SABC North West

Tona ya metsi le kgelelo leswe Nomvula Mokonyane are mo nakong e e fetileng naga e dirile phoso ka go sa tshole metsi jaaka motswedi wa botlhokwa oo sa fitlhelelweng bonolo

Ma Afrika Borwa a kopilwe go fetola mekgwa e ba dirisang metsi ka yona ka ntlha ya fa maemo a komelelo a ka se fetoge fa gautshwane.

Bana ba bangwe ba tlhokafala kwa Ramatlabama mo Mahikeng mono North West morago ga gore mokhukhu o ba nnang kwa go one o lakailwe ke molelo.

Monna setulo wa ANC kwa Free State Ace Magashule o ikuetse gore go rene kagiso mo makaleng a mokgatlho kwa Kwazulu-Natal le Eastern Cape.

Moeteledipele wa DA Mmusi Maimane o dirisitse ngangisano ya kwa palamenteng e e ka ga go laolwa go se mo molaong ga puso ke maphata, tebang le go tlhomamisetsa naga gore DA e e tlile go khutlhisa bonweenwee le go laolwa ga puso ke maphata mangwe kwa bommasepaleng ba bo-Metro, bao e ba fentseng mo ditlhopong tsa dipuso selegae.

Mmayara wa Tshwane Solly Msimanga, a re ba tlile go tlhatlhela ditatofatso kgatlhanong le batlhankela ba pele le baeteledipele ba kwa toropong eo. Msimanga o tlhatlhetse ditatofatso tsa bonwee-nwee kgatlhanong le batlhankela bagolwane ba le 3 ba pele ba toropo, go ya ka dipegelo di le 2 tsa forensiki tse ba nang le tsona.

Palamente e ntse e ngangisana ka ga morero wa thuto ya mahala kwa di University, mme DA ya re puso e e eteletsweng pele ke ANC e bakile maemo ao puso e ka se kgoneng go tlamela ka thuto ya mahala.

Ngangisano e e potlakileng e e malebana le go seka sekiwa ga mathata a dituelo tsa baithuti mo diUniversiting tsa naga, e tsweletse kwa Parliamenteng.

Lekoko la DA kwa Palamenteng la re kitsiso ya maabane ya tona ya Maatla , Tina Joematt-Petterson ya gore legato lantlha la tumalano ya Nuclear le tlile go simolola kwa bokhutlong ba kgwedi eno, e tlile go etegetsa maemo a masisi ga jaana a theko ya sekoloto mo nageng..

Liki ya basha ya lekoko la maKomonisi YCL le yona e kwaletse moPresidente Jacob Zuma lekwalo go latela la mo phatlhalatseng le Liki ya basha ya Anc e le kwaletseng Mokwaledi kakaretso wa SACP, yo gape e leng Tona ya thuto e kgolwane le katiso Blade Nzimande.

Boikuelo ba lekoko la DA ba gore komiti ya Palamente ya nakwana e batlisise magatwe a gore naga eno e mo taolong ya batho ba ba rileng, bo tlile go sekasekiwa ke kokoano bosechaba gompieno..

Baagi ba dikarolo tse di kwa bokone botlhaba jwa naga ba ka solofela maemo a a mogote a bosa jaaka digrata tsa di Themphereitshara di le kwa godimo ga tse some a mararo.

Monnasetulo wa maloba wa IEC Pansy Tlakula le bontlhopheng ba bangwe ba le bane ba tlile go nna karolo ya setheo se se ntshwa se se tla samaganang le tshireletsgo ya tshedimosetso ya poraefete.

Mosireletsi wa setshaba yo o rolang marapo Thuli Madonsela o ikuetse go ntlhopheng yo o tla mo tlhatlhamang Busisiwe Mkhwebane gore a tsweletse tiro ya gagwe a latela molaotheo le molao.

Tona ya lefapha la dichele Pravin Gordhan a re lefapha la matlotlo le tsweletswe ka go sekaseka tshedimosetso eo le sa leng le e lopa go tswa kwa go Eskom tebang le kgwebo ya setlamo sa balelapa la ga Gupta sa Oakbay Investments.

Maloko a palamente a makoko kganetso a tlhasetse tona ya lefapha la dimenerale Mosebenzi Zwane, mabapi le pegelo ya gagwe ya gore kabinete e tlile go tlhama komishene ya dipatlisiso, tse di ka go fedisiwa ga di-accounto tsa setlamo se se laolwang ke balelapa la ga Gupta sa Oakbay Investments.

Tona ya lefapha la matlotlo Pravin Gordhan a re dintlha kaelo tsa maemo a dibanka tsa naga eno di lolame. O kaile gape gore ikonomi ya naga eno, e na le bokgoni ba go matlafala ka ntlha ya ranta e e bokoa. A re diphetogo tsa seelo sa merokotso ya Amerika di ka baka ketsaetsego.

Kgotlatshekelo ya molatheo e ganne go nna le seabe mo kgetsing e e ka ga go thapiwa ga mookamedi wa The Hawks Berning Ntlemeza...

Mmueledi wa Mmusakgotla wa kokoano bosechaba le Monnasetilo wa kgotla ya bosechaba ya diProfense Ncop, e leng Advocate Jeremy Gauntlett, o gateletse fa Parliamente e na le dithata tsa go tsaya dikgato tse di maleba, tebang le go sireletsa serodumo sa yona.

Puso e ikuetse gore maikutlo a ritibadiwe mo ditheong tsa thuto e kgolwane mo nageng...

Babueledi ba ngangile fa molawana wa ga jaana wa kgaso wa Parliamente o sa tsamaisane le molaotheo, gonne o amoga sechaba tshwanelo ya go bona ka botlalo se se diragalang kwa Palamenteng...

Setlano se se laolwang ke puso kwa China se tlile go thusa ka matlole a go aga seporo se se tla thusang go fokotsa dikotsi mo tseleng ya R573 kwa botlhaba jwa Pretoria mo tseleng e gantsi e bidiwang Moloto Road.

The South African National Editors' Forum (SANEF) yare e tshwentswe ke go tshosediwa ga babega dikgang le go sa tsholwe sentle ka nako e ba neng ba bega ka ditshupetso tsa kwa Luthuli House.

Dikgang tse di itumedisang go bakgweetsi ke tsa gore tlhwatlhwa ya Petrolo e wetse tlase ka disente di le lesome le borobedi litara fa tlhwatlhwa ya diesele e wetswe tlase ka disente di le some a mane le borobedi litara.

Dingaka tse e leng maloko a South African Medical Association di batla gore lenaane la go dirwa diteko tsa HIV le fetolwe.