Podcast Radio Cerna

Espazo no que Radio Cerna fai un repaso das novas relativas ao medio ambiente galego máis sobresaíntes da semana.

Retomamos e completamos a entrevista de onte coa presidenta de ADEGA, Virxinia Rodríguez, sobre a valoración dos novos planos hidrolóxicos das bacías galegas.

ADEGA presenta neste espazo as súas demandas ao respecto dos planos hidrolóxicos que van regular as bacías fluviais nos vindeiros 5 anos.

Se onte versabamos do futuro dos ríos galegos de competencia estatal co presidente da CH Miño-Sil, hoxe falamos co presidente de Augas de Galicia, máximo responsable na xestión da bacía Galicia-Costa, sobre o novo plano hidrolóxico para esta cunca hidrográfica. Tamén neste eido se abre de novo a manga ás empresas hidroeléctricas?

Neste espazo ofrecemos unha entrevista co actual presidente da Confederación Hidrográfica Miño-Sil sobre o novo planeamento hidrolóxico que regulará esta bacía nos vindeiros anos. Nesta planificación tamén se regula o futuro dos aproveitamentos hidroeléctricos.

Facemos entrega do primeiro boletín informativo do ano 2011 co resumo das novas ambientais que tiveron lugar durante a última semana no país.

Achegamos na víspera de Reis unha sección máis de flora, na que Marga Miguens falaranos dunha planta moi típica destas festas, o rañacú. A continuación, Fernán Mourenza fai homenaxe á tradicional matanza galega, na súa sección de Patrimonio.

É o último boletín informativo ambiental de CERNA neste ano 2010. Nel atoparás as novas medioambientais relativas a esta semana final de ano, crucial para certos aspectos da política territorial.

Completamos o programa anterior no que se facía un repaso aos acontecementos e cuestións do eido ambiental galego máis relevantes deste ano 2010. Desta volta, abordamos como foron tratados os espazos protexidos e os ríos galegos, no Ano Internacional da Biodiversidade.

A través deste programa facemos un repaso a varios capítulo da historia ambiental de Galiza durante este ano 2010 e que tivemos ocasión de ofrecer a través do programa Radio Cerna. Este espazo e o vindeiro son un resumo do que o 2010 supuxo para a realidade ambiental galega.

Trátase do primeiro erro recoñecido por Augas de Galiza na súa historia. Ante un requirimento da fiscalía de medio ambiente, en virtude dunha denuncia de Riós con Vida, Augas de Galiza recoñece que o permiso outorgado a Ferroatlántica para secuestrar a única fervenza en Europa que desemboca no mar foi un acto irregular e insta a realizar unha nova Declaración de Impacto ambiental.

Un recente informe elaborado polo experto en contaminación atmosférica, Ramón Varela, revela que todas as cidades galegas excederon os límites de contaminación por óxidos de nitróxeno no ano 2010. As fontes dos datos son oficiais.

Neste espazo facemos o repaso das novas ambientais máis relevantes desta semana de Nadal.

O Nadal é a festividade máis consumista de todo o ano, pero podemos celebralo de forma ecolóxica, levando a práctica os consellos que ADEGA nos apunta neste espazo Cerna.

A contaminación lumínica pon en risco a nosa saúde e ao desenvolvemento normal e lóxico dos ecosistemas. Pero a pesar de que as medidas para correxila son moi sinxelas, existen pouca vontade desde as institucións para atender a este problema.

As decisións globais derivan en accións locais, por iso queremos coñecer a través deste espazo como se poden aplicar os acordos de Cancún á realidade galega. Adelga Figueroa, vogal de cambio climático en ADEGA, axúdanos nesta tarefa.

Considerado o preliminar da reunión máis decisiva do mundo na loita contra o cambio climático, o cumio de Cancún non deixou un sabor tan amargo como Copenhague pero tampouco conseguiu un acordo vinculante para a redución de emisións. O movemento ecoloxista estatal ofrécenos a súa opinión ao respecto neste espazo Cerna.

Na actualidade informativa desta semana destacan as novas relativas á situación irregular dalgúns aproveitamentos hidroeléctricos, como da Fervenza do Xallas, a exposición pública dos planos hidrolóxicos de Galiza e do Estado, así como novas sentenzas no caso Barreiros.

ADEGA foi premiada polo Proxecto Ríos de voluntariado ambiental, co galardón "liña tensa 2010" polo Xornal galego de pesca Trueiro.

A resolución do novo concurso eólico galego deu sorpresas. Non tanto polas empresas concesionarias, senón polos proxectos asociados aos proxectos eólicos, como a construción dunha planta de tratamento de residuos no sur de Galiza. A mesma que anunciou estes meses a Xunta?

A denuncia de ADEGA, a Asociación de Veciños O noso Burgo e a Confraría de Pescadores da Coruña sobre a ampliación de 400 metros da pista de aterraxe de Alvedro foi admitida a trámite pola Fiscalía. Os motivos coñecémolos neste espazo.

Santiago de Compostela é un dos concellos con maior traxectoria no impulso de proxectos de Educación ambiental. Con este ano xa son 9 nos que leva a cabo o programa de EA de ADEGA nos centros educativos de todo o concello.

Coñece mellor a nosa lingua coa axuda do filólogo Isaac Alonso Estraviz. Este capítulo completa o anterior sobre o oficio do carpinteiro.

A campaña polo territorio de ADEGA vai ser o eixo central da súa actividade no vindeiro ano 2011. Así o explicaba na súa XXXV Asemblea Xeral, na Coruña.

Repaso das noticias medioambientais desta semana acontecidas local e globalmente.