Sportso-mate｜Sportunes HK

坊間曾一度流行「168斷食減肥法」，健美運動員 馬倩宜（Happy）就認為，與其視斷食為減肥目標，不如將佢變成鍛練身體及意志力嘅過程，甚或係一次休息。因為屋企人唔舒服，Happy喺多年前決心完成營養學課程，希望以知識彌補不斷來襲嘅無力感。有咗營養學同健身背景，Happy更敢於以不同方法紀錄及認識自己身體嘅變化，主宰個人身心生活，其中斷食就曾經幫助佢走過暴食症嘅陰霾。早前Happy同健身團隊成員完成3日嘅「升級版」斷食體驗...

已經有13年攀樹及樹藝經驗嘅Jason，就好似一位幫大樹診症同做手術嘅醫生。 試過喺澳洲參與修樹工作，剪多一寸樹枝都會被質疑唔夠專業；返到香港，客人會想佢剪得幾多得幾多。同樣喺香港成長，Jason話佢理解香港客人嘅諗法，但每次「落刀」都會有種惋惜嘅感覺。作為樹藝師，Jason同樹嘅關係好微妙，佢話呢13年嚟，每一次嘅「手術」都係一場學習。因為喜歡樹、鍾意攀樹，Jason甚至會參加攀樹比賽同外國選手交流技術。如果你都對呢個...

啱啱喺Mega Ice Hockey 5's為自己嘅球隊攞到U9B組別冠軍嘅梁嘉晉 （Jasper），人仔細細已經百足咁多爪。除咗打冰上曲棍球，仲玩埋山地單地、花式單車等等嘅極限運動，不過佢話暫時最鍾意嘅始終都係冰球。雖然有時去比賽要早起身過平時返學，打波前又唔夠時間食早餐，仲試過畀教練打Pat Pat⋯⋯ 但諗起自己有盡力傳波畀隊友做到MVP，婆婆同媽咪又覺得自己好有型，都想繼續玩落去。今集《Sportsomate》有節目開播以嚟最年輕嘅嘉賓Jaspe...

視障馬拉松運動員傅提芬（Inti）係全港首位完成六大馬拉松嘅視障運動員。視力受損令工作受限制，Inti一度以為自己走唔出呢個困境，幸好後來接觸咗長跑，先發現生命有好多可能，Inti更加形容馬拉松為佢帶嚟「第二人生」。用咗九年時間，完成咗世界馬拉松大滿貫呢個夢想，Inti話過終點一刻有種如釋重負嘅感覺，嚟緊會想試吓玩跳傘！Inti享受跑步，亦希望更多視障人士可以體驗運動帶嚟嘅樂趣，所以佢同幾位朋友創立咗「跑在黑暗」呢個...

YouTube 頻道「試當真」嘅成員許賢，經常以足球比喻人生，諗起足球就自然會諗起佢。腎仔話，其實熱愛足球嘅人非常多，只不過係佢比較善於表達，所以好快就令人聯想起佢。但真正鍾意一樣嘢嘅人又點會安於現狀？推廣足球不止於拍片講經，仲令許賢踏入咗青少年訓練嘅世界，早排佢就試過上場做助教，一班3-7歲嘅小朋友企喺面前，許賢學到啲咩？訓練嘅過程中，許賢試過叫個3歲嘅小朋友留意重心，究竟佢哋係咪真係聽得明呢？面對呢啲蝦碌...

早前全城陪滕毅康（阿康）考DSE公開試，大家身邊就好似突然多咗個細佬咁。呢位細佬喺鎂光燈下慢慢長大，學習成為一個會為自己負責任嘅大人。DSE對阿康嚟講，就好似一個分水嶺咁，為佢劃下咗兩個成長嘅時區。曾經係香港五人足球U17代表隊成員，但當時喺場邊嘅時間仲多過喺場內，三不五時就畀教練的出嚟個別輔導，阿康回望呢段時期有咩感想呢？DSE完結，冇咗呢個要畀盡120%力嘅目標，阿康嚟緊又有咩打算？今集《Sportsomate》一齊同...

幕前形象總係靚靚女女、斯斯文文嘅米露迪，近年成為咗一位會參與16公里長課、盡情揮灑汗水嘅運動新手。第一次玩斜路放題、第一次太陽曬到應一應咁跑城門河、第一次參加跑步比賽⋯⋯運動為佢帶嚟咗好多嶄新嘅體驗。以前唔係好願意郁嘅米露迪，點解突然會參與跑步？平時日程滿滿已經好攰，又係啲咩驅使佢點都要落街跑一轉呢？女仔怕流汗怕辛苦，今集《Sportsomate》有米露迪用過來人身份同你分享，點樣做住運動Keep住靚！ 主持：椰青...

香港電臀舞團「港股」早前遠赴西班牙參加國際電臀舞錦標賽（International Twerking Champions, ITC)，成員春兒更加以香港代表身份殺入Big Final個人賽16強。當人人都為香港電臀舞者榮登世界第一而興奮，原來當時嘅春兒喺歐洲來回地獄又折返人間咗幾暈。夢寐以求嘅世界舞台，爭少少就失之交臂，春兒話多得港股幾個姐姐嘅鼓勵同照顧，如果唔係佢將會後悔一世。食乜嘔乜嘅佢，係點爬到隔離房求救？其他選手見到失去意識嘅佢，又講咗...

世界不斷進步，可能好多你想做嘅嘢，人哋一早已經做咗，但香港花式跳繩會創辦人鄭淦元（Ken Sir）就有唔同睇法。可能係因為太鍾意花式跳繩，Ken Sir 好想大家都愛上呢個運動，所以每時每刻個腦都淨係會諗住點樣吸引更多人留意跳繩。 「人無我有，人有我先，人先我優」 係Ken Sir 嘅座右銘，亦因為咁，唔同嘅群體包括傷健人士、聽障小朋友同幼稚園學生等先有機會接觸呢項有趣玩意。想當然，推廣嘅過程一定經歷過無數次失敗，就好似...

亞運會嘅入場券競爭激烈，就算喺短時間內PB咗兩次，香港跳高運動員張靜嵐依然有一定壓力。人就係咁，總係會首先睇到自己嘅不足，而忽略咗本身嘅優點。呢個時候，身邊嘅人就好重要。無論係無聊聚埋一齊傾吓偈，定係開聲支持鼓勵，佢哋都會係你最好嘅一面鏡。就好似靜嵐嘅朋友咁，一句「我信你會做到！」已經係一支強心針，令佢相信自己嘅能力之餘，亦更有動力追求進步。一時之間睇唔到自己唔緊要，不妨睇睇人哋眼中所欣賞嘅你？ 主...

好多人以為陳安立Brian係運動員出身，但佢就謙稱自己只係一位運動狂熱愛好者。話佢狂熱當然不為過，Brian毫不保留地將自己熱愛運動嘅形象表現人前，實行將運動扣緊生活，仲因為咁得到好多寓工作於個人興趣嘅機會：同運動員們暢談甚歡、踩住單車遊日本呢啲大家應該都見慣見熟。當人人都羨慕Brian工作自由，Brian就話佢所追求嘅自由更大——自律。運動令Brian朝住呢個人生目標愈行愈近，想知佢嘅運動哲學係點？留意今集《Sportsomate》...

曾經喺學界跨欄風靡一時，試過以17歲之齡攞到亞運會資格，但今日嘅楚殷面對「小欄后」之稱依然會一臉怕醜同尷尬。銳意成為職業運動員嘅佢，回憶起當時比賽多過返學嘅時間，有啲咩體會？缺席校內詩歌比賽、放學冇得同朋友一齊行街睇戲⋯⋯聽落好似失去咗好多學生時期應有嘅珍貴片段，但楚殷就因為學生運動員呢個身份踏足過肯亞同摩洛哥等地。得同失究竟係旁人所認為重要啲，定楚殷自己嘅體會重要啲？ 主持：椰青 嘉賓：香港跨欄運動員...

曾經代表過香港參加跳繩亞洲賽嘅Agnes，早年跟隨丈夫移居德國慕尼黑，因為文化嘅不同，佢暫時放低咗跳繩教練嘅身份，但就開展咗另一番事業。初到埗人生路不熟，但流住香港血嘅Agnes又點會咁易放棄？自己組織小組訓練、參加當地嘅比賽、 逐間健身房寄個人履歷⋯⋯Agnes慢慢開始咗佢嘅德國健身教練之旅，仲喺當地獲選為運動品牌大使。德國同香港嘅訓練模式有咩唔同？對於有志移民外國嘅PT，Agnes呢位過來人又有咩忠告？ 主持：椰青 嘉...

每一個當下嘅選擇，都係最好嘅選擇。喺棒球場打滾多年，由運動員轉職成為演員，到近年重返球場代表香港出賽，胡子彤表示：「冇平衡㗎！得取捨。」旁人以為做選擇係一件費心神嘅事，子彤就唔係咁認為。無論喺運動員路上，定係演藝路上，子彤都彷彿係順流而行、因時制宜。對多次提及「個天好公平」嘅佢嚟講，每一個決定都係最好嘅決定，因為當下嘅決定先造就到一啲獨有嘅經歷，係佢揀另一樣嘢嘅時候唔會得到。 主持：椰青 嘉賓：香港...

有冇想像過當你望到香港嘅BBoy企喺2024巴黎奧運舞台嘅時候，你會有咩感覺？BBoy C Plus 施嘉鑫背負住「香港代表」呢個名，去過南韓同日本等地參加奧運積分賽，出國比賽第一樣要學嘅嘢竟然係唔好亂食人參雞！要登上奧運舞台，將香港嘅霹靂舞文化帶畀世界，原來挑戰比想像中更多。跳咗14年舞，BBoy C Plus 形容而家係佢嘅黃金期，奧運資格固然重要，但佢想要嘅嘢遠不止此。要修補霹靂舞圈子嘅斷層，C Plus 覺得仲可以做啲咩？當外國...

加入跳遠只係年幾嘅時間，就迎嚟最後一屆學界比賽，林銘夫（Rina）都係繼續博盡無悔，最後以7米89嘅成績，成功打破學界紀錄之餘，仲破埋U20香港青年紀錄，為中學生涯留低最完美一頁。「最後」呢個詞語聽落好可惜，但其實佢亦意味住新開始即將來臨。朝住全職運動員呢個新章節進發嘅Rina，嚟緊有咩打算？喺哥倫比亞世青賽一臉靦腆嘅佢，又預備好以大將嘅姿態踏上更多嘅世界級舞台未？被喻為「鹽系美男」嘅Rina，對於呢個稱呼有咩感受...

形容自己係內向被動底嘅Michael，從事默劇藝人多年，亦係一位歷奇教練同山藝助教。當我哋以為默劇係靜；歷奇係動，幾樣嘢完全冇共通點，Michael 就話其實各樣運動嘅本質都係一樣，無須特別定義。透過觀察，我哋可以將自己同各個領域連結，揾到「運動」嘅價值。對Michael嚟講，無論喺劇場定係喺山上，每個動作其實都係一場冒險，都係一樣。 主持：椰青 嘉賓：山藝 X 默劇 Michael Wong Sportunes  網站 |  www.sportsoho....

由胡文津（Woody）、黃浩聰、楊志成同曾福祥組成嘅8006小隊，喺剛過去嘅毅行者以11小時38分鐘完成賽事，破咗全香港人隊伍嘅最佳成績。比賽中途腳痛之餘，心口都痛到唞唔到氣咁，Woody要不時大叫先可以令自己條氣順啲，但佢就話心情輕鬆至極，好早已經知隊伍可以順利破紀錄。跑開路跑嘅佢，點解會突然跑山仲決定首戰100公里？每日用16個鐘頭埋首打機，原來就係當中契機！Woody：「唔係呢隻Game，我真係唔會跌落跑山呢個深淵。」 主...

香港人特別鍾意二分法，非黑即白，唔係大眾即係小眾啦？唔係主流咪即係非主流囉！今集嘉賓——唱作歌手黃凱逸（Zelos）就完美將呢種概念打破，喺佢身上你可以睇到融合咗嘅各方面。你以為你對A嘅理解好透徹？偏偏佢散發住B嘅特質；你以為B嘅形象一定係咁，但佢嘅作品又有A嘅味道。粉紅同麻甩，冇話唔可以並存。崇尚「讚要講出口」嘅Zelos其實係位運動健將，羽毛球、手球、排球、田徑甚至龍舟都會見到佢嘅蹤影，大學開始做Gym就一發不...

嚴以律己，下一句係寬以待人，但保錡就唔太在意後面嗰句。人生始終都係為自己負責，運動如是，做人如是。立志成為可以影響人嘅藝人，但對保錡嚟講，人哋做唔做又或者點樣做，其實最後都係自己決定。從來冇覺得自己有責任推動人哋一齊做運動，但當身邊嘅人見到佢對自己愈嚟愈有要求、睇到佢身上可見嘅改變，或者都會想做多一步。音樂同綜藝以外嘅保錡，講起跑步同踢波寧舍認真，今日呢啖「心靈雞湯」，係保錡親自熬製 ，襯熱飲...

《角度》一曲喺香港Hip-Hop界唱到街知巷聞，今集《Sportsomate》嘅嘉賓——歌曲主唱Zain黃智偉就同你企喺另一角度睇。用另一面睇Zain呢位嘻哈界新貴； 睇成軍十年嘅足球隊；睇運動員夢； 睇成長；睇運氣⋯⋯當你見到頭先嘅話題，腦海入面就即刻浮現某啲立場同感覺，可能就係時候轉個角度。愈聽得多，你就愈會發現原來你冇諗過嘅嘢仲多。咁係咪即係代表咩都唔諗，隨遇而安就最好？嗱嗱嗱你又框死咗自己喇～ 主持：多士、椰青 嘉賓：本地...

似欖球又似麻鷹捉雞仔，傳統印度接觸性運動卡巴迪，原來喺20、30年代已經係正式嘅體育項目。Yanson話雖然自己細細粒，但面對身形大過自己兩倍嘅對手都唔會輸蝕。曾經畀對手一下就擲出場外嘅佢，依然享受同隊友喺場上瘋狂大嗌「Kabaddi」嘅日子。Yanson 覺得新興運動同傳統運動喺香港嘅定位好唔同，後者更歡迎「唔係好勁」嘅人嘗試同參與，正正呼應到佢所認同嘅「我們本應瘋狂和荒唐」—— 鍾意一樣運動就應該唔理咁多，試多啲玩多啲...

跑21連繫咗13位年青人，其中一位係將會投身教育界嘅Amy，熱愛音樂嘅佢仲特別為呢個活動創作咗一首同名作品《跑21》： //我 信我 定能 跑過 無懼世上 或有變數 未能阻// 「你信啦，相信就會做到。」呢句說話帶領住Amy揮灑汗水同青春：冇乜跑步底子但膽粗粗同其他成員完成123公里、攞住結他就喺港九新界玩Busking⋯⋯放棄自我設限，好不熱血。Amy仲話希望將來可以用老師嘅身份，以生命影響生命，同學生一齊譜寫人生嘅美麗樂章。媽呀好...

應援，係指各家粉絲為鼓勵自己偶像而辦嘅活動。有人會設計應援紀念品；有人會快閃跳舞；有人會以偶像名義參與慈善活動，而作為「雞湯」（即芯駖@Collar 之粉絲）嘅K Sir，就以應援跑去支持自己嘅偶像。芯駖4月18日生日，K Sir就鼓勵粉絲圈一齊跑4.18公里，將追星同運動結合，追明星之餘亦追埋粒人造衛星（GPS）。常言「粉絲行為 偶像埋單」，唔知Collar又點睇呢班支持者呢？ 主持：多士、椰青 嘉賓：Collar應援跑 K Sir Sportunes&...

標題特登括住個鐵字，係因為Anson做保鏢前，曾經係一名紥鐵工人。點解會由建築界別跳入保護要人界別？過程冇你諗到咁驚天地泣鬼神，純粹因為Anson心入面有團「健身火」想再燒旺啲。紥鐵、保鏢同健身，三樣嘢聽落好似風馬牛不相及，但Anson嘅故事就令佢哋有種特殊嘅連結。今集《Sportsomate》，一齊見證呢位鐵漢嘅追夢之旅。 主持：多士、椰青 嘉賓：職業保鏢 Anson Tse Sportunes  網站 |  www.sportsoho.com/sportunes...