Secunda Mensa

Aestas finem appropinquat sed plantae multae poma producunt.  Hac in sermone, Catherina et Timotheus de lycopersicis ex horto proprio et ex hortis publicis colloquuntur et de variis modis coquendis.  

Hoc in episodio, amica nostra Annula nos docet de glacie edibili- ubi vendat, quomodo sapiat, qualis sit mixtura optima saporum.

Aestate paene confecta, Timotheus et Catherina ad Secundam Mensam revenerunt.  Hoc in primo episodio seriei secundae, de cibis aestatis loquuntur, praecipue de cenis in Cenomania (quae est civitas in America Septentrionali inter Canadam et Oceanum Atlanticum.)

Hac in altera parte sermonis de piscibus crudis et coquina Iaponica, Timotheus et Catherina etiam colloquimur de moribus aestivis, de aquis, de caelo et sideribus, et nuntiamus pausam brevem huius seriei.

Aestas adest et animae nostrae ad aquam et pisces vertunt.  Hac in prima parte sermonis, de piscibus crudis colloqui coepimus sed quoque de condimento - id est ius soiae - garrimus.  Habesne ius soiae in paenario vel in frigidario?

Hoc in episodio, Timotheus et Catherina de Malis Persicis sapidissimis, et de quodam 'pseudocibo' horribili loquuntur.

Hoc in episodio, Timotheus et Catherina de pomis veris (fragum), de holeribus veris (reubarbarum), et de bestiis aquatilibus (murenae) loquuntur.

Vere regnanti, fasciculi asparagorum nos provocaverunt ut illos celeriter coqueremus atque Catherina Timotheusque divulgant praecepta quae ex Samin Nosrat nostra didicimus et duas fabulas de Caesare ipso Iulio ac de Augusto principe narramus.

Quaedam holera in macello Catherinam provocaverunt colore ruberrimo et Timotheus somnium mirum de betis narrat

Non de cibis nanciscandis in macello sed de quibuslicet edibilibus in campis, hortis, et silvis carptis Catherina et Timotheus colloquuntur praecipue de flore Magnoliae et de bestiola mira quae septendecim annos exspectat dum emergat.

Hoc in episodio, de holere mirabile, ‘cichorium’ nominatur, loquimur.   De usibus mirificis apud Plinium Maiorem legimus, et de sapore inusitato loquimur.

Hoc in colloquio Catherina et Timotheus de pomis nomine citreis, colore fulvo forma ovali magnitudine pilae parvae sapore acido sermocinamur.  Progredimur per pomarium malorum citreorum insulae Capreae ubi potio alcoholica quaedam, vulgo Limoncello, facitur.  

In tertia parte huius seriei de cibis exoticis rogamus: Umquamne cerebella gustastis?  Umquamne ad Mississipiam iter fecistis?   Quid censetis- decetne nos ova fricare cum cerebellis porci?  Si vultis de his rebus (et aliis, certe) discere, auscultate!

Hoc in episodio, sodalis nostra Elea de iusculo mirabili (et de altero cibo mirabili) loquitur.  Timotheus et Catherina etiam de vere (et de genere ostrearum mirabilium) loquuntur.  Auscultate et fruamini!

Post sermonem de scuta Minervae cum Penelope, bracchia et cubita amicarum nostrarum Ciceronis et Eleae retorsimus et illi ad nos 'voicememos' miserunt de cibis exoticis - sed, verum - mirabile dictu - nos recogitavimus et themam volvimus et nonnullas novas de ipso voabulo 'exotico' tractamus.  Hoc episodion est pars prima sermonum.  

Quidnam rerum inest in scuto Vitellii, secundum Suetonium?  Cerebella avium!?  Linguae phoenicopterorum?!?! Lac murenae ?!?!?!?   Auscultate, et fruamini hunc lectionem mirabilem.

Umquamne cinaram crudam coquisti?  Umquamne placentam tegisti cramum battutum non e flore lactis?  Solesne tu gustare cibum dum coquis?  Si vis scire responsa nostra ad has rogationes ridiculas, auscultate et fruamini sermone nostro!

In hoc episodio, Timotheus et Catherina garriuntur de olivis.  Ubi crecscunt?  Qua in terra?  Sub quibus plagis?  Discunt hi congerrones etiam vocabulum utilissimum et novum- dapsilis.  Si vis de olivis discere, vel de hoc vocabulo novo discere, ausculta et fruere!

Hoc in episodio, cum conviva nostra, Caelia, loquimur de iocundo spectaculo televisifico, nominatur "Spectaculum Maimum Britannicum Torrendarum."  Placetne tibi panes, tortas, et placentas coquere?   Si placet, decet te auscultare! 

Auditores curiosi - hoc in sermone, tria aenigmata tractant Catherina et Timotheus.  In primis, agitur de voce nova "placitum" quod audita erat apud Quin Philosophemur et nobis maxime placet; dein gratias agimus Irenae quae acroama nomine Satura Lanx colit; thema hodierna autem est de aenigmatibus et Catherina ipsa duo aenigmata scripsit quorum responsa Timotheus cernere conatur.   Ecce...

In hoc episodio, de libro mirabili a Maria Sybilla Merien scripta (de Surinamia et insectis et plantis praecipue de ananatibus!) loquimur.  Rachel quae in monte habitat nos coniungitur et gaudemus cum ea colloqui.

Hoc in colloquio, de bananis, sive de arienis loquimur cum amica nostra Elea.  De textu a muliere doctissima scripto, in quo bananae depictae sunt, loquimur.  De pane farte clarissimo bananarum loquimur. De modis multis quibus bananae edendae sint loquimur.  Fruamini!

Tumdemum, Catherina et Timotheus ad sermonis finem (etiamsi spissigradissime) de cochleis pergant.  Hac in tertia et ultima parte, de cochleis pictis quae in marginalibus librorum aetatis Mediaevalis videri possunt, hospites et helvones vestri sermocinantur.   Si vis imaginem quem describimus conspicere et plus de cochleis in manuscriptis legere, imprime hoc vinculum .

Hoc in sermone Catherina Timotheusque de cochleario colloquuntur - id est, de vivario cochlearum ubi quidam Romanus antiquus primus cochleas e variis lociis collectis coluit et saginavit.  Loculum brevem a Plinio scriptum Catherina et Timotheus legunt et explicant.  Si vis nobiscum legere, hoc vinculum selige.  

Umquamne cochleas sumpsisti?  Certe Timotheus et Catherina cochleas modo assatas in ferculo (cum butyro et alio) ad te ferent!   Ausculta et fruere hoc sermone!