Podcast Radio Cerna

Por primeira vez en 15 anos, a entidade certificadora da pesca sostible, MSC, fai un estudo da evolución das pesquerías certificadas en todo o mundo. No Estado español, o selo leva implantado só dous anos pero xa se poden obter algúns resultados.

O Servizo de Normalización Lingüística da USC lanza un glosario de termos galegos relacionados coa área de estudo e manexo forestal para recuperar formas de léxico que se foron perdendo coa chegada de anglicismos, novas prácticas e tecnoloxías.

Un estudo da rede europea Meta. Net conclúe que boa parte das linguas europeas poderían desaparecer da rede por non ofrecer recursos nin poseer ferramentas lingüísticas coas que traballar de xeito on-line. Unha destas linguas é o galego. Analizamos a situación da nosa lingua na rede coa coordinadora do estudo na Universidade de Vigo.

Mañá comeza na Coruña o xuízo oral pola castástrofe do Prestige. Tras dez anos desde a marea negra a voz crítica da plataforma Nunca Máis rexorde para pedir a non impunidade aos danos ocasionados polo petroleiro nas nosas costas. É por iso que mañá ás 11 horas Nunca Máis convoca á cidadanía galega a manifestarse no recinto feiral da Coruña.

As terapias asistidas con animais para persoas discapacitadas teñen demostrada a súa efectividade para o paciente como para o benestar do animal. A finais deste mes celébrase o primeiro foro a nivel estatal sobre terapias asistidas para dar a coñecer os seus beneficios e intercambiar experiencias. A Asociación ANDREA participará neste Foro.

É o primeiro manual de custodia fluvial de Galiza e do Estado. Está editado por ADEGA, no marco do Proxecto Ríos, e a finais de ano estará a disposición do público xeral.

Por primeira vez, a comunidade científica estuda os efectos na saúde das persoas e dos animais dun alimento transxénico a longo prazo. O estudo obtén un resultados alarmantes.

Sindicatos, asociacións de profesionais contra o lume, organizacións ecoloxistas, agraria e sociais, reúnense nunha plataforma para pedir un servizo único e público de prevención e extinción de l umes, fronte á privatización do servizo.

A reforma da Política pesqueira común está a enfrontar ao sector conserveiro galego. Unha emenda de europetuada Carmen Fraga ao informe Stevenson consegue eliminar da etiqueta das latas a orixe de procedencia do molusco, peixe ou marisco do seu interior. Para algúns esta é unha necesidade no sector, para outros, a perda da diferenciación do produto local e de calidade e unha fraude para o consumid...

O Instituto Español Oceanográfico fixo a recompilación de todos os estudos e investigacións que teñen realizado no Estado relativos á situación ecolóxica dos nosos mares e océanos. Hoxe falamos cun membro do EIO en Vigo para coñecer cal é a saúde ecolóxica dos mares galegos.

Trece protectoras da provincia de Pontevedra xúntanse en Plataforma para denunciar a privatización do servizo de recollida e refuxio por parte da Deputación provincial e abrir ás portas ao exterminio de animais cando as instalacións de Armenteira (Meis) non teñan suficiente capacidade de acobillo.

O centro de educación ambiental de Amigos da Terra no Macizo Central de Ourense, as Corcerizas, vén de cumprir 10 anos de actividade. Esta fin de semana As Corcerizas celebrou por todo o alto o seu décimo aniversario.

En poucos minutos poderás coñecer toda as novas de relevancia que se produciron en Galiza na última semana. Escoita este espazo Cerna!

Desde hoxe ata o vindeiro domingo celébrase o II Encontro de Custodia do Territorio de Galiza, organizado pola Fundación Fragas do Mandeo e o GDR das Mariñas-Betanzos. Expertos en ríos, ONG, asociacións ecoloxistas, empresas e responsables públicos compartirán mesa de debate sobre a custodia territorial.

A organización Véspera e Nada presenta a todos os candidatos á presidencia da Xunta un informe no que se propoñen varias medidas para poder facer fronte aos problemas de distribución e encarezamento do petróleo en datas moi próximas.

O colectivo ecoloxista Verdegaia falla os seus premios "Cemento" e "Semente" deste ano 2012. O pasado domingo tivo lugar a entrega de premios en Compostela, na que houbo sorpresas.

O goberno galego impulsa a creación do Plan Galego de Especies Invasoras, e encarga un estudo previo ao Grupo Especialista en Invasións Biolóxicas para diagnosticar a situación de afección actual e establecer as liñas básicas de actuación. Coñecémolas neste espazo...

Radio Cerna ofréceche 10 minutos de información sobre os acontecementos máis actuais no eido ambiental en Galiza. Querémolos compartir contigo.

Comeza a campaña de outono de Proxecto Ríos, cuxa primeira actividade será o vindeiro 30 de setembro, coa realización da limpeza simultánea de ríos en todo o país. Ademais desta actividade, a campaña de outono ofrece moitas outras que che contamos neste programa.

Así é como se chama un grupo de persoas da comarca de Ferrolterra que reivindican a utilización do orzamento destinado á reforma da Praza Maior de Ferrol á recuperación do patrimonio histórico e cultural deteriorado. A través de acción activa da recuperación de elementos patrimoniais queren chamar a atención dos gobernos locais e da Xunta.

Varios colectivos ecoloxistas piden ás confrarías galegas que retiren as nasas do mar unha vez remate a xornada de pesca. O motivo é os impactos negativos que os cabos das nasas causan nos mamíferos e tartarugas mariñas.

A FEG, ADEGA, SGHN, CEMMA e Amigo da Terra presentaron aos candidatos ás eleccións autonómicas o "Programa Terra 2012" no que se recollen as 12 propostas e demandas ecoloxistas para o futuro goberno de Galiza.

Aquí atoparás as novas ambientais máis destacadas do país nos últimos días...

Verdegaia denuncia desbroces masivos no Parque Nacional das Illas Atlánticas e advirte que, de seguir estas prácticas, pedirán a retirada da categoría de Parque Nacional.

Unha nova concepción sobre a ordenación do territorio baseada na terra e na sustentabilidade pasa a ser materia de máster na USC. Onte comezou o "Masterra" no Campus de Lugo para formar aos alumnos na creación de "novos territorios".