Magi Fong

啱啱好,我喺度

Health ZH ↓ 25 episodes

hello你好,我係呢個Podcast嘅host Magi。 希望透過自己40年嘅人生經驗,同埋咁耐以來學過嘅、學習緊嘅知識,同大家一齊去傾吓關於個人心理健康同能量管理嘅話題。 日常生活已經太攰太多煩惱,希望呢個空間可以比大家「圍爐取暖」。呢度會提供一啲有科學根據、簡單又實際嘅方法,希望幫倒你喺忙碌嘅生活之中唞吓氣,搵返啲能量去做返自己。 一直以為人生最終目標係追求「快樂」,原來我哋真正需要嘅,係呢一種懂得接受現實、睇清格局之後嘅『平靜』。 呢度係圍爐取暖嘅空間 ——— 「啱啱好,我喺度。」 記得㩒follow/subscribe,喺review and comment度留言,等待你真實嘅回饋! 📬 【聽眾信箱 & 匿名樹洞】 你有冇一啲生活上大腦超載、或者想重排...

Be sure to visit the podcast's website and support the creator: www.spreaker.com

Author

Magi Fong

Category

Health

Podcast website

www.spreaker.com

Latest episode

Nov 15, 2026

Where to listen?

Podcasts in the app Replaio Radio Coming soon

Podcasts are coming to the app soon. Install now and be the first to see a whole new take on podcasts

Get it on Google Play Install for free Android 10M+ downloads · 4.7+ rating iOS soon

Episodes

無法再感到熱情同快樂?點解高績效者、創業者同媽媽特別容易 burnout 15.11.2026

明明已經忙咗成日,但到瞓覺前,你會覺得:我今日究竟做咗啲咩?點解我仲係咁攰,但好像乜都冇完成? 如果你有呢種感覺,今集就係為你而設。 我想同你傾:點解高績效者、創業者、slasher,甚至好多媽媽,特別容易 burnout? Burnout 唔係因為你懶,唔係因為你脆弱,亦唔係因為你唔夠熱愛自己做緊嘅事。而係你嘅大腦、身體同情緒,用佢哋嘅方式提醒你:你而家嘅工作方式、責任分配,同埋對自己嘅要求,可能已經超過咗你而家可以持續...

【情緒與關係】快樂唔使等到退休:用5分鐘連結搵返深層意義 01.11.2026

「我好耐冇覺得有真正開心嘅呢一個感覺。」 呢句話,係咪好熟悉?如果我哋以為「唔使做」就會快樂,點解有啲人退休、擁有更多自由之後,反而覺得空虛? 今集我會由一位前上司退休後由開心變空虛嘅故事開始,同你分享: •點解「被需要」同「為人付出」,先可能帶嚟更深層、更持久嘅快樂 •點解我哋成日將快樂「條件化」:等我做到某個成績、賺到某個數目先開心 •孔子、孟子嘅智慧,同哈佛超過 85 年嘅研究,點解都指向關係、日常細小...

【能量管理】係懶?定只係忘記咗允許自己真正放假 18.10.2026

你有無試過覺得攰、頭痛、周身唔舒服,但第一個反應唔係「我需要休息」,而係「我係咪懶?我係咪拖延症發作?」 然後你飲多杯咖啡、食止痛藥、迫自己繼續工作,再喺夜深人靜嘅時候,責怪自己做得唔夠好。 今集,我會分享我自己近幾個月嘅經歷:明明身體已經發出訊號,我卻選擇忽略,仲用「我係咪懶」去解釋自己嘅狀態。後來先發現,原來身體一直喺度同我講嘢。 我會講吓: •點解我哋成日將攰、慢、停低,等同懶惰 •大腦點樣建立「...

15 年後裸辭再轉職:唔再被「默認路線」困住 04.10.2026

同一份工做咗 15 年,無一刻想辭職,亦無一刻討厭自己嘅工作。 但當我終於離開嗰個環境,先發現: 原來有好多嘢,唔係我選擇咗,係習慣選擇咗我。 呢集,我會分享: •點解我哋成日覺得自己毫無選擇 •大腦點樣為咗慳 energy,自動建立「默認路線」 •一個 fresh grad 同事嘅故事,同埋佢點樣被自己築起嘅牆困住 •我自己由「覺得未 ready」到落場實踐嘅過程 •點樣唔再被「默認路線」困住,重新搵返自己嘅選擇權 如果你而家正處於: •...

自我成長唔係識更多:用減法思維重新定位人生 20.09.2026

你有冇試過不停報課程、考證書、學新技能,表面上好似一直進步,內心卻仍然覺得自己未準備好? 有時候,我哋缺乏嘅唔係方向,而係一份自我安全感。當見到身邊嘅人不斷向前,就容易開始比較、追趕,甚至想用最快速度完成所有「應該」完成嘅事。 但真正嘅自我成長,未必係不斷增加更多事情。今集會同你一齊探索 Michael Porter 提出嘅策略思維:策略嘅精髓,在於明白乜嘢唔應該做。 當你願意放低唔重要嘅選擇,唔再對所有人講 Yes,...

拒絕反而得到更多尊重;邊界令你更有存在感 06.09.2026

事事「唔好意思」拒絕人,以為迎合會換來尊重?人無邊界,其他人只會當佢無自己核心價值,唔需要重視。呢一集,我哋會用腦科學同哈佛管理學一齊探討,點解拒絕反而會幫你贏得人前更多嘅存在感! 大好人綜合症? 點解想開口拒絕人就會有罪惡感、覺得自己係衰人? 遠離無謂飯局? 人生過咗一半,點樣將有限嘅時間同精力,策略性配置喺真正重要嘅人同事上面? 哈佛邊界理論? 連百億企業唔想執笠都要拉起 Boundary 控制線,你嘅身心健...

卸下「我很完美」嘅面具:3個核心價值提問,搵返自己想要嘅人生 21.08.2026

你已經足夠堅強,所以唔需要迫自己過份逞強。 由面面俱圓嘅完美女主角,回到最真實嘅自己,同你分享現代女性卸下層層面具嘅覺悟。 呢一集,我哋會用腦科學同管理學一齊探討: 兩頭唔到岸? 點解喺香港做女人會覺得期望高到不切實際、越活越攰? 碌 IG 越碌越焦慮? 點解要即刻停止任由大腦盲目「腦補」人哋嘅完美生活? 唔想麻煩人? 點解哈佛管理學提倡嘅「心理安全感」,叫我哋大膽放低自尊向人求助? 困住你嘅從來都唔係外在嘅...

高效女性嘅時差內耗:落機後點樣理智開機? 07.08.2026

最近身邊好多朋友無論是去旅行定出差,返到嚟都同我講:好攰、勁失眠、一返香港就大病一場。 你以為落機夾硬死撐唔瞓,到當地夜晚先一覺睡到大天光,就可以快適應時差? 今集《啱啱好,我喺度。》,身為能量管理教練,我會用以前周圍飛、日夜顛倒累積返嚟嘅實戰智慧,結合硬核科學系統同你拆解:夾硬死撐只會令自律神經全面失調、抵抗力跌到谷底!教你一套獨家嘅「落機黃金三部曲」,利用「光線定錨法」理智開機。 同時,今集亦會...

行出羊群,唔再活喺人哋眼中 24.07.2026

細細個跟風讀書、大個跟風搵工,甚至連點樣做一個「乖女、好太太、好媽媽」,都係照住社會嗰本「標準答案」嚟行。 人好容易覺得咁樣係「身不由己」。 呢集,我想同你慢慢傾一個好多人都有,但好少講出口嘅狀態—— 當我哋愈嚟愈活喺人哋眼中,到底仲剩低幾多位置,係留返畀真正嘅自己? 今集我會同你分享: •羊群心理:點解我哋咁驚「行開咗入唔返群」,明明唔舒服都照跟? •焦點效應同鏡中自我:點解我哋成日高估人哋幾鍾意望住自己...

運動:將碎片時間變成你嘅生命力 10.07.2026

每日被家務同工作塞爆個腦,覺得做運動係「攞苦嚟辛」、寧願瞓覺好過? 真正自己好,並唔係尋求短暫嘅安穩同舒服。 今集,我會用自己日日去運動的日常,陪妳一齊了解點樣腦科學『神經可塑性』,大幅降低下次行動嘅阻力。 同埋會講吓以下幾點: 打破運動 3 大謬論:一定要連續做 30 分鐘以上才有效?操到爆晒汗先有用?等我有時間先開始?原來只係心理陷阱! 從頭到腳嘅身體 Reset 科學:解密多巴胺與內啡肽點樣一秒幫我哋撥開腦霧...

深夜森林8分鐘睡眠 Reset:今晚我收咗工啦! 26.06.2026

唔理妳今日過得點樣、忙咗啲咩,喺呢一刻,全屋都靜晒落嚟。 妳終於可以放鬆攤喺度,舒舒服服咁戴上耳機。呢 8 分鐘,係完全只屬於妳自己一個人的 Me-time。沒有任務、沒有責任、妳不需要完成任何人的期待,亦不需要承受任何人的批判。 (💡 建議:請調暗床頭燈,直接躺在床上收聽) 這一期純引導節目,Magi 教練會用放慢 20% 嘅沉穩語速,帶領妳進行科學的「箱式呼吸法(Box Breathing)」與全感官的「深夜森林觀想遊戲」。 陪妳...

幫我揀一嘅零食要點忍口? 唔使靠意志力嘅!學識呢兩招搞掂。 26.06.2026

每日工作忙完、搞掂晒屋企啲嘢、個仔又瞓咗,喺全屋靜晒嘅那一刻,妳係咪都忍不住想暴食零食?食完嗰刻,又開始深深的自責同內耗? 咁唔係因為你冇意志力。只係大腦喺妳極度透支時,本能選擇最快嘅減壓方法啫!我們不需要自責。 今集我會用自己重度鹹零食控嘅「零食櫃日常實驗」,陪妳一起利用腦科學與原子習慣嘅「20秒法則」,嘗試改變我哋嘅壞習慣。 【兩招輕鬆建立「自動放棄系統」】 當下的爽,過後的痛:壞習慣喺享受嘅當下就...

從對自己嘅能力存疑,到體驗喺人哋嘅人生入面又活咗一次 12.06.2026

回頭一望,原來《啱啱好,我喺度。》不知不覺已經做到第 13 集喇。 幾個月前,我同好多正處於轉型期嘅女性一樣,對自己嘅能力充滿懷疑,甚至喺行出第一步之前猶豫不決。 但到咗今日,喺完成咗工作上嘅實戰對談之後,我先深刻體會到: 自信同能力,從來都唔係等妳準備好晒先至有;而係當妳帶住理智同勇氣踏出第一步之後,由行動扣緊回饋返嚟嘅底氣。 喺呢一集入面,我想同妳分享我同個案坦誠對談嘅深刻感受。睇住佢哋喺巨大嘅壓力和...

重啟你嘅「回憶處理系統」,不再執著痛苦 29.05.2026

生活明明都算叫平靜,但大腦唔知做乜不由自主咁去垃圾桶摷返啲垃圾出嚟,回顧以前做錯嘅事、受過嘅傷,我哋點樣可以掉咗啲垃圾,真正活在當下? 今集我會由自己 18 歲兼職時、見證同儕誤入歧途的故事說起。想同大家分享一個我最近思考緊嘅概念:升級大腦嘅「回憶處理系統」。我哋點樣由了解潛意識同神經科學的運作,將過去、未來、現在重新連成一線: 過去:解碼負面沉溺 (System Review)—— 點樣拆解大腦嘅威脅防禦機制同「蔡加尼...

能量管理篇:5 分鐘同拖延症分手 22.05.2026

好多人一聽見「目標」或者「夢想」就覺得壓力大,諗起要 Think Big、要一擊即中、要做得完美無瑕。但其實好多時,我哋連開始嘅勇氣都未儲滿! 由細到大因為有人包底而養成嘅「超級拖延症」,到大個咗做人母、驚吞走小朋友成長機會而學識喺人哋生命中「留白」嘅醒覺;再到今日即使食住抗生素、個人持續好攰,我都堅持要用「5 分鐘法則」去 Gym Room 現身。我發現:拖延症唔係因為你冇能力,而係你唔敢面對「不完美嘅開始」 —— 諗就...

由紐約海關嘅5 秒空白,到越南屋企嘅第一支麥克風 15.05.2026

剛剛過咗 41 歲生日,我突然諗起以前飛紐約長途機,落機攰到連自己幾多歲都諗唔到嘅「靈魂出竅」時刻。😂 以前覺得生日好麻煩,而家反而學識咗意大利人嘅傳統:每 10 年為自己「生而為人」嘅努力做一次大總結。 由香港搬去意大利,再由意大利移居越南;由辭去空姐工作,到一對一全職照顧小朋友。40 到 41 歲呢一年,我經歷咗人生好大嘅轉變。我由一個「諗多過做」嘅超級拖延症患者,變到今日識得主動買器材、研究腦科學、正式開始...

從鞦韆到餐桌:媽媽日常崩潰反思 08.05.2026

「我想話你知,喺媽媽呢條路上,你從來都唔係孤單一人。」 響同一日入面,煩躁、內疚、壓力、頭痛,再加埋生理痛,全部一齊搵上門。我相信好多媽媽都試過:難得有一晚約咗朋友放鬆,卻喺出門前因為想滿足阿仔玩多陣嘅要求,陷入咗無盡嘅矛盾。 「我哋喺外面對住其他人成日想『扮到好得體』,結果搞到自己仲緊張。」 難得有 Me Time 出街,個人雖然到咗,但個腦其實仲未收工? 今集節目,我會用自己一個極度狼狽嘅星期六做例子,同...

活在當下的「理智勇氣」 24.04.2026

「活在當下」—— 呢句說話我哋由細聽到大,但係咪代表「及時行樂」就係全部?喺艱難嘅日子,我哋點樣可以一邊咬緊牙關,一邊仲可以喺涼風入面笑得出? 今集我想同大家分享一個我最近思考緊嘅概念:「理智勇氣理論」。我哋點樣透過大腦嘅「理智」,將過去、未來、現在連成一線。 過去:意義重組 (Rational Review) —— 點樣同大腦和解,將過去嘅鎖鏈變成今日嘅地基? 未來:韌性定位 (Resilient Positioning)—— 如果未來係個大森林,...

點解成日話要學新事物?尋開心囉! 17.04.2026

由壓力荷爾蒙到多巴胺:你幾耐冇「純粹地」學習? 好多人一聽見「學習」就覺得壓力大,諗起讀書、考試、攞證書。但其實離開咗學校,學習先至可以真正變得好正! 由銀行投訴部嘅「生存式學習」,到三萬呎高空嘅「肌肉記憶」,再到純粹為咗「尋開心」而學語言、學做 Podcast,我發現:平時累積落嚟嘅嘢係你嘅「底氣」,但只有為咗興趣而學嘅嘢,先係你嘅「福氣」———必要嘅知識幫我哋生存,而嗰啲「冇用」嘅興趣,先可以打開我哋嘅心...

關於唔同人生階段嘅專屬孤獨 10.04.2026

「點解明明身處人群,個心仲係覺得空蕩蕩?我哋怕嘅係寂寞,定係驚見到嗰個唔完美嘅自己?」 由習慣依賴到學識獨處,同你分享喺孤獨入面搵返自由嘅覺悟。我哋會一齊探討: 當不安感來襲,點樣將自己當成最親密嘅朋友,講返句溫柔嘅話? 喺異地、新環境格格不入? 點樣學識放低完美面具,用「脆弱的力量」去搵到真連結。 唔同人生階段嘅「專屬」孤獨,應該點樣去面對?迷惘、忙碌到失去,突然又生活多咗大段空白? 怎樣去過一場「Di...

一個人以上的孤獨 03.04.2026

「孤獨,係咪一定要一個人先會感受到?」 到底「孤獨」係啲乜嘢?點解人會感覺孤獨嘅? 孤獨就好似一陣風吹過,如果我哋唔願意去接受,佢就會演變成長久嘅焦慮。 今集我想同大家分享,點樣由心理學嘅「生物預警」同「榮格陰影」,行到去今日嘅「自我覺察」。 由 25 歲第一次離家飛翔,喺異地酒店學識享受一個人的燒肉;到後來經歷異地戀嘅信任考驗;再到今日遠嫁意大利小鎮,面對語言不通、老公經常出差、獨自湊仔嘅「全職媽媽專屬...

那些年的那些友情 20.03.2026

「點解我哋無啦啦,會變成咗陌生人?」 你心入面,係咪都住住一個「唔知點樣失去咗」嘅朋友? 明明曾經係「孖公仔」,曾經一個眼神就笑到飆眼淚,甚至以為可以做一世好姊妹。但唔知由邊日開始,訊息停咗喺最後一句,喺人哋口中先知佢結咗婚。 嗰種好似結咗焦嘅傷口被揭起嘅痛,唔係因為仲想挽回啲乜,而係唔甘心——點解段關係可以消失得咁不明不白? 今日,我想同你哋圍爐,傾吓呢啲「那些年的友情」: 小學嗰句說話: 原來「失去」...

搵返自己嘅媽媽 13.03.2026

「好攰好攰……但好似仲有嘢未做?」 當全屋靜晒,明明好攰但反而焦慮,對「休息」充滿罪疚感?每日好似打仗咁,精神同身體長期受壓,我哋最需要嘅,其實係一個可以呼吸嘅空間。 今日我想同大家分享,點樣喺繁瑣家務入面唧啲時間出嚟: 餐單管理術: 一星期慳出 10 小時,拒絕「決策疲勞」。 拒絕藍光陷阱: me time碌手機反而更累?提升休息質素嘅重點。 5 分鐘抬腿練習: 簡單嘅拉筋同呼吸,幫成個人「重新開機」。 時間表係用嚟幫...

唔見咗自己嘅媽媽! 06.03.2026

「嘩!呢個係邊個?我……唔見咗自己呀!」 你有無試過忙到一個點,照鏡嘅時候突然覺得鏡入面嗰個人好陌生? 由每日襯衫返工,到衣櫃剩返 U 記休閒風;由精緻女孩,到全副心力得9幾個月大嘅BB。我哋喺無盡嘅家務、重複嘅動作、仲有數唔盡嘅微細決定入面,慢慢磨蝕咗對生活嘅熱情。 今日,我想同你分享我係點樣「搵返自己」: 點解媽媽會越做越攰? 拆解導致「決策疲勞」嘅 4 大元兇。 咩都親力親為先係好媽媽? 其實放手畀機器同外援...

我到底點解會喺度?女人40:將心帶返屋企 27.02.2026

「點解我會喺呢度?我係咪行緊自己想行嘅路?」 由全職女性過渡到全職媽媽,同你分享身份轉變嘅覺悟。我哋會一齊探討: - 點解成日覺得自己「錯過時機」? - 每日重複沉悶又忙碌嘅生活,點樣睇到自己努力生活嘅證據? - 唔想麻煩人?點解「自己嘅需要」其實最重要? 困住你嘅唔係環境,而係心入面嗰度牆。你敷衍咩人都好,千祈唔好敷衍自己。 呢度係圍爐取暖嘅空間。無論你身處邊個位置——「啱啱好,我喺度。」 喜歡我嘅節目可以sub...

Listen to the 啱啱好,我喺度 podcast in Replaio

Radio and podcasts in one app - free, with no sign-up. Install today and do not miss the launch

Get it on Google Play

Replaio is not a podcast publisher; show names, artwork and audio belong to their authors and are distributed through public RSS feeds.