RSG Kuns

Christelle Webb-Joubert gesels met die vervaardigers, Johan van der Merwe en Rudi Sadler, asook twee van die akteurs, Ben Prinsloo en Stephanie Gericke, oor DEURnis. Gehore kan gaan kyk na 12 stukke deur 12 regisseurs, met slegs een akteur en een gehoorlid op 'n slag.

Martin Headger gesels met die regisseur, James Ngcobo, oor die toneelstuk THE MEETING wat by die Markteater in Johannesburg op die planke is.

Christelle Webb-Joubert gesels verder met die kunnstenaar Johann van der Schjiff oor sy uitstalling, IN A DIFFERENT TIME.

Lizelle de Bruin kuier by die kunstenaar Liza Grobler. Haar werk is te sien by vanjaar se Cape Town Art Fair van 17 – 19 Februarie.

Ná 'n speelvak in die Kaap, kan Gautengers nou die musiekspel WEST SIDE STORY gaan kyk. Terrance April het meer besonderhede.

Die King's Singers se toer in Suid-Afrika word afgeskop met 'n werkswinkel sodat hulle kan sien wat Afrika aanbied deur sy universiteitskore. Martin Headger gesels met Renette Bouwer, die koorleier van die Johannesburg Universiteit se koor, oor hoe hulle hiervan sal wees.

Charl du Plessis gesels verder met die klaviertegnikus, Rudolf Strydom. Hulle gesels oor die klank en stem van 'n klavier, en of dit waar is dat jou klavier teen 'n binnemuur moet staan.

Chris Bruerton, 'n lied van die King's Singers, verduidelik wat hulle doel is met die werkswinkel, en wat hulle vir die kore en gehore aanbied.

Johan van Lill vind uit wat alles op vanjaar se Woordfees-spyskaart is.

Martin Headger gesels met skilder Deon Venter oor sy uitstalling THERE IS NO PATH/THE PATH IS MADE BY WALKING by die Everard Read-galery in Rosebank, Johannesburg.

Die pianis Charl du Plessis gesels in 'n reeks van vyf episodes met klaviertegnikus Rudolf Strydom oor die onderhoud van 'n klavier.

Christelle Webb-Joubert besoek die Fried Contemporary-galery in Pretoria waar Johann van der Schijff se uitstalling, IN A DIFFERENT TIME, te sien is.

Theresa Lizamore vier haar loopbaan in die kunsbedryf met 35 YEARS – A LIZAMORE PERSPECTIVE. Martin Headger het by haar gaan kuier.

Lizelle de Bruin kuier by Anna-Mart van der Merwe en vind meer uit oor die toneelstuk, THE MOTHER, waarin sy eersdaags te sien is.

Martin Headger gesels met die kunstenaar Clive van den Berg oor sy uitstalling, A Pile of Stones.

Johan van Lill vind by Bondina Osterhoff uit wat alles te sien is by die Oude Libertasteater op Stellenbosch.

Christelle Webb-Joubert maak 'n draai by die Kunsmuseum van Pretoria. Sy gesels daar met Angus Taylor en Elani Willemse oor die uitstalling, Tacit.

Arthur Swan is 'n Suid-Afrikaans gebore tenoor wat al agt jaar lank in Londen woon. Christelle Webb-Joubert het by hom gaan kuier.

As deel van die Mozartfees kan jy na Don Giovanni gaan kyk by die Nirox Beeldhoupark wes van Johannesburg. Martin Headger gesels met Lloyd Anthony Smith oor hierdie besondere geleentheid.

Martin Headger gesels met Mike van Graan oor die produksie, When Swallows Cry, wat te sien is by die Markteater in Johannesburg.

Luister na die KKNK 2017 se programbekendstelling. Vind uit wat alles nuut en anders is by vanjaar se fees op Oudtshoorn. Johan van Lill gesels met 'n hele aantal rolspelers wat betrokke is die fees.

Martin Headger maak 'n draai by die 13th Floor-galery waar hy met Matijs Liesbeek gesels oor die kunstenaars wat gereeld by hom uitstal.

Johan van Lill vind by Herman van der Westhuizen uit hoe leerders kan deelneem aan die Nasionale Toneelspelkompetisie.

Christelle Webb-Joubert woon die laaste dag van die Gauteng Kamermusiekfees by, en gesels met die organiseerder, Johanna Roos, en van die leerders wat die fees bygewoon het.

Martin Headger gesels met lede van die King Singers wat Suid-Afrika eersdaags besoek.