Podcast Radio Cerna

Monte Pindo Parque Natural promove accións para protexer e conservar o patrimonio cultural do Monte Pindo.

Tres grupos de pequenos e medianos produtores forestais, entre eles dúas comunidades de montes veciñais en man común, veñen de conseguir o selo de certificación forestal internacional FSC, que garante a sostibilidade e o beneficio social da explotación das masas arbóreas. É a primera vez que propietarios a pequena escala acceden a este selo.

O problema de explosión de cianobacterias foi especialmente virulento este verán no encoro das Conchas no río Limia. A Confederación Hidrográfica Miño-Sil vén de retirar a costra superficial das augas do encoro e agora inicia unha segunda fase de traballos consistente en retirar os lodos do fondo do vaso. Neste programa, a Sociedade Galega de Historia Natural explícanos cal é a problemática das ci...

Neste espazo repasamos as novas ambientais máis destacadas dos últiimos días. Infórmate!

Unha fortificación amurallada no cumio do Monte Pindo fai xerar hipóteses que sitúan a construción na época tardorromana e eleva este monte á categoría doutros curutos sagrados de Galiza. O estudoso Manuel Gago explica a súa teoría acerca destes restos arqueolóxicos.

A Dirección Xeral de Costas do Ministerio de Medio Ambiente, a través da Demarcación de Galicia, vén de expoñer publicamente un proxecto sobre novas actuacións na contorna da Frouxeira que xa suscitou críticas entre o sector ecoloxista. ADEGA asegura que as actuacións, en vez de restaurar a contorna, van a prexudicala máis, desde o punto de vista ambiental.

O Instituto de Ciencias do Patrimonio do CSIC incia un estudo global sobre o patrimonio cultural material e inmaterias das Illas Atlánticas. CERNA conversa cunha das directoras do estudo que estará vixente ata 2013.

O vertedoiro de Camanzo, en Vila de Cruces, é un dos proxectos de vertedoiros en ocos de canteiras que se queren autorizar facéndose pasar por un plan de restauración da mina. ADEGA e os veciños manteñen que o vertedoiro sería ilegal e que non se correponde con ningún tipo de rexeneración legal.

ADEGA denuncia varios casos de vertedoiros autorizados en ocos de antigas canteiras que non cumpren cos requirimentos de impermeabilizacións, distancias e que se fan pasar por plans de restauración de minas. Hoxe retratamos o caso de Campomarzo en Silleda, cuxo vertedoiro ardeu hai poucos días.

Case 30 anos despois de ser catalogado como punto de especial interese xeolóxico de rango internacional, a Xunta e o concello de Quiroga por fin deciden protexer o pregue deitado de Campodola, na Serra do Courel. É o vestixio máis visible do choque entre os dous antigos continentes de Laurrusia e Gondwana hai 350 millóns de anos, cando se formou o territorio galego.

ADEGA e outras organizacións (Amigos da Terra, Fundación Germán Estévez, CIG, concello Ourense, etc.) presentan alegacións ao que se prevé que será a maior desfeita ambiental do río Sil e do espazo protexido como LIC Canóns do Sil. Trátase do aproveitamento hidroeléctrico de Iberdrola en Santa Cristina.

Ríos e urbanismo son as temáticas máis destacables desta semana informativa. Escoita e coñece as novas máis sobresaíntes.

Durante varios séculos, Galiza dedicouse á pesca da balea, unha actividade que chegou a ser punteira no país a pesar de que hoxe en día non o teñamos presente. Felipe Valdés Hansen descóbrenos esa parte esquecida da nosa historia.

O venres pasado tiveron lugar na Clínica Polusa de Lugo unhas charlas de especialistas sobre enfermidades crónicas derivadas de factores medioambientais e metais pesados. Falamos co Director da Unidade de Ciruxía de Cabeza e Pescozo do Polusa, organizador do evento.

Con motivo do vertido do queroseno na ría do Burgo, reactívanse as demandas históricas de saneamento e rexeneración do estuario por parte da sociedade civil. Neste programa consultamos aos responsables destes proxectos en que fase se atopan e por que aínda non está conquerida a rexeneración da ría.

O patrón da confraría de pescadores da Coruña, Manuel Cao, e o biólogo mariño, Alexandre García, ofrecen a súa perspectiva sobre as consecuencias do vertido de queroseno acontecido na ría do Burgo o pasado 2 de setembro.

Escoita as novas ambientais da semana máis sobresaíntes no país.

Un especialista sobre os "contaminantes emerxentes" explica a que tipo de residuos corresponde esta definición e como están a afectar aos ríos, sen que até o momento haxa unha lexislación específica que os regule.

A Audiencia Nacional emite unha sentenza que deixa aberta a porta para decretar a caducidade da concesión de ENCE en Lourizán. Alba Nogueira fálanos dos detalles e das consecuencias deste fallo que se derivou dunha denuncia do colectivo Salvemos Pontevedra.

Malia os avances tecnolóxicos e de coñecemento que teñen experimentado as enerxías renovables, aínda existen mitos na sociedade sobre estas formas de enerxía que WWF pretende desmontar a través da campaña "Renóvate".

Radio CERNA despídese até setembro co habitual repaso da actualidade ambiental de finais de semana. En setembro, volvemos con máis información sobre o medio ambiente e a ecoloxía de Galiza. ATÉ ENTÓN, SEDE FELICES!

A delegación da Unesco en Euskadi (UNESCO-Etxea), xunto coa Fundación Biodiversidade, veñen de publicar unha guía para xornalistas que fan información sobre desenvolvemento sostíbel e medio ambiente.

O Plan Umia 2011-2015 pretende salvagardar á poboación do Salnés da contaminación por microcistina das augas que proceden do encoro da Baxe, en Caldas de Reis. Porén, ADEGA sostén que é un plan para salvagardar os intereses de produción hidroeléctrica do Sr. Cortizo, evitando a liberación das augas do encoro (tal e como piden ecoloxistas e veciños). A organización ecoloxista presenta alegacións.

A Xunta sobre a avaliación de impacto os depósitos de hidrocarburos de Finsa-Foresa, situados no interior da ría de Arousa, 10 anos despois de entrar en funcionamento. O trámite debería terse feito previamente á aprobación da súa instalación. Entón, por que agora? Explícao a plataforma en defensa da ría de Arousa.

Espazo que fai repaso á actualidade medioambiental en Galiza.