Podcast Radio Cerna

A SGO (Sociedade Galega de Ornitoloxía ) e a SEO (Sociedade Española de Ornitoloxía) declararon o moucho como Ave do Ano en Galiza e no Estado. Neste programa coñeceremos os motivos e cal é a situación deste animal no noso contorno.

Repaso informativo das novas ambientais da semana.

Goza dunha nova sección de flora e fauna de Galiza en CERNA.

A historiadora Araceli Freire investigou sobre os aspectos sociolóxicos do primeiro asalto que se deu por parte do goberno español sobre os montes veciñais en man común, na época franquista. Nesta loita a muller cumpriu un papel fundamental.

Analizamos a nova lei de augas galega desde a perspectiva do xurista coa axuda da profesora de dereito ambiental na USC, Alba Nogueira.

Crónica da homenaxe que ADEGA realizou na Eira da Xoana aos ríos galegos. Centos de persoas congregáronse no Alto Ulla para verter as augas dos seus ríos pola loita permanente na súa defensa.

Xa podes escoitar o resumo da actualidade informativa no terreo medioambiental desta semana a través deste boletín informativo de CERNA.

Tamén a través dun manifsto, os colectivos ecoloxistas galegos (ADEGA, FEG, SGHN, Amigos da Terra e Verdegaia) expresaron o seu posicionamento con respecto á auga e á súa xestión. A diferenza do sector agrario, rexeitan a gratuidade da auga e a non fiscalidade da mesma.

A plataforma contra a Lei de Augas, formada por colectivos agrarios, explica os motivos da súa disconformidade coa Lei de Augas e pide a súa derrogación. Entre outras cuestións, demandan a gratuidade da auga como alimento e para a produción de alimento e aseo das persoas e animais.

Todas as organizacións ecoloxistas da Península Ibérica asinan un manifesto común sobre as plantacións de eucaliptos con motivo do Día mundial Forestal.

Co gallo do Día mundial Forestal, ADEGA analiza os cambios que a Xunta realizou nos últimos meses en política forestal, mais cre que as actuais mudanzas poñen en grave perigo o futuro dos montes galegos. Debe haber cambios, pero non estes...

Neste espazo Cerna fai un repaso á actualidade ambiental da última semana.

Neste espazo, o subdirector xeral de recursos cinexéticos e piscícolas da Consellaría de Medio Rural, Emilio Rosa, explica os motivos do endurecemento das medidas de control do xabalí e xustifica a intensificación das batidas.

O goberno galego vén de impulsar novas medidas de control do xabalí co propósito de minimizar os ataques destes sobre os cultivos agrícolas. Porén, desde ADEGA critícanse as medidas adoptadas por ser contrarias a unha politica de conservación e por xerar riscos para as persoas e as especies salvaxes.

Unha tese doutoral analiza o impacto ambiental das canteiras de pizarra galegas, converténdose no primeiro estudo que se realiza ao respecto. As súas conclusións abogan por un cambio radical nas formas de explotación e, sobre todo, na xestión das escombreiras.

ADEGA opina sobre as novas medidas de aforro enerxético impulsadas polo goberno estatal e insta ás administracións públicas a predicar co exemplo.

Repaso das novas ambientais máis destacadas da semana.

A Asemblea do Suído chama a atención das administracións para que protexan unha colonia de morcegos instalados nunhas infraestruturas do río Oitavén, que están ameazados pola execución de dous saltos hidroeléctricos. Demandan a declaración do sistema fluvial Verdugo-Oitavén como zona de Rede Natura.

Os morcegos son os mamíferos máis descoñecidos pola sociedade galega, aínda que están presentes no noso contorno. No seu Ano Internacional, a organización Drosera demanda máis atención das administracións e das sociedades para os morcegos.

O "Defensor del Pueblo" dalle a razón á SGHN sobre a prohibición do uso de calquera tipo de munición con chumbo nos humidais galegos.

Un equipo de investigación da Universidade de Vigo desenvolve con éxito un proxecto de recuperación da tartaruga na lagoa de Olveira do Parque Natural de Corrubedo. O proxecto intenta ser o referente para experiencias similares noutros lugares do país.

Repaso da actualidade informativa ambiental da última semana.

Achegamos un novo episodio da flora e fauna de Galiza.

Neste programa seguimos o percorrido do aceite usado unha vez depositado no punto limpo ou no punto de recollida autorizado.

Que danos ambientais pode producir? Que facer con el? Como gardalo? A onde levalo? Para que pode servir? A vogal de consumo de ADEGA responde a todas estas preguntas.