Reis sonder grense

Madagaskar het 'n heerlike klimaat en temperatuur vir watersport. Sowat 90% van die fauna en flora is endemies. Droom jy van 'n eilandvakansie? Johan Rademan het Jody Hendricks oor sy somerervaring van Madagaskar gepols.

Johan Rademan gesels oor Salzburg en die Unterberg in Oostenryk met Mandy Uys, 'n voormalige dosent aan NWU, oor die mites en legendes waarvan selfs Hitler kennisgeneem het naby Mozart se geboortedorp.

Martelize Brink gesels met kommunikasiekonsultant, skrywer en kos- en wynkenner Emile Joubert oor afval.

Wene in Oostenryk se koffiewinkels met sachertorte en strudel bied 'n heerlike lafenis aan 'n flou gestapte toeris. Die Weense koffiekultuur het egter 'n baie interresante aanloop. Johan Rademan het Mandie Uys genooi om te praat oor die Turke se aandeel hieraan in Mozart se wêreld.

Johan Rademan gesels met onafhanklike toerismebestuurskonsultant, dr. Mike Fabricius, oor die toerismepotensiaal en -ontwikkeling in SADEK-lande en ander dele in Afrika waar toerisme ontsluit kan word.

Johan Rademan gesels met Mandie Uys oor die verlore stad wat 30 jaar gelede ontdek is onder die bestaande Edinburgh in Skotland. Toeriste kan die ondergrondse stad besoek.

Johan Rademan gesels met dr. Mike Fabricius, 'n onafhanklike toerismebestuurskonsultant, oor hoe Suidelike Afrika en Suid-Afrika die voordeel kan kry ná grendeltyd, en hoe toerismekorridors eers plaaslik en dan wyer ontwikkel sal word.

Johan Rademan pols duikinstrukteur Ettiene Raäl van die Alpha Dive Academy oor 'n duikbesoek aan Sodwana aan die Noodkus van KwaZulu-Natal.

Johan Rademan en Mandie Uys kuier in Praag. Die Tjeggiese hoofstad, wat ook die hoofstad van Bohemia was, het besondere kulturele skatte wat behoue gebly het.

Martelize Brink braai snoek saam met Emile Joubert.

Johan Rademan praat met onafhanklike toerismebestuurskonsultant, dr. Mike Fabricius, oor die veranderende terrein van toerisme in die SADEK-lande en ander Afrika-bestemmings.

Johan Rademan gesels met Mandie Uys oor 'n besoek aan die welvarendste en mees ontwikkelde land wat uit die ou Joego-Slawië tot stand gekom het. Slowenië is klein landjie met 'n groot hart. Dis amper so groot soos die Krugerwildtuin en het net oor die tweemiljoen inwoners. Daar lê baie geskiedenis opgesluit in die land, en dit is is 'n uitverkore reisbestemming vir baie reisigers.

Waar sou jy graag wou gaan duik in die grendeltyd? Johan Rademan het 'n virtuele aanbod aan 'n duikinstrukteur vir 'n retoervlugkaartjie na enige duikbestemming in die wêreld gegee. Ons reis virtueel saam met Ettienne Raal van die Alpha Dive Academy na die Rooisee in Egipte.

Martelize Brink gesels met Isabella Niehaus van Duinhuis in Langebaan oor watter seekos nou volop is in die Kaap, en die geur, tekstuur en volhoubaarheid van mossels. Sy gee 'n resep vir 'n mosselpot met klappermelk oor die kole.

Johan Rademan pols Mandie Uys, 'n voormalige dosent aan die NWU, oor haar jaarlikse reis na Rusland, wat sy weens die grendeltyd moes afstel. Hulle gesels oor grendeltyd in Rusland toe die Russe in St. Petersburg, die Nazi's vir 900 dae moes trotseer. Die Duitsers het die stad omsingel om hulle uit te honger, en dan oor te neem. Musiek het egter die stad gered, en jy kan vandag 'n museum besoek wa...

Johan Rademan gesels met Dudley Bruce Wessels oor die Spektakelberg, Naries en Hardeveld.

Johan Rademan en Sakka Stone kuier vir die vierde en laaste keer in die Noord-Kaap, waar hierdie boorling van Namakwaland reisigers deur sy vertellinge en musiek die spesiale streek in ons land van nader leer ken. Hy noem dit Eenkantland.

Marius du Plooy ontgrendel Turkye vir ons met 'n reisskets wat reisontvlugting bied in hierdie inperkingstyd.

Filla Krige van Picardi Place op Rawsonville verduidelik hoe hy sy minivetkoeke, wat reeds gevul is, oor die kole diepbraai.

Johan Rademan en Sakka Stone verken die Noord-Kaap verder in die derde aflewering in die reeks. Hulle reis hierdie keer deur die Namakwaland,

Vincent van Gogh se ikoniese Starry Night hang in die Moderne Museum van Kuns in New York in die VSA. Die Nederlandse postimpressionistiese skilder het tydens sy vrywillige toelating tot 'n kliniek, ten minste 21 sketse uit die venster van sy grondvloerateljeekamer en tweedeverdieping slaapkamer waargeneem en geskets en skilder. Die enigste nocturne in die reeks is hierdie ikoniese werk wat in die...

Johan Rademan en Sakka Stone verken die Noord-Kaap verder in die tweede aflewering in die reeks, met die Gariep as grens tussen die Noord-Kaap en die Kamiesberge en die Richtersveld in hullle visiere. Die program word afgesluit met 'n aangrypende Namagebed, Nader my God by U, wat ook Duits en Afrikaans insluit.

Huiskok Errieda du Toit gee vir Martelize 'n resep vir 'n slaai met bruinrys en kerriesous.

Ons verken die Noord-Kaap en Springbok, die hoofdorp van die Namakwaland, saam met Johan Rademan en Sakka Stone.

Marius du Plooy laat ons in die grendeltyd in Suid-Afrika die verbeeldingskrag van radio ervaar met sy skets van San Gimignano.