Podcast Radio Cerna

Proxectos Ríos súmase ás novas tecnoloxías e elabora un xeovisor para dotar de informacion sobre o estado dos ríos galegos de xeito máis próximo e accesible a calquera usuario de internet. Virxinia Rodríguez explícanos como funciona este xeoportal.

ADEGA analiza o proxecto relativo ao trasvase de auga da balsa mineira de Meiraba ao encoro de Cecebre, que dá de beber á área metropolitana da Coruña. Nesta análise descubre que, ademais do trasvase, existen outros proxectos asociados que tirarían beneficio para empresas privadas.

Neste boletín informativo poderás escoitar dez minutos de información sobre o que aconteceu esta semana no eido ambiental galego.

Hoxe en Radio Cerna ampliamos o noso coñecemento sobre a flora e fauna do país. Abordamos a planta do hérbedo e completamos a exposición de Pepe Salvadores sobre o cuco.

Escoita un novo capítulo da sección de flora e fauna de Galiza en Cerna, no que che apresentamos unha planta, a roseira, e un paxar, o cuco (1ª parte).

Unha sentenza do Tribunal de Grande Instancia de Lyon condena a Monsanto a indemnizar a un agricultor francés por intoxicación. Un fallo histórico, segundo algúns, que pon en dúbida a inocuidade dos seus herbicidas. Alba Nogueira, profesora de dereito ambiental, axudaranos a interpretar esta sentenza.

Os expertos chaman a atención sobre a inminente chegada a Galiza de dúas avespas perigosas para a biodiversidade vexetal e animal e piden que se tomen precaucións. Trátase da avespa velutina e da Urocerus albicornis.

O movemento "Muralla Viva" rexeita o uso do glifosato, agrotóxico non selectivo, para a limpeza da vexetación da Muralla lucense. A Xunta ten determinado empregar este herbicida en agosto. Sen embargo, varios grupos e colectivos sociais solicitan que se empregue o método manual que é menos agresivo para os animais e plantas e inocuo para a saúde pública.

No seu segundo aniversario, o Foro do Camiño Primitivo, apremia á Xunta a protexer a vía histórica a través da súa delimitación oficial, para a cal demandará aspectos ineludibles. O Camiño Primitivo é candidato a Patrimonio da Humanidade, e sen unha protección oficial, merman as súas posibilidades de acadar este recoñecemento.

Queres coñecer as novas máis destacadas desta semana na actualidade ambiental dos últimos días? Escoita este espazo Cerna e entérate!

Varios colectivos presentaron unha denuncia contra o concello de Marín por permitir e patrocinar unha proba de trial no Bosque do Cadro, no que están catalogados monumentos megalíticos. Neste espazo falamos co voceiro da Plataforma en Defensa dos montes do Morrazo.

Os recortes en servizos básicos serán máis acuciantes na montaña luguesa. A Xunta programa para estas zonas de alta montaña a unificación de aulas e a redución de persoal educativo. Os veciños e veciñas da montaña cren que estes recortes tamén se farán nos servizos sanitarios e todo, baixo o parangón da pouca poboación. O certo é que estes cambios son os que empuxan ao abandono do rural.

Unhas 4.000 árbores en total se pretenden botar abaixo para o paso do AVE por Laza. Esta actuación que non está incluída na Declaración de Impacto ambiental afectaría a un LIC e a bosque de ribeira. Veciños e veciñas da zona, ademais de colectivos ecoloxistas, piden a paralización da tala e a execución do trazado orixinal.

Escoita o espazo de Radio Cerna que resume en dez minutos as novas máis destacadas acontecidas a última semana no medio natural galego.

A Xunta saca á luz un novo decreto que regula as condicións zoosanitarias e de identificación dos equinos galegos, tamén daqueles que viven no monte ou son cabalos mostrencos. Para os propietarios dos equinos este decreto é o fin dos cabalos salvaxes.

Así é como se titula o Seminario que terá lugar mañá e pasado no centro de divulgación ambiental CEIDA, no Castelo de Santa Cruz de Oleiros. O Seminario acolle a varios expertos en desenvolvemento rural en áreas protexidas e varias experiencias de éxito neste eido. Tamén tratará de responder á incógnita do porqué en Galiza os espazos protexidos non se acaban de ver como oportunidades de desenvolve...

É a primeira entidade desta comarca do Norte de Lugo que nace coa intención de recompilar todo tipo de patrimonio da zona e de inventarialo. Unha aposta pola conservación patrimonial desde varios puntos de vista.

Tras 60 anos de ameaza do Salto do Navia, o Ministerio de Medio ambiente declara negativo o estudo de impacto ambiental presentado pola promotora (Saltos del Navia). Con este é o oitavo intento da empresa de promover esta macroinfraestrutura nunha zona que hoxe conta con 5 figuras de protección ambiental. O lastre desta ameaza tivo consecuencias negativas para Navia e Fonsagrada durante todas esta...

Coñece cales foron as novas máis destacadas desta semana no eido ambiental galego.

A asociación ecoloxista Naturviva de Agolada inicia unha nova campaña de voluntariado de vixianza e disuación contra os lumes forestais no Sobreiral do Arnego. Desta volta sen o apoio institucional.

No encontro organizado por ADEGA en Lugo sobre "A cultura do monte galego", o arqueólogo e museólogo Felipe Senén deu conta do humanismo co que se foi construíndo a cultura e a relación da sociedade co monte de Galiza, un humanismo que hoxe está en declive.

A idea do monte na nosa cultura tradicional relaciónase co caso, a incerteza e a inseguridade, pero tamén o monte constitúe unha peza fundamental na supervivencia da sociedade rural tradicional. O monte galega acábase convertendo nun dos principais elementos que se usaban para construír a moral galega. Disto fálanos o etnógrafo Xosé Manuel González Reboredo no espazo Cerna de hoxe.

Nos vindeiros tres días Radio Cerna recolle as palestras de tres expertos na cultura do monte, participantes da xornada "A Cultura do Monte" organizada por ADEGA a pasada semana en Lugo. Hoxe abordamos a historia dos montes veciñais, unha historia de supervivencia segundo o historiador Carlos Morgade.

Coñece todas as novas máis destacadas desta semana no eido ambiental galego, aquí en Radio Cerna.

Anxo Moure, o "Carballo con Botas" fixo realidade o soño de moitos nenos e nenas, e tamén de adultos/as, ao construír no cumio dun carballo e dun castiñeiro unha casa para morar, ler e descubrir personaxes fantásticos. É a Casa das árbores do Carballo con Botas.