Secunda Mensa

Hoc in episodio, Timotheus et Catherina garriunt de isiciis hamburgensibus. Estne panis fartus? Qualis caseus nobis placet in isiciis hamburgensibus? Quid aliud addendum est ad isicium hamburgense? Auscultate et fruimini!

Hoc in episodio, Timotheus et Catherina garriunt cum amico tertio (et iocundissimo), Toma "TJ". Legimus etiam lectionem Suetonii de moribus mirabilibus epulandi imperatoris Vitellii. Fruamini!

Hac in ultima parte colloquii longissimi (sed speramus non taediosissimi) ad finem lectionis e Plinio Maiore pergimus et alteram fabulam de Zeuxide narramus. Catherina quoque Timotheum ad certamen pingendi provocat cuius victor vobis auscultatoribus opus est discernere et iudicare.

In parte altera huius colloqui, Catherina et Timotheus legunt de certamine pictorum a Plinio Maiore scripto. Lectionem legimus et explicare conamur in quo Zeuxis se gloriatur et aves nonnullas fallitur.

Hic in prima parte trium acroamatorum Catherina et Timotheus nil agunt nisi nugantur de cibis et summario brevissimo lectionis (sive loci Classici) cuiusdam a Plinio Maiori scriptae.

Hoc in episodio, de pitta loquimur. Unde venit? Suntne fabulae antiquae quae spectant ad pittam? Quomodo sapit pitta cum ananate et carne porcina? Auscultate et, si placet, scribite roganda et responsa vestra de pitta ad nos!

Hoc in episodio, Timotheus et Catherina nugantur (mirabile dictu) de dulciolis.  En, si quis vult plus scire de dulciolis et de crustulis de quibus locuti sumus, haec vincula electronica fortasse usui ei sunt:   segmenta pseudofructuum:   https://www.amazon.com/Manischewitz-Passover-Candied-Slices-Gluten-Free/dp/B00VPKS6S2 crustula nomine "hamantaschen": https://en.wikipedia.org/wik...

Catherina et Timotheus, ludentes cum intelligentia artificiali nomine ChatGPT et in culina et in aula scholastica et in acroamatis, nunc divulgamus consilia quibus usi sumus ut praecepta et indices ciborum faceremus et carmen breve ab ChatGPT scriptum recitamus.  

Hoc in episodio, alteram partem carminis Catulli XIII legimus.

Mirabile dictu, numquam in Secunda Mensa collocuti sumus de carmine clarissimo Catulli in quo poeta Fabullum ad cenam invitat.  Primam partem carminis hic enodamus et ad finem legemus in episodio proximo.  

Hoc in episodio, Timotheus sescenta fercula coquit, et Catherina potionem caeruleum bibit.

Hoc in episodio, Timotheus et Catherina garriunt de cibis quae pertinent ad stadia et ad ludos athleticos.   

Timotheus et Catherina in colloquio de ferculis sine carnibus pergant etiam de "zonis caerulis" ubi multi homines centannos nati habitant et vigent.  Praecepta ad fabas et oryza narrantur et ferculum nomine "Gallo Pinto" (lingua Hispanica) describitur.  Si vis hoc ferculum parare et gustare, ecce methodum: Coquito 2 pocula oryzum album In sartagine, coquito allium et cepam concisam in al...

Anno novo ineunti, Catherina et Timotheus garriunt de salubritate et magis holerum, minus carnium consumendarum.  Hac parte, Catherina praecepta molae salsae maizii narrat.

Hoc in episodio, garrimus de locustis inopinatis, in civitate 'Coloratana' invenitis.

Cum dies festi brumales iam sunt confecti,  altera pars colloquii tamen nunc divulgamus et de imaginibus conviviorum describimus. Bibunt sane nektar papillionum

Hic partem primam episodii duplicis invenies quo collocuti sumus de potionibus brumalibus festis, de memoriis et nostalgia, et de elemento quodam "myristica" quod quoque ad homines in Conecticuta habitantes pertinet.   

Hoc in episodio, Timotheus et Catherina epistulam Ciceronis (ad Atticum) legunt.  Epistula cenam opiparam tractat.

Hoc in episodio, garrimus de methodis quibus ova coquantur, et de thermopoliis francogallicis.   Etiam de duobus methodis quibus brassicae pompeianae coquantur.   Auscultate, et fruamini!

Catherina hodie ad pompam diem natalis Christi celebrandam ambulabit et Timotheus in animo habet luminibus arbores ornare sed primum epistulam ab amico novo in Brasilio legunt et de fabula iucunda garriunt.

Hoc in episodio, Catherina et Timotheus de scriblitis nitidis, et de aliis ferculis dulcibus in mensa secunda garriunt.  

Catherina et Timotheus pro epistulis ex amicis gratias agunt et de ferculis praedilectis in festo Gratiarum Agendarum colloquuntur.  

Hoc in episodio, Catherina et Timotheus garriunt de cerevisias et de aliis potionibus alcoholicis.

Hoc in episodio, Catherina et Timotheus de potionibus calidis garriunt.   De caffeo, de thea, et de socolata calida loquuntur.   Estne potio calida praeoptata tibi?  

Catherina Timotheusque - mirabile dictu - una, coram, in eodem loco colloquuntur de Biduo Coloratano modo incepto et de itinere ad macellum in quo Catherina baccas novas emit ut gustemus.