Prensa Cogami

O presidente de COGAMI, Anxo Queiruga, é entrevistado pola canle da Cope en Pontevedra para falar sobre a traxectoria de COGAMI co gallo do 35 aniversario. O locutor, José Jardón, tamén fala cunha persoa usuaria do servizo de Emprego de COGAMI, José Antonio Abal, que atopou un emprego nunha empresa de Vilagarcía.

O programa Con Outra Voz que presenta Félix Jorquera en Radio Voz, entrevista ao presidente de COGAMI, Anxo Queiruga, para falar sobre os 35 anos de traxectoria da nosa Organización.

O programa Un café con Eva de Radio voz entrevista ao coordinador de Accesibilidade, Álvaro García, para falar sobre a incorporación de licenzas de taxis adaptados no Concello de Santiago e avaliar a situación real que viven as persoas con mobiliade reducida cando teñen que facer uso deles.

A traballadora social de COGAMI, Olalla Esmorís fala para Radio Líder dos programas desenvolvidos na nosa Organización a favor do empoderamento, igualdade, autonomía e inclusión da muller con discapacidade.

No Día Internacional das Persoas con Discapacidade, os informativos en Galicia de RNE entrevistan a Víctor Silva para que conte as demandas da nosa Organización.

A coordinadora do proxecto RUMBO de autonomía persoal que desenvolve COGAMI, Ángela Labandeira, explica para o programa Con Outra Voz de Radio Voz en que consiste este programa.

A coordinadora do proxecto RUMBO cara un modelo de autonomía persoal conectada e inclusiva, Ángela Labandeira, explicou para Radio Estrada en que consistiron as obras de mellora de fogares de trece persoas a través deste programa.

A orientadora laboral, Alba Vázquez, explica para o programa Voces de Ourense de Radio Voz, en que consiste o servizo de Emprego de COGAMI e a quen vai dirixido o programa de inserción Máis Emprego de Fundación "la Caixa" e Fondo Social Europeo Plus.

A técnica do proxecto de autonomía de persoas amputadas da asociación AGAPA, Aroa Facal, explica para un Café con Eva de Radio Voz en que consiste este programa.

A coordinadora da área de Promoción da Autonomía Persoal, Juani Tubío, explica para Radio Voz en que consiste o programa de promoción da igualdade que COGAMI está a levar a cabo durante este ano.

A orientadora laboral de Lugo, Alba Lagoa, explica para o programa Voces de Lugo de Radio Voz como foi o balance de insercións laborais na provincia durante este primeiro semestre do ano.

Radio Viveiro entrevista a Diego Piñeiro para falar do plan de accesibilidade que COGAMI está a levar a cabo no Concello de Viveiro.

Alba Álvarez, coordinadora do proxecto HAVI (hacia una vida independiente) que se está a levar a cabo no servizo de atención diúrna de Medelo, en Silleda, explica para o programa de Radio Voz Un Café con Eva en que consiste este proxecto e da importancia que ten para que as persoas con discapacidade teñan máis autonomía.

O programa de Radio Voz fala coa Vicepresidenta de Agadhemo polo Día Mundial da Hemofilia.

O programa Un café con Eva entrevista á vicepresidenta de Agadhemo, Laura Quintas, polo Día Mundial da Hemofilia.

O programa Voces de Ferrol fala con María Aneiros, a coordinadora de COGAMI en Ferrol, para comentar todos os servizos que prestamos na comarca.

O programa Voces de Lugo entrevista a Carla Fernández, traballadora social de COGAMI sobre o programa RUMBO de autonomía persoal.

O presidente de COGAMI, Anxo Queiruga, explica para radio Melide o que supón para as persoas con discapacidade o cambio do artigo 59 da Constitución que actualiza a terminoloxía para referirse ao noso colectivo.

O presidente de COGAMI, Anxo Queiruga, conta para o programa Un café con Eva o avance que supón que a Carta Magna recolla a terminoloxía apropiada para referirse ás persoas con discapacidade.

Entrevista á coordinadora de COGAMI en Ferrol para falar sobre un curso que a entidade vai iniciar na cidade dirixido a persoas con discapacidade desempregadas.

O técnico de Accesibilidade de COGAMI, Diego Piñeiro, explica cal é a situación da cidade de Lugo e da provincia en xeral en materia de accesibilidade e como debería estar para ser inclusiva.

Cadena Cope recolle as impresións das persoas que participaron na xornada de sensibilización sobre as barreiras que se atopa unha persoa usuaria de cadeira de rodas cando se despraza por unha cidade, neste caso foi Santiago.

A orientadora laboral do servizo de Emprego de COGAMI, Ana Vázquez, explica en Cope Santiago a formación que temos preparada para as persoas con discapacidade ou incapacidade laboral da comarca compostelá. Unha destas formación é sobre xestiónde recursos urbanos.

A coordinadora da Comisión Sociosanitaria de COGAMI, Laura Quintas, explica no programa Convivir da Radio Galega en que consiste o novo baremo de discapacidade e a urxencia da súa implantación, para que ningunha persoa con discapacidade orgánica se sinta excluída.

O programa de Radio Voz Un café con Eva entrevista ao técnico de Accesibilidade de COGAMI, Diego Piñeiro, para falar da realidade das vivendas en Galicia, se están adaptadas ás necesidades das persoas.