Podcast Radio Cerna

Mañá ADEGA vai realizar unha primeira xornada de voluntariado ambiental para a eliminación de especies exóticas nas dunas da Corna (Pobra do Caramiñal). Ramsés Peréz, educador ambiental de ADEGA, explícanos en que vai consistir a actividade e anuncia outra actuación similar para o vindeiro 19 de xullo nas lagoas de Xuño e Muro de Porto do Son.

Alumnos e alumnas do IES Carlos Casares de Viana do Bolo e do Colexio Uxío Novoneyra de Folgoso do Courel gañan o primeiro e segundo premio dos galardóns "Luis Freire" que outorgan os Museos científicos da Coruña e El Corte Inglés, coa colaboración da Asociación de Amigos da Casa das Ciencias. Estes premios recoñecen a capacidade científica dos estudantes e, desta volta, os temas de estudo dos tra...

O Cumio en Rio de Janeiro sobre desenvolvemento sostible súmase á lista de encontros internacionais sobre medio ambiente que resultaron ser un auténtico fracaso. Hoxe avaliamos con Adela Figueroa as conclusións do cumio Rio+20.

Coñece as novas desta semana que tiveron que ver co medio natural e a ecoloxía de Galiza.

O consumo responsable e o cambio de estilo de vida non é unha opción persoal, senón unha cuestión de supervivencia. É o que conclúe o estudo "Consumo e estilos de vida: cambio global en España 2015-2020", publicado na revista Opcións do CRIC (Centro de Investigación e Información en Consumo).

A Terra Chá foi a única comarca galega na que se puido completar o proceso de colonización instaurado na época franquista, que substituiu o sistema de agras e do monte comunal polo da agricultura intensiva e dependente da industria. Un pasado que determinou a realidade actual do rural chairego e da súa paisaxe. Ana Cabana fálanos de como tivo lugar ese proceso e das súas consecuencias.

A asociación de propietarios de terreos eólicos, Ventonoso, está levando a cabo unha campaña de información e asesoramento dos veciños fronte a enxurrada de parques eólicos que virán nos vindeiros anos para os montes galegos, en virtude do último concurso eólico. Ventonoso dá as claves para artellar unha negociación xusta coa empresa eólica.

A contaminación por partículas nas cidades galegas é superior ao marcado pola lei nalgunhas cidades galegas e os seus niveis sobrepasan en todos os casos o recomendado pola OMS. Este organismo vén de recoñecer como elemento carcinóxeno a contaminación por partículas derivada dos motores diésel.

Entérate da actualidade da semana sobre o medio e a ecoloxía en Galiza en dez minutos e a través de Radio Cerna.

Endesa anuncia novos proxectos enerxéticos asociados á lagoa artificial das Pontes e a Xunta non descarta avalialos. Aínda así, o futuro da "lagoa" das Pontes é aínda un misterio. Doutra banda, os ecoloxistas cren que a chamada "lagoa" non é máis que unha hipoteca ecolóxica e social de futuro.

Tras a aprobación do plano hidrolóxico de Galiza, o organismo competente na xestión da bacía Galicia-Costa, anuncia que comezará a abrir expedientes de caducidade para unhas 115 concesións hidroeléctricas sen executar desde hai varias décadas. Tamén terá que decidir que facer coas 85 concesións afectadas pola moratoria do bipartito, que non están aínda autorizadas. Neste espazo falamos co presiden...

A febre do ouro chega a Cabana de Bergantiños, onde a empresa canadense Edwater Rio Narceda Gold Mines solicita a explotación de tres antigos xacementos de ouro na parroquia de Corcoesto. O impacto paisaxístico do proxecto, a necesidade de auga, a contaminación con metais pesados e a falta de garantías ante un eventual accidente fan que algúns dos veciños xa se teñan constituído en Plataforma para...

O Tribunal Supremo ratifica unha sentenza do Tribunal Superior de 2008 na que se anulaba a modificación do planeamento ordenación municipal de Mugardos, pola cal se cambia o uso do solo no que se asenta Reganosa por industrial. A anulación desta modificación significa que Reganosa non cumpre a lei urbanística e que, polo tanto, segundo o Comité Cidadán de Emerxencia da Ría de Ferrol, perde todos o...

Escoita o repaso das novas ambientais acontecidas en Galiza na última semana.

A nova lei de vivenda de Galiza que está en tramitación está a crear controversia entre certos sectores por permitir a moratoria de derrubos de vivendas ilegais senteciados polos tribunais. Pero é constitucional esta amnistía urbanística?

Un estudo do CSIC avalía o grao de afección que o cambio climático pode provocar sobre os xacementos arqueolóxicos da primeira liña de costa de Pontevedra. En total estuda 19 xacementos, algúns dos cales poderían chegar a desaparecer nun breve período de tempo.

O Colexio de Biólogos de Galiza pon en entredito a política da Xunta en materia ambiental e aproveita o Día Mundial do Medio Ambiente para facer unha chamada de atención á Administración sobre biodiversidade, política forestal, política de prevención de lumes ou contaminación electromagnética.

Hoxe, día mundial dos océanos, Radio Cerna repasa a actualidade ambiental da semana.

Este sábado, 9 de xuño, está convocada unha manifestación en Santiago de Compostela para reivindicar, con motivo do día do medio ambiente, unha lei de montes de Galiza que siga criterios de sustsentabilidade, multifuncionalidade e que cree oportunidades de traballo no rural. Convocan esta marcha ADEGA, FRUGA, CIG e a ORGACCMM. Falamos co presidente da Organización galega de Montes Comunais sobre o...

Neste espazo analizamos a situación da pesca sen morte en Galiza coa axuda da organización Ríos con Vida, a cal demanda que como mínimo o 30% dos leitos fluviais sexan declarados de pesca sen morte.

Varias entidades galegas están a desenvolver proxectos de voluntariado ambiental en ríos dentro do programa promovido polo Ministerio de Medio Ambiente dedicado á recuperación dos efluentes. A Confederación Hidrográfica Miño-Sil é a encargada en Galiza de coordinar os proxectos de voluntariado na bacía Miño-Sil.

A canteira de Cosmos en Triacastela ocupa un monte comunal cuxa titularidade reclaman os veciños, asegurando que a empresa non ten asignada a propiedade do monte de forma legal. Piden ao concello que free a entrada das máquinas da empresa nestes terreos, e lémbralle que esta carece de licenza municipal.

Entérate do que pasou no país durante esta semana no eido medioambiental. Escoita este espazo Cerna que che resume esta actualidade.

O goberno centra modifica pola vía da urxencia catro leis relativas á normativa ambiental do Estado español. Os cambios que se prevén nas leis de augas, residuos, contaminación atmosférica e espazos protexidos foron tachados de "centralizadores, desprotectores e pouco transparentes". Neste espazo Alba Nogueira analiza o decreto e dá conta das súas consecuencias en materia ambiental.

A Serra do Suído é un dos espazos galegos da Rede Natura que quedaron fóra da ampliación de espazos protexidos proposta pola Xunta de Galiza, por mor da instalación de tres parques eólicos. O Suído ten unha das maiores representacións de turbeira (hábitat prioritario) de Europa.