Solveig and Erling Thu

I dag ber vi nokre av dei takkebønnene som vi finn i "Den store familiebønneboka." Nokre av desse bønnene er gamle og slitesterke. Dei har vorte bedne av mange millionar av kristne opp gjennom tidene og er gode for oss å bruka i dag også.

Pinse er den kristne kyrkja sin fødselsdag som må feirast, men pinse er også noko vi kan leva i kvar einaste dag. Pinseglede er fellesskapsglede. Sjå kor godt og vakkert det er når kristne lever i fred og harmoni og fungerer saman i salvinga frå Den Heilage Ande!

Vi har så mykje å takka for. I dag er dette nøkkelorda: Familie, fellesskap, feiring, frukttre og to leirar. Vi er aldri åleine for det er alltid to flokkar eller to leirar som vi er ein del av eller som leirar seg rundt oss.

I dag deler vi ein samtale som Erling hadde med Siri Johannessen i Valle Radio for nokre veker sidan. Dei kjem inn på mange ulike ting knytt til bønn og misjonsarbeid.

Vi er skapte for fellesskap og vennskap. Det er ikkje godt for nokon av oss å vera åleine. Solveig og eg snakkar om vennskapen med Jesus og takkar Gud for gode venner i kjøtt og blod. Vi deler innsikt om korleis vi kan vera gode venner og få nye venner. 

Solveig fortel om ei fantastisk kvinnehelg og Erling fortel om ei fantastisk tverrkyrkjeleg samling om Guds ord. Og innimellom opplever vi mange gode ting som vi har lyst til å dela med andre. Livet med Gud og kvarandre er spennande og utfordringane!

Vi har hatt besøk av to herlege Guds menn som kom som skyer fulle av Andens forfriskande regn til oss på fellessamlinga i Huskjerkå. Mange fekk eit sterkt møte med Den Heilage Ande. Folk vart åndsdøypt, fornya og forfriska i samlinga, men Gud har også gjort mykje anna godt denne veka. 

Vi har vore i England for å feira at Hanna, dotter vår som bur i Leicester, har vorte 50 år ung. Vi fekk også med oss påskefeiring i London i mellom anna Holy Trinity Bromton. Det er kyrkja til Nick Gumble som starta Alfakursa. Men det største er at Jesus vann og vi har vunne!

Vi har vore med på ein fantastisk påskefest der generasjonane har vore saman for Guds andlet. Det starta og slutta med ungdomsleir og fem ungdomar tok imot Jesus som frelsar og Herre. Gud gjer under!

Vi har alltid grunnar til å vera takksame og glade, men gleda i Herren er ikkje avhengig av ytre ting som snø på Jæren i mars. Vi har vore på fleire samlingar og møtt mange gode folk og det gjev oss glede. Bønnekonferansen, Drømmen om Norge, var ei fin oppleving som også skapte glede.

Mange av oss strevar med å vera tolmodige for vi vil at ting skal skje fort. Vi treng å læra at ting tek tid. Det å vera uthaldande og ikkje gje opp er lettare for nokon av oss å forhalda oss til.

Gud møter oss med eit hav av kjærleik og gjer kvardagane spennande og fulle av velsigningar.

Vi takkar for kvardagane og huskjerkå med unge menneske. Solveig les dikt og vi snakkar om Ester og nokre lærdommar frå Habakkuk.

Vi kan sjå tilbake og takka for mange undergjerningar som Gud har gjort. Spesielt har vi sett Gud gjera store under i India. Men vi kan ikkje berre leva på minner, vi kan oppleva Guds nærvær og hjelp kvar einaste dag. Når vi kappast om å heidra og æra kvarandre blir det mykje oppmuntring og glede i kvardagen.

Unge menneske er i fokus når Gud i desse dagane renner ut sin Ande, men også vi eldre kan vera med på vår måte i det Gud gjer i denne tida. Vi takkar Gud for det Gud gjer blant unge menneske og at han fører generasjonane saman. Både unge og eldre treng å ha ein skikkeleg grunnvoll i livet slik at vi ikkje byggjer på sand, men på fjellgrunn. Livet vårt må tola stormane som kjem.

Denne veka har vi opplevd at Gud er med i detaljane. Både i storm og stille er han ved vår side. Han slepp oss aldri og går ikkje frå oss!

No startar eit nytt kapittel med spennade podkastar etter eit lengre opphald.

Martin Sele utfordra meg på Bibeldagen vår å visa korleis eg arbeider med Guds ord. Då vi var saman gav han meg eit avsnitt frå 2 Peters brev. Eg visste ikkje kva avsnitt han ville velja, så eg ikkje kunne førebu meg. Her er eit opptak av det eg tenkte og oppdaga då eg las dette avsnittet

I denne undervisninga ser vi litt på at Gud skapte menneska svoltne og gav dei føde. Han gjorde mennesket til sin medarbeidar for å dyrka og odla. Vår. første plikt er å æra og takka Gud og vi ser på syndefallet i lys av dette.

Solveig og Sara snakkar saman om lovsong og tilbeding.

Bibelen snakkar om å halda avstand til synd og urett, men å halda oss nær til Gud og hans folk. Korleis kan vi praktisera dette med dei koronarestriksjonane vi har i dag?

Bibelen seier at vi skal setja mot i kvarandre kvar einaste dag. VI samtaler om kor viktig oppmuntring er, spesielt i denne tida.

Vi snakkar om dei gode fedrane våre og om det å vera far. Sjølvsagt snakkar vi også om vår himmelske Far.

Vi takka Gud for pinse og mange gilde besøk og glimt av Gud i kvardagen.

Vi takkar Gud for daglege velsigningar og for feiring av to store dagar for landet vårt.