario 憑住任性，同少少嘅好勝心，喺香港開始咗佢嘅 「Working Holiday」。教人赤道陸上滑雪之餘，Mario 都不斷用自身經驗鼓勵大家走出自己嘅舒適區，體驗人生。 主持：...

早排東京奧運，唔同電視台都有相關評述節目，其中一位比較年輕嘅主持就係今集Sportsomate嘅嘉賓李莉(Lily)。好多人認識Lily，都係因為某電視台嘅選美節目，但佢其實係體育記者出身，仲從未冇諗過自己會成為幕前！曾經畀人質疑過係「花瓶」，但Lily竟然覺得係好事？孭住呢啲評論，佢係點樣踏上而家呢條路，實現佢其中一個最大嘅夢想——做奧運主持呢？今集有Lily、多士、椰青同你嘈住傾！ 主持：多士、椰青 嘉賓：開電視奧運主持 李莉...

細個參加學校陸運會，聽到看台嘅人幫自己打氣、嗌口號，好似真係會跑得快啲落力啲。到大個咗出嚟做嘢，有時都會想失意之時，有個人喺隔離同你講句「加油」。你話啦啦隊呢樣嘢幾咁被低估！唔知要幾正能量嘅人，先可以以幫人打氣為興趣，做埋啦啦隊運動員呢？究竟係因為本身性格適合，定係呢項運動培養到呢種性格？今集有競技啦啦隊運動員 Kimberly，幫你打氣之餘，分享埋佢點樣幫自己打氣。 主持：多士、椰青 嘉賓：香港競技啦啦隊...

Mamba Mentality，嚟自 NBA 傳奇球星 Kobe Bryant 嘅自傳《曼巴精神》，講緊嘅係熱情、執著、堅韌不懈、無所畏懼，同埋「傳承」。 本地 Hip Hop 組合「黃禍」成員 JYD，深受曼巴精神嘅影響，Kobe 除咗啟發咗佢對生命嘅熱情之外，仲令佢將音樂、籃球同推廣素食呢幾樣睇落風馬牛不相及嘅事結合，塑造咗 JYD 自己嘅人生故事。Kobe 有個籃球學院，JYD 都搞咗 Hip Hop 101， 希望推動本地 Hip Hop 嘅可持續性發展。究竟喺 JYD 嘅世界，M...

有咁多波睇，點解會揀睇香港足球？阿邪：「喺現場睇港足，佢哋踢得差而你用粗口鬧佢哋，佢哋係會有反應！」單憑呢一點，你大概都知點解睇港足寧舍唔同。入場支持香港足球，可能你一早都有做，每次嗌「香港加油」都與有榮焉。而對港足狂迷阿邪同阿屠，兩位追香港足球追咗10年嘅後生仔嚟講，入場睇波除咗係為感受現場氣氛之外，更加係要將自己同香港足球連結埋一齊：外援嚟香港前，係踢咩㗎呢？點樣可以令球迷長期支持香港足球？呢啲...

連登地圖師兄首度以行路能人嘅身份，用聲音同大家近距離接觸。個個都行路，唔通個個都鍾意行路咩？但連登地圖師兄——海原電鉄就真係鍾意行路同遊車河，就好似佢鍾意香港呢個地方一樣。喺香港地圖上面，師兄用自己雙腳，行咗個「掂」字出嚟。師兄話，細心留意就會知香港有好多可愛同有趣之處。究竟一個行路 Project，中間要計劃咗幾耐，師兄又遇過啲咩特別事？嚟緊佢又會有咩新嘅行路 Project？要聽吓今集Sportso-mate喇！ 主持：多...

阿簡，一直以音樂監製此身份為人所熟悉。熱愛音樂的他，原來對足球同樣熱情，帶著C AllStar四子實現音樂夢之餘，亦以同樣程度的韌力經營了FBFC香港巴塞官方球迷會足球隊。音樂監製、經理人、領隊三種角色到底有何相似之處？阿簡的「領隊」人生中，又有何趣事？ 主持：多士、椰青 嘉賓：音樂監製 阿簡 Sportunes  網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.fa...