Podcast Radio Cerna

Eran imprescindíbeis no pasado e sono agora. Os forneiros e os fornos teñen toda unha serie de vocablos relacionados que imos coñecer da man do filólogo Isaac Alonso Estraviz.

Este ano está dedicado pola ONU á Enerxía Sostible para Todos. Os motivos serán explicado pola vogal de transportes de ADEGA, Adela Figueroa, neste programa Cerna.

Os cambios nos organigramas do Executivo estatal e galego ao respecto de áreas como medio rural, medio ambiente e medio mariño, e mesmo cultura, implican tamén certa merma na atención por parte dos gobernos. Analizamos os cambios con Alba Nogueira.

Descubre as novas de actualidade máis relevantes desta semana no eido ambiental galego.

Coa entrada do ano constitúese unha nova plataforma en Galiza que busca defender a pesca tradicional e o marisqueo fronte a intervención das grandes multinacinais nos recursos dos mares galegos. Falamos co seu presidente, Miguel Delgado.

Neste espazo saberemos como se está a realizar a recuperación da aguia real no parque natural do Xurés, desde 2007 da man do grupo de rehabilitación de fauna autóctona GREFA, a través da Consellaría de Medio ambiente.

74 son as especies en perigo de extinción que aparecen no catálogo de especies ameazadas de Galiza. De todas elas, tan só unhas poucas contan cunha planificación para a súa recuperación. Polo de agora só está aprobado o decreto e o plan de recuperación do oso pardo, pero estanse a levar a cabo outras actuacións de reforzamento e reintrodución de especies sen ter aprovado previamente un plan de rec...

Por fin, conseguimos en Radio CERNA falar cun dos responsables da Xunta na ampliación dos espazos da Rede Natura en Galiza. Roxelio Fernández, subdirector xeral de espazos protexidos falaranos dos criterios empregados na selección dos espazos, a valoración sobre a superficie total e plans de futuro.

Coñece as novas sobre medio ambiente máis sobresaíntes desta semana.

Proxecto Ríos, o programa de voluntariado ambiental de ríos, fai balanzo do ano 2011 partindo dos datos recollidos por máis de 200 grupos de voluntarios que inspeccionanos ríos de Galiza.

Así se chama unha publicación editada pola FRUGA (Federación Rural Galega) para divulgar as árbores máis senlleiras dos bosques de Lugo. O libro destaca un total de 25 exemplares e 10 bosques singulares.

Hoxe coñecemos a postura da Xunta de Galiza con respecto ao conflicto da Frouxeira da man do xefe de servizo de conservación da Coruña, Carlos Muñoz. Unha postura que dista totalmente da mantida hai 2 anos ao redor do mesmo problema, e tamén recollida neste programa.

Por que existen vivendas na zona de inundación da Lagoa da Frouxeira en Valdoviño? A resposta a esta pregunta sitúa as responsabilidades do conflito que hoxe están a vivir hoxe os veciños que se queixan de que a crecida da lagoa anega as súas parcelas e vivendas. ADEGA responde.

Lei de caza, lagoa da Frouxeira, balanzo ambiental do ano, incineración, etc., son algúns dos temas que rodearon a actualidade informativa ambiental desta semana.

Goza dun capítulo máis da sección de flora e fauna de Galiza en Cerna.

Misérrima é como califican algúns colectivos ambientalistas a ampliación da Rede Natura de Galiza presentada a finais de ano polo goberno da Xunta. Tan só un 3% de superficie máis protexida que nos sigue mantendo baixo os umbrais da media estatal e das comunidades limítrofes con Galiza.

O caso Arena agocha unha problemática ambiental que varios colectivos veñen denunciando desde hai anos e que agora recorren á Fiscalía. Os áridos asfálticos procedentes de Holanda para utilizar en recheos ou asfaltados de estradas están sen reciclar e conteñen compostos contaminantes e prexudiciais para a saúde humana, segundo os expertos.

Escoita o último boletín informativo ambiental deste ano, no que repasamos a actualidade ambiental desta derradeira semana de 2011.

Neste espazo radiofónico coñecerás o balanzo ambiental que a organización ecoloxista ADEGA fai deste ano 2011 que se acaba. Aínda que, segundo o colectivo, o ano que pasa non deparou ningún avance para a conservación do contorno galego, senón unha chea de retrocesos en política ambienta, ADEGA augura que o vindeiro ano será un dos máis duros para o movemento ecoloxista.

Álvaro García Ortiz, Fiscal de Medio ambiente de Galiza, dá conta da pouca vontade política existente en ordear o territorio galego e as trabas que se están a crear para tal fin.

Trátase dunha das últimas iniciativas lexislativas do goberno galego que máis controversia creou e que tan só foi aprobada cos votos do PP. A lei será analizada pola colaboradora de CERNA, Alba Nogueira, profesora de dereito ambiental na USC.

20 colectivos reclaman a permanencia do carril-bus na Coruña fronte a retirada proposta polo concello cara a unha "rede urbana eficiente". Todos eles asinan un manifesto no que piden que o concello, antes de establecer cambios no xeito de desprazarse pola cidade, elabora un Plan de Mobilidade participado pola cidadanía.

Nova sección de flora e fauna de Galiza en Cerna. Non a perdas!

A maioría das especies forestais están afectadas en Galiza por pragas. A máis plantada, o eucalipto, tamén está a ser atacada polo gorgullo ou goniptero que, segundo varias fontes consultadas, podería afectar a máis da metade dos eucaliptais galegos. Ecoloxistas, propietarios e sindicatos opinan sobre esta problemática.

Tres plataformas de veciños están a actuar tanto no concello como na comarca na que se vai instalar a incineradora prevista pola Xunta. As tres falaron con Radio Cerna para dar coñecer as súas preocupacións e inquietudes ao respecto deste novo proxecto industrial.