Secunda Mensa

Hoc in episodio, garrimus de methodis quibus ova coquantur, et de thermopoliis francogallicis.   Etiam de duobus methodis quibus brassicae pompeianae coquantur.   Auscultate, et fruamini!

Catherina hodie ad pompam diem natalis Christi celebrandam ambulabit et Timotheus in animo habet luminibus arbores ornare sed primum epistulam ab amico novo in Brasilio legunt et de fabula iucunda garriunt.

Hoc in episodio, Catherina et Timotheus de scriblitis nitidis, et de aliis ferculis dulcibus in mensa secunda garriunt.  

Catherina et Timotheus pro epistulis ex amicis gratias agunt et de ferculis praedilectis in festo Gratiarum Agendarum colloquuntur.  

Hoc in episodio, Catherina et Timotheus garriunt de cerevisias et de aliis potionibus alcoholicis.

Hoc in episodio, Catherina et Timotheus de potionibus calidis garriunt.   De caffeo, de thea, et de socolata calida loquuntur.   Estne potio calida praeoptata tibi?  

Catherina Timotheusque - mirabile dictu - una, coram, in eodem loco colloquuntur de Biduo Coloratano modo incepto et de itinere ad macellum in quo Catherina baccas novas emit ut gustemus.

Hoc in episodio, cum carissima sodale nostra, Iessica, garrimus.  Immo, nugamur, quia de nuce (hahae!) nomine "amygdalum" loquimur.  Auscultate et fruamini!

Hoc in episodio, Timotheus et Catherina nugantur de nominibus popinarum et thermipoliorum.  Suntne popinae prope te quibus nomina sint iocunda? 

Timotheus cenam horribilem familiae suae paravit et Catherina solacium offert. Umquamne aliquid inedibile vel male sapiente paravisti?  Cui donare cibum horribilem des?  

Hoc in episodio, cum Iessica eruditissima loquimur de metodis quibus vinum purgetur, si canities insit.    

Hoc in episodio, garrimus de iure mirifico Spartanorum, condito condimentis mirabilibus.  

De loco Tusculanarum Disputationum in quo Cicero de fame et desiderio edendi bibendique scripsit collocuti sunt Timotheus et Catherina.  Catherina etiam de piscina et pistrina collocuta est; Timotheus de pede laeso tumidoque garrivit.  

Hoc in episodio, Catherina et Timotheus garriunt de aestatibus suis.  De generibus salmonis, de lavandro, et de floribus cucumeris loquuntur- suntne hi cibi ad palatum tuum?  

Hoc in episodio, Catherina et Timotheus Plinium Maiorem recitant.  Qualia sunt beneficia asparagi, sententia Plinii?  Auscultate et discite!

Hoc in episodio, de asparagis garrimus.   Rogamur qualis sit sapor, et quomodo coquatur.  Recitamus etiam epigrama a Martiali scriptum.  I auscultatum, celerius quam asparagus coquatur!

Munere scholastico perfuncto, Timotheus gloriatur; Catherina zelotis queritur.  De consiliis aestivalibus nugantur et nonnullos cibos quos hodie parant describent.    

Timotheo absente, Catherina lectionem brevissimam, e libello nitido, legit.  Nomen lectionis est "In Cafeo"; lectio inveniri potest in libro "Cottidie Latine Loquamur", a Sigrid Albert scripto.

Catherina absente, Timotheus novum amicum nomine Iason visitat ut cum eo prandeat.  Prandio non dum parato, sermone in culina Iasonis fruebantur sed subito interrupta est sermo quia filia parva, Maria Gratia intrat et socolatum vult.  Canis eorum, Xeno nomine, per culinam ambulans (tax - tax - tax) , quoque audiri potest.  Prandium describitur; Castra Collinia ubi nos habitamus laud...

Hac in sermone Catherina Timotheusque locum Auli Gellii de conviviis et praesertim de secundis mensis legere pergunt et originem fortasse clausulae "Secunda Mensa" e voce Graeca τραπηζα δευτερα inveniunt.  Sis legere, ecce locum: Noctes Atticae Liber XIII.xi VI. Neque non de secundis quoque mensis, cuiusmodi esse eas oporteat, praecipit. His enim verbis utitur: "Bellaria" inquit "ea maxime su...

Hoc in colloquio, Catherina et Timotheus lectionem ab Aulo Gellio scriptam perlegunt.  Lectio ad normas conviviorum pertinet- quot convivae adsint, quales convivae sint, qualia necessaria sint.   En, vinculum ad lectionem hic inveniri potest- petas partem XI hac in pagina: https://www.thelatinlibrary.com/gellius/gellius13.shtml Etiam hic lectio legi potest:  "... Dicit autem conviva...

Hoc in episodio, garrimus de cenis nostris hodiernis- Catherina iusculum lentis parabit; etiam bis coctos casei plenos assabit.  Timotheus etiam salmonem fumatum coquet; etiam ferculum nomine 'paella' sub divis parabit.  Auscultate et fruamini!

Varios sales e variis locis mundi a vespertilione amica nostra collatos TImotheus et Catherina gustant et describunt.  Sal primus ortus est e Brittania, alter e Australia, tertius ex insulis Havaiiensibus, quartus e Japania.  

Hoc in sermone, Timotheus narrat de tempore in spelunca mira salis terendo et Catherina prorsum nugatur.  

Hoc in episodio, Timotheus et Catherina garriunt de consuetudinibus suis, mane, die Solis.   Quid solet Timotheus legere, et edere, die Solis?  Quid de Catherina?  Auscultate et fruimini, sodales!