Secunda Mensa

Hoc in episodio, Catherina et Aurora garriunt de culinis suis- Aurora etiam nos monet de difficultatibus quae pertinent ad culinas reficiendas.

Hac in ultima parte sermonis nostri de brassica, legimus praecepta Catonis satis mira: ad alvum superiorem deiciendum.  Si alvus tua non bene se habeat aut si quidam liberi aliquid toxicum vel venenosum consument, sequere haec praecepta Catonis! Alvum si voles deicere superiorem, sumito brassicae quae  erit P. IIII inde facito manipulos aequales tres conligatoque. Postea ollam statuito c...

Hoc in secunda parte colloquii de brassica et Catonis De Agri Cultura pergimus legere de potestate mira brassicae. Locus in "De Agri Cultura" quem tractamus hic impono:  [156] De brassica quod concoquit. Brassica est quae omnibus holeribus antistat. Eam esto vel coctam vel crudam. Crudam si edes, in acetum intinguito. Mirifice concoquit, alvum bonam facit, lotiumque ad omnes res salubre est....

Cato Maior scripsit encomium brassicae (capitulo 156 De Agri Cultura ) quod prorsus tractamus.  Si vis, de generibus brassicae et nomina propria discere potes etiam praecepta ad assulas ex brassicis tostas apud Coquamus .  

Hoc in colloquio, Timotheus et Catherina de zingiberi garriunt.  Qualis est sapor?  Qualis est aspectus?   Quomodo possumus coquere (et braciare) zingiberi?  Estne inter utilissima condimenta? 

Consilium erat colloqui de pistrinis (locis in quibus panes parantur) sed hoc in episodio Catherina Timotheusque garriunt de nexo inter caffeam, panes, et musicam.

Hoc in colloquio, de certamine summo harpasti americani loquimur.  Quales cibos soletis coquere et sumere hoc die celeberrimo?   Alae gallinaceae tibi sumendi sunt hoc die?  De his rebus, et nonnullis nugis aliis garrimus.

Hoc in episodio, de coquina indica garrimus.  De condimentis multis et sapidissimis loquimur; etiam de ferculis praeoptatis nostris indicis loquimur.  Fruamini!

Hac in parte altera satis longi sermonis, de praeceptis coquendi ab Antonio (ille coquus ex Queer Eye) monstratis colloquimur et de benignitate illorum quinque hominum in spectaculo televisico.  Si vis brassicam albam methodo Antonii coquere, en praecepta hic .  

Hac in parte prima sermonis satis longi, Catherina et Timotheus de vulneribus acceptis in culina loquuntur et de praeceptis carnis gallinaceae FrancoGallicae.  En praecepta hic se cave ne manus tuas ardeas!

Hoc in colloquio, Catherina et Timotheus garriunt de odoribus, et de nonnullis supellectibus quibus odores dispergant. En, hic sunt vincula ad imagines harum supellectilum (Catherina apud musaeum baltimorense, nomine 'The Walters') invenit:  Turibulum italum: https://art.thewalters.org/detail/33070/cover-for-an-incense-burner-2/ Turibulum sinense: https://art.thewalters.org/detail/34574/incen...

Hoc in colloquio, Catherina Timotheusque duo carmina Martialis de donis mediae bramae aptis tractant: En carmina: LXXII   Botulus. Qui venit botulus mediae tibi tempore brumae,      Saturni septem venerat ante dies. LIX. Glires. Tota mihi dormitur hiems et pinguior illo        tempore sum quo me nil nisi somnus alit.

Vobis exoptamus optimum et faustissimum initium anni novi MMXXII (nonne placet videre litteras duplicas huius anni: MM - XX - II ?!)  Catherina tria carmina Martialis offert et nos de primo ex tribus carminibus quod ad porcum pertinet colloquimur. En carmen: Iste tibi faciet bona Saturnalia porcus Inter spumantes ilice pastus apros.

Hoc in episodio, Catherina et Timotheus de potionibus calidis garriunt; etiam pergunt in loquendo de crustulis feriatis.

Hoc in episodio, Timotheus et Catherina de crustulis feriatis loquuntur.  Catherina crustula simplicissima parat, et Timotheus nescit crustula ornare.  

Salvete auditores!  Hoc in episodio de praeceptis panis cum pomis loquimur et promisimus praecepta addere, ergo inspicite et speramus vos cocturos et cocturas sitis: ​​Smarrisons’ Holiday Spice Bread  (Panis Dulcis ad Dies Hiemnales Feriatos) Ingredients (Elementa) STEP 1: 3 cups warm water ½ cup brown sugar 2 tbsp (1 packet) dry yeast STEP 2: 2 cups chopped mixed dried fruit (cranberrie...

In hoc episodio, loquimur de nexu inter malum granatum et amorem- legimus nonnulla loca apud canticum canticorum!

Ante festam Gratias Agendi (sive supplicii sive festam in qua quam plurimi cibi consumendi sunt in Civitatibus Foederatis) multos cibos collegimus, inter quos est quodam pomum nomine Malum Granatum vel Malum Punicum.  Hoc in colloquio, pomum describimus, methodos quibus semina removeri possint quoque describimus, et de significatio symboli pomi colloquimur.  

Pergimus in loquendo cum amica nostra, Fabra, de cibis horribilibus.  De cibis fortissime olentibus (de piscis conditivis, de caseis fortissimis) praesertim loquimur.

Hoc in episodio, cum amica nostra Fabra loquimur de cibis horribilibus.  Umquamne, o auscultatores, formicas vel araneas gustastis?  Nos certe hos cibos horribiles gustavimus!

Habesne arcam parvam praeceptorum coquendi scriptorum plenam in culina tua?  Suntne praecepta manu alicuius maioris scripta, exempli gratia, ab avia tua vel proavia?  Dantne praecepta quantitates et elementa adamussim, necne?  Hoc in colloquio, nugamur de libellis et chartulis praeceptorum quas maiores nostrae ad nos tradiderunt. 

Pergimus in sermone de initio conquendi at nunc praecepta iusculorum simplicium tradimus; ut semper, in fine quod hodie didicerimus tractamus.  Gratias quam plurimas Andreae agimus ad nos taeniolam iucundissimam mittenti!

Andreas ille "PlusDomus" (vulgo 'Morehouse') ad nos taeniolam misit et rogat quid coquis imperitis persuaderemus ut initium coquendi bene facerent.  Catherina Andreae suadet ut holera in fornace assare debeat.  Haec sunt praecepta:  Ut laves batatas (rubras, albas, 'russet', vel aureas) carotas betasque.  Decet putamina e betis deglubere sed non necesse est putamina e batatis n...

Hoc in episodio, de semesis piscibus, semesis leporibus, et semesis panibus fartis loquimur.

Hoc in episodio, Timotheus et Catherina garriuntur de cibis nocte peracta coctis, qui iam bene sapiunt.