Podcast Radio Cerna

Retomamos a sección de terminoloxía co filólogo Isaac Alonso Estraviz, que desta volta nos explicará o significa dos termos relacionados co oficio das palilleiras.

Neste espazo, dous profesores de dereito administrativo da USC explican as tácticas xurídicas utilizadas "fraudulentamente" polo goberno da Xunta para legalizar o urbanismo de Barreiros: decreto de supramunicipalidade, evasión da avaliación ambiental estratéxica, convenio interadministrativo e plano sectorial.

No ciclo de charlas organizado por ADEGA e o Colexio de Arquitectos de Lugo sobre "Territorio e Urbanismo. O caso Barreiros" participou o que fora director xeral de Urbanismo no goberno bipartito, un dos principais actores na suspensión do plan urbanístico de Barreiros co goberno bipartito. Neste espazo Cerna exporá as súas razóns polas que instou a paralizar o crecemento urbanístico de Barreiros.

ADEGA e o Colexio de Arquitectos en Lugo organizan as charlas "Territorio e urbanismo. O caso Barreiros" para analizar a problemática urbanística neste concello da Mariña que se pode converter nun mal precedente para outros concellos galegos. Hoxe e os vindeiros días Radio Cerna acollerá os resumos destas xornadas. Neste espazo expóñense as irregularidades da última licenza recorrida por ADEGA na...

Se queres coñecer de xeito resumido o que aconteceu esta semana no panorama ambiental da actualidade informativa, escoita este espazo de Radio CERNA.

O Estado vén de aprobar unha reforma da lei procedemental xudicial na que se intenta axilizar a Xustiza, aínda que o que se consegue é poñer atrancos á defensa dos intereses comúns. Así o expón Ecologistas en Acción que asegura que esta reforma prexudica sobre todo as entidades ecoloxistas que acuden á Xustiza para evitar os abusos da Administración sobre o colectivo social.

A comisión consultiva do parque natural de Corrubedo leva tres anos sen reunirse. Isto implica que nin veciños, nin ecoloxistas, nin universidades, nin organizacións sociais poidan opinar ou estean ao tanto de forma directa sobre a xestión do parque.

O centro ictioxénico do Carballiño é a piscifactoría de Galiza máis especializada no cultivo de troitas para a repoboación dos ríos galegos. Un dos seus técnicos explícanos a situación deste peixe nos nosos ecosistemas fluviais.

Escoita as novas ambientais do país máis actuais. En tan só dez minutos!

O asunto "Barreiros" chega ao Parlamento galego da man dunha proposición non de lei do BNG que insta á Xunta a anular o convenio e o plan sectorial supramunicipal de Barreiros que intenta, segundo a formación nacionalista, "legalizar" as vivendas ilegais construídas. Neste espazo escoitaremos as diferentes versións sobre o caso que manteñen os tres grupos políticos representados no Parlamento.

ADEGA analiza as palabras dos voceiros dos grupos parlamentarios arredor do caso Barreiros, en virtude dunha proposición non de lei do BNG que instaba á Xunta a anular o convenio para investir 14 millóns de euros de fondos públicos na dotación de servizos para as vivendas presuntamente ilegais de Barreiros.

Catro organizacións relacionadas cos montes piden que se paralice a nova normativa que pretende impulsar desde o goberno autonómico e que se reinicie o proceso para buscar o maior consenso posible entre a sociedade. Os colectivos son ADEGA, CIG, FRUGA e ORGACCMM.

ADEGA califica esta campaña de lumes como a máis nefasta da historia para os espazos naturais protexidos. 11.000 hectáreas ardidas nos últimos quince días, o recorte de brigadas de extinción, a incapacidade da Consellaría de control dos últimos incendios e a inexistencia de medidas de prevención son razóns suficientes, segundo ADEGA, para pedir a dimisión de Samuel Juárez, o conselleiro de Medio R...

Repaso da actualidade ambiental de Galiza, que esta semana vén "fumeando"...

Alba Nogueira aborda os contidos do Decreto sobre vertedoiros aprobado polo goberno da Xunta diante da situación de colapso que está a sufrir o sistema de tratamento do lixo en Sogama.

O Aquarium da Coruña e o Instituto Oceanográfico Español en Vigo conseguen por primeira vez criar o sanmartiño en cautividade. Tamén chamado peixe de San Pedro é moi valorado a nivel comercial.

A coordinadora en defensa da ría de Muros e Noia denuncia ante Bruxelas a aparición de centos de exemplares de salmón cultivado mortos na ría, procedentes presumiblemente da gaiola experimental de North West Food. Así mesmo, critican a actitude da Xunta que, ademais, destina buques anticontaminación a trasladar auga doce á gaiola para enfriar a temperatura das augas nas que se nutren estes salmóns...

O Comité Cidadán de Emerxencia para a ría de Ferrol, ADEGA-Ferrolterra e a Asociación de Veciños e veciñas "O Couceiro" de Mehá denuncian a Reganosa diante da Fiscalía Anticorrupción por suposto tráfico ilegal de gas natural licuado nas instalacións da planta regasificadora. Cerna entrevístase cunha destas organizacións.

Repasamos as novas máis actuais sobre o medio natural galego.

Tres arquitectas da Coruña fan un inventario das árbores da cidade e propoñen medidas de conservación do patrimonio vexetal urbano para evitar que se perdan máis exemplares e espazos verdes.

Uns análises das augas da traída de Caldas de Reis, abaixo do encoro da Baxe no río Umia, afectado por cianobacterias tóxicas, indica que o nivel de contaminación está chegando aos límites recomendados pola OMS. ADEGA asegura que a poboación infantil de Caldas é a que corre máis riscos, de beber a auga da billa.

Éxito na participación de voluntarias e voluntarios na IV Limpeza simultána do Proxecto Ríos en Galiza. Uns 500 participantes recolleron máis de 10 toneladas de lixo nas ribeiras de máis de 40 ríos.

Ofrecemos o resumo das novas sobre medio ambiente galego máis destacadas dos últimos días.

Presentamos unha nova sección de flora e fauna de Galiza. Marga Miguens comenta as bondades e prexuízos do estramonio, unha planta que está de actualidade polos seus efectos alucinóxenos.

Érguete-Integración e ADEGA colaboran conxuntamente nunha actividade que achegará a persoas en risco de exclusión social ao centro ambiental do colectivo situada na parroquia de Ramil, Agolada.