RSG Kuns

Regisseur Sjaka S. Septembir en akteur Carlo Daniëls vertel van DIE UITWEG, wat debuteer by 2025 se Suidoosterfees.

Christelle Webb-Joubert gesels met Charl-Johan Lingenfelder, die musiekregisseur van JOSEPH AND THE AMAZING TECHNICOLOR DREAMCOAT, wat te sien is in die Kaap en Johannesburg.

‘n Konferensie vir strykers word van 1 tot 4 Mei 2025 by die Odeion Skool vir Musiek in Bloemfontein aangebied. Christelle Webb-Joubert gesels met die stigter, Mariechen Meyer, en tjellis Anmari van der Westhuizen.

A DOLL’S HOUSE PART 2 is te sien in die Kaap en dan in Johannnesburg. Zane Meas vertel vir Christelle Webb-Joubert meer van die toneelstuk.

Die aktrise, sangeres en nou ook regisseur Elzabe Zietsman vertel waarby sy alles betrokke is by 2025 se Suidoosterfees in Kaapstad.

Peter Blum is een van ons minder bekende digters wat tog 'n belangrike bydrae gelewer het, veral in die aanloop tot die Sestigers. Die produksie, HORTJIES DIG, deur Francois Toerien kyk na van sy werk. Terrance April gesels met Francois.

Beyond the frames, bied ‘n groot inklusiewe uitstalling aan met die titel, Unveiled/ontBLOOT. Christelle Webb-Joubert gesels met Monique Heystek en Susa van Dyk oor die eerste.

Die feesdirekteur, Elna van der Merwe vertel vir Christelle Webb-Joubert van Gamka Klassiek wat plaasvind in Prince Albert.

Gerrit Viljoen is die eienaar van die Blou Donki Kunsgalery op Clarens. Hy vertel van die galery en die Clarens Kunstefees, wat plaasvind van 1 tot 4 Mei 2025.

Die Classics for All-fees in Greyton en Genadendal word vanjaar vir die 21e keer aangebied. Christelle Webb-Joubert gesels met die feesdirekteur, Coenie Visser.

Die laaste toneelstuk wat Breyten Breytenbach geskryf het, Verwelkingslied, is te sien by vanjaar se Suidoosterfees. Die regisseur Mari Borstlap vertel meer.

S. Bach se Johannes Passie word op Goeie Vrydag in Johannesburg uitgevoer. Terrance April gesels met die dirigent Richard Cock.

Die NWU-Puk Koor vier hulle 70e bestaansjaar. Die dirigent, Kobus Venter, vertel van hulle samekoms in November 2025, waar daar nie net gekuier sal word nie, maar ook gesing sal word.

Diary of a Wimpy Kid – The Musical word vir die heel eerste keer in Suid-Afrika opgevoer. Daphne Kuhn, medevervaardiger, vertel meer.

Ingrid: ‘n Vlam in die sneeu, handel oor die briewewisseling tussen Ingrid Jonker en André P. Brink. Die regisseur, Nadia Beukes, vertel wat die produksie so besonders maak.

Wie hou nie van 'n boeiende speurverhaal nie? Gehore in Kaapstad, en later in Johannesburg, kan hulle verlustig in die ontknoping van 'n egte Agatha Christie-verhaal. Terrance April gesels met Alan Comittie oor BLACK COFFEE.

Kurator Nina Kruger gesels oor La Motte Ateljee se uitstalling, Landmarks, en vertel van die werkswinkels wat daar aangebied word.

The Life & Times of Michael K is tans te sien by die Markteater in Johannesburg. Dit is ‘n verwerking van die gevierde skrywer, JM Coetzee, se boek. Lara Foot het dit vir die verhoog verwerk. Dis vir die eerste keer in 2021 opgevoer by die Baxter in Kaapstad. Destyds het Johan van Lill met Sandra Prinsloo en Andrew Buckland oor die stuk gesels.

Die bestuurshoof van die Suidoosterfees, Jana Hattingh, vertel wat feesgangers vanjaar kan verwag.

Nataniël sluit die KKNK af met die produksie, Duif. Hy vertel vir Christelle Webb-Joubert waaroor dit gaan, en wat gehore kan verwag. Die produksie is ook te sien by die Suidoosterfees.

Die skrywer, vertaler en regisseur Hennie van Greunen vertel vir Sue Pyler-Slabbert van die toneelstuk, Annie+Helen.

Daar is weer ‘n plekspesifieke toneelstuk by vanjaar se KKNK. Skrywer en aktrise Stephanie Hough vertel vir Terrance April van die stuk, Wag!

Liza Grobler, die KKNK 2025 se kurator vir visuele kuns, oor vanjaar se uitstallings onder die tema, Diepe Grond.

Die akteur, skrywer en regisseur, Wessel Pretorius, is by vier produksies by die KKNK betrokke. Hy vertel van Die een wat bly, Kuns en Ont- en Smieg.

Die aktrise, regisseur en vervaardiger, Annie Basson, sterf op Sondag 16 Maart 2025. Regisseur Henry Mylne bring hulde aan haar.