SABC North West

Modiramoepong yo o kgonneng go tswa ka kwa tlase ga lefatshe kwa moepong wa Langlaagte kwa Johannesburg a re o lesego go bo a tshela

Kgosi ya morafe wa Mazulu Goodwill Zwelithini o kgadile ka bogale komishine ya bong ka ntlha ya se a reng ke go itshunya nko mo setsong sa mazulu.

Presidente ya lliki ya basha ya ANC Collen Maine a re motsi o gorogile wa gore basha ba etelele pele lekoko a re baeteledipele ba lekoko ba ba dingwaga di some a supa le some a marataro le botlhano ba tshwanetse go ya phensheneng

Komiti ya bosechaba ya ditiro ya NFP e sekegile botokololo ba bapalamente ba yona ba le bararo kwa kokoano bosechaba.

EFF kwa Ethekwini ya re ga ya itumedisiwa ke tshweetso ya lekoko ya go dirisana le DA mo bommasepaleng ba ba sa fenngwa ke lekoko lepe la sepolotiki ka divout tse di tlhokegang ka nako ya ditlhopo tsa dipuso selegae.

Motlatsa monnasetilo wa SACP bosechaba Thulas Nxesi o tsibositse ANC gore e ka latlhegelwa mo ditlhopo kakaretso tsa 2019 fa e sa samagane le mathata a a e lebaneng.

Barulaganyi ba moletlo wa mmino wa go leboga SABC ba re tiragalo eo ke ya go keteka dingwaga di le dintsi tsa thalente ya mono gae e e ntseng e sa tsewe tsia.

Batho ba simolotse go thologela kwa moletlong wa mmino oo sa bolong go letwa wa go leboga SABC kwa Orlando Stadium kwa Soweto.

Selebo sa go abiwa ga mafatshe se santse se le letobo.

The The National Teachers Union Natu ya re bana barutabana ga ba tshwanela go duela kwa diunivesithing

Motsamaise mogolo wa setlamo se se olelang matlakala kwa Johannesburg Pikitup Amanda Nair a re botsamaise ba setlamo seo bo sweeditse go mo koba go na le go tsaya dikgato kgalemo kgatlhanong nae.

Lliki ya basha ya ANC kwa Tshwane e latofaditse meyara wa masepala oo o mogolo Solly Msimanga ka go batla go ratiwa ka go batla se lliki e reng ke pegelo ya forensiki ya ANC e e ka ga bogwengwene.

Meyara wa kwa Johannesburg Herman Mashaba a re go ikaba ka lefatshe go sa letlelwa ke bathati ba ba maleba ke tlolo molao.

Lefapha la bosechaba la matlotlo le atlenegisitse go rebolelwa ga SAA diranta di le dibiline di le tlhano e le matlole a go namola setlamo seo mo mathateng a dichelete.

Mokwadi gape e le mokgaratlhi wa dipolotiki kwa Amerika Professor Angela Davis a re kgololosego e simolola ka thuto e e sa duelelweng

Tona ya lefapha la matlotlo Pravin Gordhan, a re o kopane le botsamaisi ba setlamo se se laolwang ke balelapa la ga Gupta sa Oakbay Investments ka Motsheganong. Mo tsibogong e kwadilweng kwa palamenteng, Gordhan o tlhalositse gore ba buisane ka ga kopo ya Oakbay, ya gore a tsereganye mo dithulanong le dibanka di le mmalwa.

Motsamaisi mogolo wa pele wa setlamo se se rwalang matlakala kwa JHB sa PIKITUP Amanda Nair, a re setlamo se sweditse go fedisa kontraka ya gagwe, go na le go tsaya dikgato kgalemo kgatlhanong nae.

Motlatsa mopresidente Cyril Ramaphosa o kgadile puso ka seo a reng ke boeteledipele jo bo bokoa le tlhokego ya tsepamo. O buile seno kwa kopanong kgolo ya bo 21 ya NEDLAC kwa Boksburg kwa East Rand kwa Gauteng.

Meyara wa Jhb herman Mashaba a re o tshwenyegile tota ke go ikabelwa ga lefatshe go se mo molaong kwa teropong eo.

Democratic Alliance kwa Parliamenteng e tlhatlhetse ditatofatso tsa bosenyi kgatlhanong le ANC le setheo sa diterena sa Prasa kwa cape Town.....

Puso ya re e seka-seka mekgwa e mentshwa ya go tlhamela baagi ka ditiro.

Go begwa fa Setlamo sa botsamaisi ba matlakala sa Pikitup mo Kgotleng teropo ya Jhb, se beleseditse motsamaisi mogolo wa sona Amanda Nair...

Moemedi wa baagi kwa Ramatlabama gaufi le mono mahikeng mo North West a re ngwana yo falotseng malakabe a latotseng bana ba le babedi ba dingwaga tse pedi le ngwaga, a re molelo oo o simolotswe ke matches o a neng a tshameka ka ona.

Mapodisi a re ga go kgetsi e butsweng e amanang le se go tweng ke go betelelwa ga moithuti mongwe kwa University of Kzn ke lepodisi kwa khampuseng ya Pmb ya setheo seo.

Lefapha la pholo la re Afrika Borwa e na le seelo se se kwa godimo sa basadi ba ba iphanyang ka nnotagi ba imile