RSG Kuns

Marion Holm gesels oor haar nuwe eenvrouvertoning, Marion Monroe, te sien by vanjaar se Aardklop.

Het jy geweet dat Namibië ook 'n nasionale simfonieorkes het? Gasdirigent Xavier Cloete vertel wat hulle eersdaags uitvoer.

Verkleurvroutjie is Ilne Fourie se eenvrouvertoning, wat debuteer by Aardklop. Sy vertel waaroor dit gaan, en hoe die gehoor bepaal wat gebeur.

Die Johannesburg Filharmoniese Orkes bied in Augustus hulle vroeëlenteseisoen aan. Terrance April hoor by Magdalena de Vries wat alles op die program is.

Dans is ‘n kunsvorm waar die kunstenaars ‘n rakleeftyd het. Twee van Joburg Ballet se dansers, Nicole Ferreira-Dill en Shannon Glover, het onlangs vir die laaste keer op die verhoog gedans. Hulle vertel vir Sue Pyler-Slabbert van hulle aftrede, loopbaanhoogtepunte en die pad vorentoe.

Saartjie Botha vertel van die hoogtepunte by vanjaar se Woordfees, wat plaasvind van 28 September tot 6 Oktober in Stellenbosch.

Kunstenaar Janet Botes vertel van die Plettenberg Landkuns-fees. Sy verduidelik wat landkuns is, en hoe kunstenaars en die natuur saam skep. 

Terrance April gesels met pianis Ben Schoeman na afloop van ‘n repetisie saam met die Johannesburg Filharmoniese Orkes.

Die dramaturg, akteur en regisseur, Jan Groenewald, is op 20 Julie 2024 oorlede. Sy lewensmaat, Pieter de Vos, bring hulde aan hom.

Johann Slabbert was vir baie jare in die bedryf. Hy verlaat toe die bedryf vir ‘n korporatiewe werk, maar keer na tien jaar terug as dramaturg. Hy is die skrywer van Routrip en Vier Panados en ‘n Chardonnay waarin Elzabé Zietsman te sien is.

Vlooi en die Olimpiese vlam is te sien by Kunstekaap. Akteur Eldon van der Merwe vertel waaroor dit gaan. Christelle Webb-Joubert gesels ook met hom oor sy loopbaan as akteur.

Terrance April gesels met dirigent Richard Cock oor die galakonsert by vanjaar se Klein Karoo Klassique.

Pianis Elna van der Merwe vertel van ‘n nuwe kamermusiekfees, Swartberg Musiek Salon, wat van 2 tot 4 Augustus op Prins Albert aangebied word.

David Kramer se musiekspel, Ver in die wêreld Kittie, is weer te sien in die Kaap. David vertel waaroor dit gaan, en van die nuwe teater, Die Blik, waar dit te sien sal wees.

Dirigent Werner Stander is die organiseerder van ‘n projekkoor, waar die publiek genooi word om deel te word van die koor wat in November in Bloemfontein sal optree. 

Die 15de Klein Karoo Klassique vind van 9 tot 11 Augustus in Oudtshoorn plaas. Die pianis en vanjaar ook die gasheer, Charl du Plessis, vertel van vanjaar se program.

Die Nederlandse dirigent, Conrad van Alphen, wat 'n groot deel van sy kindertyd in Suid-Afrika deurgebring het, het onlangs weer voor een van ons plaaslike orkeste opgetree. Terrance April het met hom gesels.

Dis die 24ste en langste Kalfiefees nog! Die programbestuurder, Lisa Spaarwater, vertel van vanjaar se fees wat van 1 tot 11 Augustus in Hermanus plaasvind.

Die kunstenaar en komponis, Dirkje Daling, vertel van haar neurologiese toestand, chromostesia, ook bekend as “colour hearing”.

Christelle Webb-Joubert maak ‘n draai by die Kunsvereniging van Pretoria om meer uit te vind van die keramiekuitstalling, The five elements of nature.

Christelle Webb-Joubert gesels met Heidi Erdmann, wat na jare weer ‘n galery open. Sy vertel van die Legacy-galery op die Muratie wynlandgoed.

Die skrywer en akteur, Zane Meas, laat die produksie, Van Wyk: Die Storieverteller van Riverlea, herleef by die Roodepoort Teater in die weste van Johannesburg. Sue Pyler-Slabbert het hom ontmoet om uit te vind wat hierdie keer anders is aan die produksie.

Die Kaapstad Internasionale Balletkompetisie lok jaarliks groot belangstelling, met dansers wat van oral af kom om deel te neem. Terrance April gesels met Dirk Badenhorst, organiseerder van die kompetisie.

Kunstenaar Mariaan Kotze vertel van die opwip-galery in Bloemfontein, en watter uitstallings in Julie plaasvind.

Christelle Webb-Joubert maak 'n draai die kunstenaar, Annemie Odendaal, se nuwe ateljee en galery. Sy vertel hoe sy ‘n kunstenaar geword het.